శ్రీరామ దండకం srirama dandakam

శ్రీరామ దండకం

 శ్రీరామధ్యానమ్ ।

హత్వా యుద్ధే దశాస్యం త్రిభువనవిషమం వామహస్తేన చాపం

భూమౌ విష్టభ్య తిష్ఠన్నితరకరధృతం భ్రామయన్బాణమేకమ్ ।

ఆరక్తోపాన్తనేత్రః శరదలితవపుః కోటిసూర్యప్రకాశో

వీరశ్రీబన్ధురాఙ్గస్త్రిదశపతినుతః పాతు మాం వీరరామః ॥

అథ శ్రీరామదణ్డకం స్తోత్రమ్ ।

ఓం శ్రీరామపరబ్రహ్మాణే నమః ।

శ్రీమదఖిలాణ్డకోటిబ్రహ్మాణ్డభాణ్డదణ్డోపదణ్డకరణ్డమలాశాన్తోద్దీపిత-

సగుణనిర్గుణాతీతసచ్చిదానన్దపరాత్పరతారకబ్రహ్మాహ్వయదశదిక్ ప్రకాశం,

సకలచరాచరాధీశమ్ ॥ ౧॥

కమలసమ్భవశచీధవప్రముఖనిఖిలవృన్దారకవృన్దవన్ద్యమానసన్దీప్త-

దివ్యచారణారవిన్దం, శ్రీముకున్దమ్ ॥ ౨॥

దుష్టనిగ్రహశిష్టపరిపాలనోత్కట

కపటనాటకసూత్రచరిత్రారఞ్జితబహువిధావతారం, శ్రీరఘువీరమ్ ॥ ౩॥

కౌసల్యాదాశరథమనోరథామన్దానన్దకన్దలితాధిరూఢక్రీడా-

విలోలనశైశవం శ్రీకేశవం ॥ ౪॥

విశ్వామిత్రయజ్ఞవిఘ్నకారణోత్కటతాటకాసువాహుబాహుబలవిదలన-

బాణప్రవీణకోపపరాయణం, శ్రీమన్నారాయణమ్ ॥ ౫॥

నిజపాదజలజరజః కణస్పర్శనీయశిలారూపశాపవిముక్త-

గౌతమసతీవినుతమహీధవం, శ్రీమాధవమ్! ॥ ౬॥

ఖణ్డేన్దుధరప్రచణ్డకోదణ్డఖణ్డనోద్దణ్డదర్ద్దణ్డకౌశిక-

లోచనోత్సవజనకచక్రేశ్వరసమర్పితసీతావివాహోత్సవానన్దం,

శ్రిగోవిన్దమ్ ॥ ౭॥

పరశురామభూజాఖర్వగర్వనిర్వాపణపదానుగతరణవిజయవర్తిష్ణుం

శ్రీవిష్ణుమ్ ॥ ౮॥

పితృవాక్యపరిపాలనోత్కటజటావల్కలోద్యతసీతాలక్ష్మణసహిత-

మహితరాజ్యాభిమతదృఢవ్రతసఙ్కలితప్రయాణరఙ్గగాఙ్గావతరణసాధనం,

శ్రీమధుసూదనమ్ ॥ ౯॥

భరద్వాజోపచారనివారితశ్రమక్రమనిరాఘాటచిత్రకూటప్రవేశకక్రమం,

శ్రీత్రివిక్రమమ్ ॥ ౧౦॥

జనకవియోగశోకాకులితభరతశత్రుఘ్నలాలనానుకూల-

భరతపాదుకాప్రదానసుధానిర్మితాన్తఃకరణదుష్టచేష్టాయమాన-

క్రూరకాకాసురగర్వోపశమనం, శ్రీవామనమ్ ॥ ౧౧॥

దణ్డకాగమనవిరోధక్రోధవిరాధానలజ్వాలాజలధరం శ్రీధరమ్ ॥ ౧౨॥

శరభఙ్గసుతీక్ష్ణాత్రిదర్శనాశీర్వాదనిర్వ్యాజకుమ్భసమ్భవ-

కృపాలబ్ధమహాదివ్యాస్త్రసముదాయార్జితప్రకాశం, శ్రీహృషీకేశమ్ ॥ ౧౩॥

పఞ్చవటీతటీసఙ్ఘటితవిశాలపర్ణశాలాగతశూర్పణఖానాసికాచ్ఛేదన-

మానావబోధనమహాహవారమ్భణవిజృమ్భణరావణనియోగమాయామృగసంహార-

కార్యార్థలాభం, శ్రీపద్మనాభమ్ ॥ ౧౪॥

రాత్రిఞ్చరవరవఞ్చనాపహృతసీతాన్వేషణరతపఙ్క్తికన్థరక్షోభ-

శిథిలీకృతపక్షజటాయుర్మోక్షబన్ధుక్రియావసాననిర్బన్ధనకబన్ధ-

వక్త్రోదరశరీరనిరాదరం, శ్రీమద్దామోదరమ్ ॥ ౧౫॥

శబర్యోపదేశపమ్పాతటహనుమత్సుగ్రీవసమ్భాషిత బన్ధురాద్వన్దదున్దుభి-

కలేబరోత్పతనసప్తసాలచ్ఛేదనబాలివిదారణప్రసన్నయుగ్రీవ-

సామ్రాజ్యసుఖమర్షణం, శ్రీసఙ్కర్షణమ్ ॥ ౧౬॥

సుగ్రీవాఙ్గదనీలజామ్బవత్పనసకేసరిప్రముఖనిఖిలకపినాయకసేనా-

సముదాయార్చితసేవం, శ్రీవాసుదేవం ॥ ౧౭॥

నిజదత్తముద్రికాజాగ్రత్సముగ్రాఞ్జనేయవినయవచనరచనామ్బుధి-

లఙ్ఘితలఙ్కిణీప్రాణోల్లఙ్ఘనజనకజాదర్శనాక్షకుమారమారణ

లఙ్కాపురీదహనతత్ప్రతిష్ఠిత-

సుఖప్రసఙ్గధృష్టద్యుమ్నం, శ్రీప్రద్యుమ్నమ్ ॥ ౧౮॥

అగ్రజోదగ్రమహోగ్రనిగ్రహపలాయమానాపమాననీయనిజశరణ్యాగణ్యపుణ్యోదయ-

విభీషణాభయప్రదానానిరుద్ధం, శ్రీమదనిరుద్ధమ్ ॥ ౧౯॥

అపారలవణపారావారసముజ్జృమ్భితోత్కరణగర్వనిర్వాపణదీక్షాసమర్థ-

సేతునిర్మాణప్రవీణాఖిలనరసురోత్తమం, శ్రీపురుషోత్తమమ్ ॥ ౨౦॥

నిస్తులప్రహస్తకుమ్భకర్ణేన్ద్రజిత్కుమ్భనికుమ్భాగ్నివర్ణాతికాయమహోదర-

మహాపార్శ్వాదిదనుజతనుఖణ్డనాయమానకోదణ్డగుణశ్రవణశోషణహతశేష-

రాక్షసవ్రజం, శ్రీ అధోక్షజమ్ ॥ ౨౧॥

అకుణ్ఠితరణోపకణ్ఠదశకణ్ఠదనుజకణ్ఠీరవకణ్ఠలుణ్ఠనాయమానజయార్హం,

శ్రినారసింహమ్ ॥ ౨౨॥

దశగ్రీవానుజపట్టభద్రత్వశక్యవిభవలఙ్కాపురీస్ఫురణసకలసామ్రాజ్య-

సుఖోర్జితం, శ్రీమదచ్యుతమ్ ॥ ౨౩॥

సకలసురాసురాద్భుతప్రజ్వలితపావకముఖపూతాయమానసీతాలక్ష్మణానుగత-

మహనీయపుష్పకాధిరోహణ నన్దిగ్రామస్థితభ్రాతృభిర్యుతజటావత్కల-

విసర్జనామ్బరభూషణాలఙ్కృతశ్రేయోవివర్ధనం, శ్రీజనార్ద్దనమ్ ॥ ౨౪॥

అయోధ్యానగరపట్టాభిషేకవిశేషమహోత్సవనిరన్తరదిగన్తవిశ్రాన్తహారహీర-

కర్పూరపయఃపారావారాపారాభవాణీ కున్దేన్దుమన్దాకినీచన్దనసురధేను-

శరదమ్బుదాలీశరదమ్భోలీ శతధారాధావల్యశుభకీర్త్తిచ్ఛటాన్తర-

పాణ్డురీభూతసభావిభ్రాజమాననిఖిలభువనైకసాన్ద్రయశస్సాన్ద్రం,

శ్రీ ఉపేన్ద్రమ్ ॥ ౨౫॥

భక్తజనసంరక్షణదీక్షాకటాక్షసుఖోదయసముత్సారిం, శ్రీహరిమ్ ॥ ౨౬॥

కేశవాది చతుర్వింశతినామగర్భసన్దర్భోచితనిజ-

కథాఙ్గీకృతమేధావతిష్ణం, శ్రీకృష్ణమ్ ॥ ౨౭॥

సర్వసుపర్వపార్వతీహృదయకమలతారకబ్రహ్మనామం, శ్రీసమ్పూర్ణకామమ్ ॥ ౨౮॥

భవతరణానుయశస్సాన్ద్రం భవజనితభయోచ్ఛేదవిచ్ఛాత్రమచ్ఛిద్రం

భక్తజనమనోరథోన్నిద్రం, శ్రీభద్రాచలరామభద్రమ్ ॥ ౨౯॥

ఓం శ్రీరామభద్రాయనమః ।

ఇతి శ్రీరామదణ్డకం సమాప్తమ్ ।

All copyrights reserved 2012 digital media act