Srirama dwadasa nama stotram శ్రీరామ ద్వాదశనామ స్తోత్రం (స్కందపురాణం)

శ్రీరామ ద్వాదశనామ స్తోత్రం (స్కందపురాణం)

 ప్రథమం శ్రీధరం విద్యాద్ద్వితీయం రఘునాయకమ్ ।
తృతీయం రామచన్ద్రం చ చతుర్థం రావణాన్తకమ్ ॥ ౧॥

పఞ్చమం లోకపూజ్యం చ షష్ఠమం జానకీపతిమ్ ।
సప్తమం వాసుదేవం చ శ్రీరామం చాష్టమం తథా ॥ ౨॥

నవమం జలదశ్యామం దశమం లక్ష్మణాగ్రజమ్ ।
ఏకాదశం చ గోవిన్దం ద్వాదశం సేతుబన్ధనమ్ ॥ ౩॥

ద్వాదశైతాని నామాని యః పఠేచ్ఛ్రద్ధయాన్వితః ।
అర్ధరాత్రే తు ద్వాదశ్యాం కుష్ఠదారిద్ర్యనాశనమ్ ॥ ౪॥

అరణ్యే చైవ సఙ్గ్రామే అగ్నౌ భయనివారణమ్ ।
బ్రహ్మహత్యా సురాపానం గోహత్యాఽఽది నివారణమ్ ॥ ౫॥

సప్తవారం పఠేన్నిత్యం సర్వారిష్టనివారణమ్ ।
గ్రహణే చ జలే స్థిత్వా నదీతీరే విశేషతః ।
అశ్వమేధశతం పుణ్యం బ్రహ్మలోకే గమిష్యతి ॥ ౬॥

ఇతి శ్రీ స్కన్దపురాణే ఉత్తరఖణ్డే శ్రీఉమామహేశ్వరసంవాదే
శ్రీరామద్వాదశనామస్తోత్రం సమ్పూర్ణమ్ ।

All copyrights reserved 2012 digital media act