Srirama mangala sasanam శ్రీరామ మంగళ శాసనం

శ్రీరామ మంగళ శాసనం

 శరణాగతసన్త్రాణనిపుణాయ మహాత్మనే ।

అయోధ్యాజనభాగ్యాయ రామభద్రాయమఙ్గలమ్ ॥ ౧॥

కౌసల్యానన్దకన్దాయ కల్యాణగుణసిన్ధవే ।

శరణ్యాయ వరేణ్యాయ రామభద్రాయ మఙ్గలమ్ ॥ ౨॥

కౌశికాఖ్యమహాయోగిసన్దేశసఫలీకృతౌ ।

కృతినే నతితుష్టాయ రామభద్రాయ మఙ్గలమ్ ॥ ౩॥

వైదేహీవదనామ్భోజలోలమ్బాయితచేతసే ।

భద్రాణామపి భద్రాయ రామభద్రాయ మఙ్గలమ్ ॥ ౪॥

గౌతమాశ్రమసాఫల్యనిదానపదపాంసవే ।

దాశకీశాదిమిత్రాయ రామభద్రాయ మఙ్గలమ్ ॥ ౫॥

మహాపాతకనిర్ముక్తిహేతుసేతువిధాయినే ।

శిక్షితాసురజాలాయ రామభద్రాయ మఙ్గలమ్ ॥ ౬॥

విభీషణపరిత్రాణసంహృష్టమనసేఽనిశమ్ ।

ప్రాప్తసీతాయ రామాయ రామభద్రాయ మఙ్గలమ్ ॥ ౭॥

ప్రాప్తరాజ్యాయ రామాయ భరతాభీష్టదాయినే ।

సర్వబన్ధుసమేతాయ రామభద్రాయ మఙ్గలమ్ ॥ ౮॥

శ్రీనివాసయతీన్ద్రోక్తం సీతావల్లభమఙ్గలమ్ ।

యే పఠన్తి మహాత్మానస్తేషాం భూయాత్తు మఙ్గలమ్ ॥ ౯॥

ఇతి శ్రీరామభద్రమఙ్గలాశాసనం సమ్పూర్ణమ్ ॥

All copyrights reserved 2012 digital media act