Srirama pratahasmarna stotram శ్రీరామ ప్రాతస్మరణం (అగస్త్యముని కృతం)

శ్రీరామ ప్రాతస్మరణం (అగస్త్యముని కృతం)

శ్రీరామప్రాతఃస్మరణమ్

ప్రాతః స్మరామి రఘునాథముఖారవిన్దం

లమ్బాలకావలిమధువ్రతముగ్ధశోభమ్ ।

మన్దస్మితాంశుమహనీయమరాలశోభం

కారుణ్యపూరితకటాక్షకృతార్తరక్షమ్ ॥ ౧॥

ప్రాతః శృణోమి రఘునాయకవాక్యజాలం

దీనౌఘరక్షణమహావ్రతలబ్ధమూలమ్ ।

శ్రోష్యామి యేన న కథఞ్చన కాలదూత-

వక్త్రోద్గతం జహి విదారయ తాడయేతి ॥ ౨॥

ప్రాతర్భజామి రఘునాయకవామహస్తం

కోదణ్డదణ్డపరిమణ్డితమద్భుతాభమ్ ।

యద్దర్శనాద్ధృదయమాశరపుఙ్గవానాం

సద్యస్స్ఫుటత్యఖిలలోకజయోద్ధతానామ్ ॥ ౩॥

ప్రాతశ్శ్రయామి రఘునాయకదక్షహస్తం

సాధుద్రుహాం విదలనోత్సుకబాణయుక్తమ్ ।

ఆర్తాభయార్పణమహావ్రతబద్ధదీక్షం

దీనాల్యభీష్టవరదానసుధాశనద్రుమ్ ॥ ౪॥

ప్రాతర్నమామి రఘునాథపదారవిన్దం

దేవాసురోరగమునీన్ద్రమనుష్యవన్ద్యమ్ ।

యత్స్పర్శభాగ్యవశతో భరతప్రియార్థమ్ ।

సామ్రాజ్యమాప కిల దారు చ పాదుకాఖ్యమ్ ॥ ౫॥

ఇతి అగస్త్యమునికృతం శ్రీరామప్రాతఃస్మరణం సమ్పూర్ణమ్ ।

॥ శ్రీరామశరణం మమ ॥

All copyrights reserved 2012 digital media act