త్ర్యైలోక్య విజయ ఛిన్నమస్తా కవచం trilokya Vijaya chinnamastha kavacham telugu
త్ర్యైలోక్య విజయ ఛిన్నమస్తా కవచం (భైరవతంత్రే)
శ్రీఛిన్నమస్తాకవచమ్
శ్రీగణేశాయ నమః ।
దేవ్యువాచ ।
కథితాచ్ఛిన్నమస్తాయా యా యా విద్యా సుగోపితాః ।
త్వయా నాథేన జీవేశ శ్రుతాశ్చాధిగతా మయా ॥ ౧॥
ఇదానీం శ్రోతుమిచ్ఛామి కవచం సర్వసూచితమ్ ।
త్రైలోక్యవిజయం నామ కృపయా కథ్యతాం ప్రభో ॥ ౨॥
భైరవ ఉవాచ ।
శ్రుణు వక్ష్యామి దేవేశి సర్వదేవనమస్కృతే ।
త్రైలోక్యవిజయం నామ కవచం సర్వమోహనమ్ ॥ ౩॥
సర్వవిద్యామయం సాక్షాత్సురాత్సురజయప్రదమ్ ।
ధారణాత్పఠనాదీశస్త్రైలోక్యవిజయీ విభుః ॥ ౪॥
బ్రహ్మా నారాయణో రుద్రో ధారణాత్పఠనాద్యతః ।
కర్తా పాతా చ సంహర్తా భువనానాం సురేశ్వరి ॥ ౫॥
న దేయం పరశిష్యేభ్యోఽభక్తేభ్యోఽపి విశేషతః ।
దేయం శిష్యాయ భక్తాయ ప్రాణేభ్యోఽప్యధికాయ చ ॥ ౬॥
దేవ్యాశ్చ చ్ఛిన్నమస్తాయాః కవచస్య చ భైరవః ।
ఋషిస్తు స్యాద్విరాట్ ఛన్దో దేవతా చ్ఛిన్నమస్తకా ॥ ౭॥
త్రైలోక్యవిజయే ముక్తౌ వినియోగః ప్రకీర్తితః ।
హుంకారో మే శిరః పాతు ఛిన్నమస్తా బలప్రదా ॥ ౮॥
హ్రాం హ్రూం ఐం త్ర్యక్షరీ పాతు భాలం వక్త్రం దిగమ్బరా ।
శ్రీం హ్రీం హ్రూం ఐం దృశౌ పాతు ముణ్డం కర్త్రిధరాపి సా ॥ ౯॥
సా విద్యా ప్రణవాద్యన్తా శ్రుతియుగ్మం సదాఽవతు ।
వజ్రవైరోచనీయే హుం ఫట్ స్వాహా చ ధ్రువాదికా ॥ ౧౦॥
ఘ్రాణం పాతు చ్ఛిన్నమస్తా ముణ్డకర్త్రివిధారిణీ ।
శ్రీమాయాకూర్చవాగ్బీజైర్వజ్రవైరోచనీయహ్రూం ॥ ౧౧॥
హూం ఫట్ స్వాహా మహావిద్యా షోడశీ బ్రహ్మరూపిణీ ।
స్వపార్శ్ర్వే వర్ణినీ చాసృగ్ధారాం పాయయతీ ముదా ॥ ౧౨॥
వదనం సర్వదా పాతు చ్ఛిన్నమస్తా స్వశక్తికా ।
ముణ్డకర్త్రిధరా రక్తా సాధకాభీష్టదాయినీ ॥ ౧౩॥
వర్ణినీ డాకినీయుక్తా సాపి మామభితోఽవతు ।
రామాద్యా పాతు జిహ్వాం చ లజ్జాద్యా పాతు కణ్ఠకమ్ ॥ ౧౪॥
కూర్చాద్యా హృదయం పాతు వాగాద్యా స్తనయుగ్మకమ్ ।
రమయా పుటితా విద్యా పార్శ్వౌ పాతు సురేశ్ర్వరీ ॥ ౧౫॥
మాయయా పుటితా పాతు నాభిదేశే దిగమ్బరా ।
కూర్చేణ పుటితా దేవీ పృష్ఠదేశే సదాఽవతు ॥ ౧౬॥
వాగ్బీజపుటితా చైషా మధ్యం పాతు సశక్తికా ।
ఈశ్వరీ కూర్చవాగ్బీజైర్వజ్రవైరోచనీయహ్రూం ॥ ౧౭॥
హూంఫట్ స్వాహా మహావిద్యా కోటిసూర్య్యసమప్రభా ।
ఛిన్నమస్తా సదా పాయాదురుయుగ్మం సశక్తికా ॥ ౧౮॥
హ్రీం హ్రూం వర్ణినీ జానుం శ్రీం హ్రీం చ డాకినీ పదమ్ ।
సర్వవిద్యాస్థితా నిత్యా సర్వాఙ్గం మే సదాఽవతు ॥ ౧౯॥
ప్రాచ్యాం పాయాదేకలిఙ్గా యోగినీ పావకేఽవతు ।
డాకినీ దక్షిణే పాతు శ్రీమహాభైరవీ చ మామ్ ॥ ౨౦॥
నైరృత్యాం సతతం పాతు భైరవీ పశ్చిమేఽవతు ।
ఇన్ద్రాక్షీ పాతు వాయవ్యేఽసితాఙ్గీ పాతు చోత్తరే ॥ ౨౧॥
సంహారిణీ సదా పాతు శివకోణే సకర్త్రికా ।
ఇత్యష్టశక్తయః పాన్తు దిగ్విదిక్షు సకర్త్రికాః ॥ ౨౨॥
క్రీం క్రీం క్రీం పాతు సా పూర్వం హ్రీం హ్రీం మాం పాతు పావకే ।
హ్రూం హ్రూం మాం దక్షిణే పాతు దక్షిణే కాలికాఽవతు ॥ ౨౩॥
క్రీం క్రీం క్రీం చైవ నైరృత్యాం హ్రీం హ్రీం చ పశ్చిమేఽవతు ।
హ్రూం హ్రూం పాతు మరుత్కోణే స్వాహా పాతు సదోత్తరే ॥ ౨౪॥
మహాకాలీ ఖడ్గహస్తా రక్షఃకోణే సదాఽవతు ।
తారో మాయా వధూః కూర్చం ఫట్ కారోఽయం మహామనుః ॥ ౨౫॥
ఖడ్గకర్త్రిధరా తారా చోర్ధ్వదేశం సదాఽవతు ।
హ్రీం స్త్రీం హూం ఫట్ చ పాతాలే మాం పాతు చైకజటా సతీ ।
తారా తు సహితా ఖేఽవ్యాన్మహానీలసరస్వతీ ॥ ౨౬॥
ఇతి తే కథితం దేవ్యాః కవచం మన్త్రవిగ్రహమ్ ।
యద్ధృత్వా పఠనాన్భీమః క్రోధాఖ్యో భైరవః స్మృతః ॥ ౨౭॥
సురాసురమునీన్ద్రాణాం కర్తా హర్తా భవేత్స్వయమ్ ।
యస్యాజ్ఞయా మధుమతీ యాతి సా సాధకాలయమ్ ॥ ౨౮॥
భూతిన్యాద్యాశ్చ డాకిన్యో యక్షిణ్యాద్యాశ్చ ఖేచరాః ।
ఆజ్ఞాం గృహ్ణంతి తాస్తస్య కవచస్య ప్రసాదతః ॥ ౨౯॥
ఏతదేవం పరం బ్రహ్మకవచం మన్ముఖోదితమ్ ।
దేవీమభ్యర్చ గన్ధాద్యైర్మూలేనైవ పఠేత్సకృత్ ॥ ౩౦॥
సంవత్సరకృతాయాస్తు పూజాయాః ఫలమాప్నుయాత్ ।
భూర్జే విలిఖితం చైతద్గుటికాం కాఞ్చనస్థితామ్ ॥ ౩౧॥
ధారయేద్దక్షిణే బాహౌ కణ్ఠే వా యది వాన్యతః ।
సర్వైశ్వర్యయుతో భూత్వా త్రైలోక్యం వశమానయేత్ ॥ ౩౨॥
తస్య గేహే వసేల్లక్ష్మీర్వాణీ చ వదనామ్బుజే ।
బ్రహ్మాస్త్రాదీని శస్త్రాణి తద్గాత్రే యాన్తి సౌమ్యతామ్ ॥ ౩౩॥
ఇదం కవచమజ్ఞాత్వా యో భజేచ్ఛిన్నమస్తకామ్ ।
సోఽపి శత్రప్రహారేణ మృత్యుమాప్నోతి సత్వరమ్ ॥ ౩౪॥
॥ ఇతి శ్రీభైరవతన్త్రే భైరవభైరవీసంవాదే
త్రైలోక్యవిజయం నామ ఛిన్నమస్తాకవచం సమ్పూర్ణమ్ ॥
All copyrights reserved 2012 digital media act
Comments
Post a Comment