త్రైలోక్య విజయ కాళి కవచం (మహా నిర్వాణ తంత్రం) trilokya Vijaya Kali kavacham with Telugu lyrics

శ్రీకాలికాకవచమ్
అథవా శ్రీత్రైలోక్య విజయ కవచమ్ 

శ్రీసదాశివ ఉవాచ -

కథితం పరమం బ్రహ్మ ప్రకృతేః స్తవనం మహత్ ।
ఆద్యాయాః శ్రీకాలికాయాః కవచం శృణు సామ్ప్రతమ్ ॥ ౧॥

త్రైలోక్యవిజయస్యాస్య కవచస్య ఋషిః శివః ।
ఛన్దోఽనుష్టుబ్దేవతా చ ఆద్యా కాలీ ప్రకీర్తితా ॥ ౨॥

మాయాబీజం బీజమితి రమా శక్త్తిరుదాహృతా ।
క్రీం కీలకం కామ్యసిద్ధౌ వినియోగః ప్రకీర్తితః ॥ ౩॥

హ్రీమాద్యా మే శిరః పాతు శ్రీం కాలీ వదనం మమ ।
హృదయం క్రీం పరా శక్త్తిః పాయాత్కణ్ఠం పరాత్పరా ॥ ౪॥

నేత్రే పాతు జగద్ధాత్రీ కర్ణౌ రక్షతు శఙ్కరీ ।
ఘ్రాణం పాతు మహామాయా రసనాం సర్వమఙ్గలా ॥ ౫॥

దన్తాన్ రక్షతు కౌమారీ కపోలౌ కమలాలయా ।
ఓష్ఠాధరౌ క్షమా రక్షేచ్చిబుకం చారుహాసినీ ॥ ౬॥

గ్రీవాం పాయాత్కులేశానీ కకుత్పాతు కృపామయీ ।
ద్వౌ బాహూ బాహుదా రక్షేత్కరౌ కైవల్యదాయినీ ॥ ౭॥

స్కన్ధౌ కపర్దినీ పాతు పృష్ఠం త్రైలోక్యతారిణీ ।
పార్శ్వే పాయాదపర్ణా మే కటిం మే కమఠాసనా ॥ ౮॥

నాభౌ పాతు విశాలాక్షీ ప్రజస్థానం ప్రభావతీ ।
ఊరూ రక్షతు కల్యాణీ పాదౌ మే పాతు పార్వతీ ॥ ౯॥

జయదుర్గావతు ప్రాణాన్సర్వాఙ్గం సర్వసిధ్దిదా ।
రక్షాహీనం తు యత్స్థానం వర్జితం కవచేన చ ॥ ౧౦॥

తత్సర్వం మే సదా రక్షేదాద్యా కాలీ సనాతనీ ।
ఇతి తే కథితం దివ్యం త్రైలోక్యవిజయాభిధమ్ ॥ ౧౧॥

కవచం కాలికాదేవ్యా ఆద్యాయాః పరమాద్భుతమ్ ।
పూజాకాలే పఠేత్యస్తు ఆద్యాధికృతమానసః ॥ ౧౨॥

ఇతి మహానిర్వాణతన్త్రే శ్రీ కాలికాకవచమ్ సమ్పూర్ణమ్