త్రిపుర సుందరీ పంచరత్న స్తోత్రం tripura sundari pancha ratna stotram

త్రిపుర సుందరీ పంచరత్న స్తోత్రం

 నీలాలకాం శశిముఖీం నవపల్లవోష్ఠీం

     చామ్పేయపుష్పసుషమోజ్జ్వలదివ్యనాసామ్ ।

పద్మేక్షణాం ముకురసున్దరగణ్డభాగాం

     త్వాం సామ్ప్రతం త్రిపురసున్దరి! దేవి! వన్దే ॥ ౧॥

శ్రీకున్దకుడ్మలశిలోజ్జ్వలదన్తవృన్దాం

     మన్దస్మితద్యుతితిరాహితచారువాణీమ్ ।

నానామణిస్థగితహారసుచారుకణ్ఠీం

     త్వాం సామ్ప్రతం త్రిపురసున్దరి! దేవి! వన్దే ॥ ౨॥

పీనస్తనీం ఘనభుజాం విపులాబ్జహస్తాం

     భృఙ్గావలీజితసుశోభితరోమరాజిమ్ ।

మత్తేభకుమ్భకుచభారసునమ్రమద్ధ్యాం

     త్వాం సామ్ప్రతం త్రిపురసున్దరి! దేవి! వన్దే ॥ ౩॥

రమ్భోజ్జ్వలోరుయుగలాం మృగరాజపత్రా-

     మిన్ద్రాదిదేవమకుటోజ్జ్వలపాదపద్మామ్ ।

హేమామ్బరాం కరధృతాఞ్చితఖడ్గవల్లీం

     త్వాం సామ్ప్రతం త్రిపురసున్దరి! దేవి! వన్దే ॥ ౪॥

మత్తేభవక్త్రజననీం మృడదేహయుక్తాం

     శైలాగ్రమద్ధ్యనిలయాం వరసున్దరాఙ్గీమ్ ।

కోటీశ్వరాఖ్యహృదిసంస్థితపాదపద్మాం

     త్వాం సామ్ప్రతం త్రిపురసున్దరి! దేవి! వన్దే ॥ ౫॥

బాలే! త్వత్పాదయుగలం ధ్యాత్వా సంప్రతి నిర్మితమ్ ।

నవీనం పఞ్చరత్నం చ ధార్యతాం చరణద్వయే ॥ ౬॥

ఇతి శ్రీత్రిపురసున్దరీపఞ్చరత్నస్తోత్రం సమ్పూర్ణమ్ 

All copyrights reserved 2012 digital media act