త్రిపుర సుందరీ ప్రాతఃశ్లోక పంచకం స్తోత్రం tripura sundari pratahasmarna stotram

త్రిపుర సుందరీ ప్రాతఃశ్లోక పంచక స్తోత్రం

 శ్రీత్రిపురసున్దరీ ప్రాతఃశ్లోకపఞ్చ

ప్రాతర్నమామి జగతాం జనన్యాశ్చరణామ్బుజమ్ ।

శ్రీమత్త్రిపురసున్దర్యా నమితా యా హరాదిభిః ॥ ౧॥  

ప్రాతస్త్రిపురసున్దర్యా నమామి పదపఙ్కజమ్ ।

హరిర్హరో విరిఞ్చిశ్చ సృష్ట్యాదీన్ కురుతే యథా ॥ ౨॥

ప్రాతస్త్రిపురసున్దర్యా నమామి చరణామ్బుజమ్ ।

యత్పాదమమ్బు శిరసి భాతి గఙ్గా మహేశితుః ॥ ౩॥

ప్రాతః పాశాఙ్కుశశరాఞ్చాపహస్తాం నమామ్యహమ్ ।

ఉదయాదిత్యసఙ్కాశాం శ్రీమత్త్రిపురసున్దరీమ్ ॥ ౪॥

ప్రాతర్నమామి పాదాబ్జం యయేదం ధార్యతే జగత్ ।  

తస్యాస్త్రిపురసున్దర్యా యత్ప్రసాదాన్నివర్తతే ॥ ౫॥

యః శ్లోకపఞ్చకమిదం ప్రాతర్నిత్యం పఠేన్నరః ।

తస్మై దదాత్యాత్మపదం శ్రీమత్త్రిపురసున్దరీ ॥ ౬॥

ఇతి శ్రీత్రిపురసున్దరీప్రాతఃశ్లోకపఞ్చకం సమ్పూర్ణమ్

All copyrights reserved 2012 digital media act