త్రిపుర సుందరీ సాన్నిధ్య స్తవః tripura sundari sannidya stavam

త్రిపుర సుందరీ సాన్నిధ్య స్తవః

శ్రీగణేశాయ నమః ।

కస్తూరీపఙ్కభాస్వద్గలచలదమలస్థూలముక్తావలీకా
     జ్యోత్స్నాశుద్ధావదాతా శశిశిశుముకుటాలఙ్కృతా బ్రహ్మపత్నీ ।
సాహిత్యామ్భోజభృఙ్గీ కవికులవినుతా సాత్త్వికీం వాగ్విభూతిం
     దేయాన్మే శుభవస్త్రా కరచలవలయా వల్లకీం వాదయన్తీ ॥ ౧॥

ఏకాన్తే యోగివృన్దైః ప్రశమితకరణైః క్షుత్పిపాసావిముక్తైః
     సానన్దం ధ్యానయోగాద్విసగుణసద్దశీ దృశ్యతే చిత్తమధ్యే ।
యా దేవీ హంసరూపా భవభయహరణం సాధకానాం విధత్తే
     సా నిత్యం నాదరూపా త్రిభువనజననీ మోదమావిష్కరోతు ॥ ౨॥

ఈక్షిత్రీ సృష్టికాలే త్రిభువనమథ యా తత్క్షణేఽనుప్రవిశ్య
     స్థేమానం ప్రాపయన్తీ నిజగుణవిభవైః సర్వథా వ్యాప్య విశ్వమ్ ।
సంహర్త్రీ సర్వభాసాం విలయనసమయే స్వాత్మని స్వప్రకాశా
     సా దేవీ కర్మబన్ధం మమ భవకరణం నాశ్యత్వాదిశక్తిః ॥ ౩॥

లక్ష్యా యా చక్రరాజే నవపురలసితే యోగినీవృన్దగుప్తే
     సౌవర్ణే శైలశృఙ్గే సురగణరచితే తత్త్వసోపానయుక్తే ।
మన్త్రిణ్యా మేచకాఙ్గ్యా కుచభరనతయా కోలముఖ్యా చ సార్ధం
     సామ్రాజ్ఞీ సా మదీయా మదగజగమనా దీర్ఘమాయుస్తనోతు ॥ ౪॥

హ్రీఙ్కారామ్భోజభృఙ్గీ హయముఖవినుతా హానివృద్ధ్యాదిహీనా
     హంసోఽహంమన్త్రరాజ్ఞీ హరిహయవరదా హాదిమన్త్రార్థరూపా ।
హస్తే చిన్ముద్రికాఢ్యా హతబహుదనుజా హస్తికృత్తిప్రియా మే
     హార్దం శోకాతిరేకం శమయతు లలితాఘీశ్వరీ పాశహస్తా ॥ ౫॥

హస్తే పఙ్కేరుహాభే సరససరసిజం బిభ్రతీ లోకమాతా
     క్షీరోదన్వత్సుకన్యా కరివరవినుతా నిత్యపుష్టాక్ష గేహా ।
పద్మాక్షీ హేమవర్ణా మురరిపుదయితా శేవధిః సమ్పదాం యా
     సా మే దారిద్ర్యదోషం దమయతు కరుణాదృష్టిపాతైరజస్రమ్ ॥ ౬॥

సచ్చిద్బ్రహ్మస్వరూపాం సకలగుణయుతాం నిర్గుణాం నిర్వికారాం
     రాగద్వేషాదిహన్త్రీం రవిశశినయనాం రాజ్యదానప్రవీణామ్ ।
చత్వారింశత్త్రికోణే చతురధికసమే చక్రరాజే లసన్తీం
     కామాక్షీం కామితానాం వితరణచతురాం చేతసా భావయామి ॥ ౭॥

కన్దర్పే శాన్తదర్పే త్రినయననయనజ్యోతిషా దేవవృన్దైః
     సాశఙ్కం సాశ్రుపాతం సవినయకరుణం యాచితా కామపత్న్యా ।
యా దేవీ దృష్టిపాతైః పునరపి మదనం జీవయామాస సద్యః
     సా నిత్యం రోగశాన్త్యై ప్రభవతు లలితాధీశ్వరీ చిత్ప్రకాశా ॥ ౮॥

హవ్యైః కవ్యైశ్చ సర్వైః శ్రుతిచయవిహితైః కర్మభిః కర్మశీలా
     ధ్యానాద్యైరష్టభిశ్చ ప్రశమితకలుషా యోగినః పర్ణభక్షాః ।
యామేవానేకరూపాం ప్రతిదినమవనౌ సంశ్రయన్తే విధిజ్ఞాః
     సా మే మోహాన్ధకారం బహుభవజనితం నాశయత్వాదిమాతా ॥ ౯॥

లక్ష్యా మూలత్రికోణే గురువరకరుణాలేశతః కామపీఠే
     యస్యాః విశ్వం సమస్తం బహుతరవితతం జాయతే కుణ్డలిన్యాః ।
యస్యాః శక్తిప్రరోహాదవిరలమమృతం విన్దతే యోగివృన్దం
     తాం వన్దే నాదరూపాం ప్రణవపదమయీం ప్రాణినాం ప్రాణదాత్రీమ్ ॥ ౧౦॥

హ్రీఙ్కారామ్భోధిలక్ష్మీం హిమగిరితనయామీశ్వరీమీశ్వరాణాం
     హ్రీం‍మన్త్రారాధ్యదేవీం శ్రుతిశతశిఖరైర్మృగ్యమాణాం మృగాక్షీమ్ ।
హ్రీం‍మన్త్రాన్తైస్త్రికూటైః స్థిరతరమతిభిర్ధార్యమాణాం జ్వలన్తీం
     హ్రీం హ్రీం హ్రీమిత్యజస్రం హృదయసరసిజే భావయేఽహం భవానీమ్ ॥ ౧౧॥

సర్వేషాం ధ్యానమాత్రాత్సవితురుదరగా చోదయన్తీ మనీషాం
     సావిత్రీ తత్పదార్థా శశియుతమకుటా పఞ్చశీర్షా త్రినేత్రా
హస్తాగ్రైః శఙ్ఖచక్రాద్యఖిలజనపరిత్రాణదక్షాయుధానాం
     బిభ్రాణా వృన్దమమ్బా విశదయతు మతిం మామకీనాం మహేశీ ॥ ౧౨॥

కర్త్రీ లోకస్య లీలావిలసితవిధినా కారయిత్రీ క్రియాణాం
     భర్త్రీ స్వానుప్రవేశాద్వియదనిలముఖైః పఞ్చభూతైః స్వసృష్టైః ।
హర్త్రీ స్వేనైవ ధామ్నా పునరపి విలయే కాలరూపం దధానా
     హన్యాదామూలమస్మత్కలుషభరముమా భుక్తిముక్తిప్రదాత్రీ ॥ ౧౩॥

లక్ష్యా యా పుణ్యజాలైర్గురువరచరణామ్భోజసేవావిశేషాద్-
     దృశ్యా స్వాన్తే సుధీభిర్దరదలితమహాపద్మకోశేన తుల్యే ।
లక్షం జస్వాపి యస్యా మనువరమణిమాసిద్ధిమన్తో మహాన్తః
     సా నిత్యం మామకీనే హృదయసరసిజే వాసమఙ్గీకరోతు ॥ ౧౪॥

హ్రీం‍శ్రీర్మైం‍మన్త్రరూపా హరిహరవినుతాఽగస్త్యపత్నీప్రదిష్టా
     హాదిః కాద్యర్ణతత్త్వా సురపతివరదా కామరాజప్రదిష్టా ।
దుష్టానాం దానవానాం మదభరహరణా దుఃఖహన్త్రీ బుధానాం
     సామ్రాజ్ఞీ చక్రరాజ్ఞీ ప్రదిశతు కుశలం మహ్యమోఙ్కారరూపా ॥ ౧౫॥

శ్రీం‍మన్త్రార్థస్వరూపా శ్రితజనదురితధ్వాన్తహన్త్రీ శరణ్యా
     శ్రౌతస్మార్తక్రియాణామవికలఫలదా ఫాలనేత్రస్య దారాః ।
శ్రీచక్రాన్తర్నిషణ్ణా గుహవరజననీ దుష్టహన్త్రీ వరేణ్యా
     శ్రీమత్సింహాసనేశీ ప్రదిశతు విపులాం కీర్తిమానన్దరూపా ॥ ౧౬॥

శ్రచిక్రవరసామ్రాజ్ఞీ శ్రీమత్త్రిపురసున్దరీ ।
శ్రీగుహాన్వయసౌవర్ణదీపికా దిశతు శ్రియమ్ ॥ ౧౭॥

ఇతి శ్రీమత్త్రిపురసున్దరీవేదసారస్తవః సమ్పూర్ణః


All copyrights reserved 2012 digital media act