తులసీ స్తోత్రం Tulasi stotram

శ్రీతులసీస్తోత్రమ్ 

జగద్ధాత్రి ! నమస్తుభ్యం విష్ణోశ్చ ప్రియవల్లభే | 
యతో బ్రహ్మాదయో దేవాః సృష్టి స్థిత్యన్తకారిణః | | 1 | | 

నమస్తులసి కల్యాణి నమో విష్ణుప్రియే శుభే | 
నమో మోక్షప్రదే దేవి నమః సమ్పత్ప్రదాయికే | | 2 | | 

తులసీ పాతు మాం నిత్యం సర్వాపద్భ్యోంఽ పి సర్వదా | 
కీర్తితాపి స్మృతా వాపి పవిత్రయతి మానవమ్ | | 3 | | 

నమామి శిరసా దేవీం తులసీం విలసత్తనుమ్ | 
యాం దృష్ట్వా పాపినో మర్యా ముచ్యన్తే సర్వకిల్బిషాత్ | | 4 | | 

తులస్యా రక్షితం సర్వం జగదేతచ్చరాచరమ్ | 
యా వినిహన్తి పాపాని దృష్ట్వా వా పాపిభిర్నరైః | | 5  ll

నమస్తులస్యతితరాం యస్యె బధ్ధాంజలిం కలౌ | 
కలయన్తి సుఖం సర్వం స్త్రీయో వైశ్యాస్తథాఽపరే | | 6 | | 

తులస్యా నాపరం కింశ్చిదైవతం జగతీతలే | 
యథా పవిత్రితో లోకో విష్ణుసంఘేన వైష్ణవః | | 7 | | 

తులస్యాః పల్లవం విష్ణోః శిరస్యారోపితం కలౌ | 
ఆరోపయతి సర్వాణి శ్రేయాంసి వరమస్తకే | | 8 | | 

తులస్యాం సకలా దేవా వసన్తి సతతం యతః | 
అతస్తా మర్చయేల్లోకే సర్వాన్ దేవాన్ సమర్చయన్ II 9 II 

నమస్తులసి సర్వజ్ఞే  పురుషోత్తమవల్లభే | 
పాహి మాం సర్వ పాపేభ్యః సర్వసమ్పత్ప్రదాయికే | | 10 | | 

ఇతి స్తోత్రం పురా గీతం పుణ్ణరీకేణ ధీమతా | 
విష్ణుమర్చయతా నిత్యం శోభనైస్తులసీదలైః | | 11 | |

తులసీ శ్రీర్మహాలక్ష్మీర్విద్యావిద్యా యశస్వినీ | 
ధర్మ్యా ధర్మాననా దేవీ దేవీదేవమనఃప్రియా | | 12 | | 

లక్ష్మీప్రియసఖీ దేవీ ద్యౌర్బూమిరచలా చలా | 
షోడశైతాని నామాని తులస్యాః కీర్తయన్నరః | | 13 | | 

లభతే సుతరాం భక్తిమన్తే విష్ణుపదం లభేత్ | 
తులసీ భూర్మహాలక్ష్మీః పద్మినీ శ్రీర్హరిప్రియా | | 14 | | 

తులసి శ్రీసఖి శుభే పాపహారిణి పుణ్యదే | 
నమస్తే నారదనుతే నారాయణమనఃప్రియే | | 15 II 

ఇతి శ్రీపురీకకృతం తులసీస్తోత్రమ్ సమ్పూర్ణమ్ | | 




All copyrights reserved 2012 digital media act