ఉచ్ఛిష్ఠ గణపతి కవచం (రుద్రయామళ తంత్రే) uchhista ganapathi kavacham telugu

ఉచ్ఛిష్ఠ గణపతి కవచం (రుద్రయామళ తంత్రే)

అథ శ్రీఉచ్ఛిష్టగణేశకవచం ప్రారమ్భః
దేవ్యువాచ ॥

దేవదేవ జగన్నాథ సృష్టిస్థితిలయాత్మక ।
వినా ధ్యానం వినా మన్త్రం  వినా హోమం వినా జపమ్ ॥ ౧॥

యేన స్మరణమాత్రేణ లభ్యతే చాశు చిన్తితమ్ ।
తదేవ శ్రోతుమిచ్ఛామి కథయస్వ జగత్ప్రభో ॥ ౨॥

ఈశ్వర ఉవాచ ॥

శ్రుణు దేవీ ప్రవక్ష్యామి గుహ్యాద్గుహ్యతరం మహత్ ।
ఉచ్ఛిష్టగణనాథస్య కవచం సర్వసిద్ధిదమ్ ॥ ౩॥

అల్పాయాసైర్వినా కష్టైర్జపమాత్రేణ సిద్ధిదమ్ ।
ఏకాన్తే నిర్జనేఽరణ్యే గహ్వరే చ రణాఙ్గణే ॥  ౪॥

సిన్ధుతీరే చ గఙ్గాయాః కూలే వృక్షతలే జలే ।
సర్వదేవాలయే తీర్థే లబ్ధ్వా సమ్యగ్జపం చరేత్ ॥ ౫॥

స్నానశౌచాదికం నాస్తి నాస్తి నిర్వంధనం ప్రియే ।
దారిద్ర్యాన్తకరం శీఘ్రం సర్వతత్త్వం జనప్రియే ॥ ౬॥

సహస్రశపథం కృత్వా యది స్నేహోఽస్తి మాం ప్రతి ।
నిన్దకాయ కుశిష్యాయ ఖలాయ కుటిలాయ చ ॥ ౭॥

దుష్టాయ పరశిష్యాయ ఘాతకాయ శఠాయ చ ।
వఞ్చకాయ వరఘ్నాయ బ్రాహ్మణీగమనాయ చ ॥ ౮॥

అశక్తాయ చ క్రూరాయ గురూద్రోహరతాయ చ ।
న దాతవ్యం న దాతవ్యం న దాతవ్యం కదాచన ॥ ౯॥

గురూభక్తాయ దాతవ్యం సచ్ఛిష్యాయ విశేషతః ।
తేషాం సిధ్యన్తి శీఘ్రేణ హ్యన్యథా న చ సిధ్యతి ॥ ౧౦॥

గురూసన్తుష్టిమాత్రేణ కలౌ ప్రత్యక్షసిద్ధిదమ్ ।
దేహోచ్ఛిష్టైః ప్రజప్తవ్యం తథోచ్ఛిష్టైర్మహామనుః ॥ ౧౧॥

ఆకాశే చ ఫలం ప్రాప్తం నాన్యథా వచనం మమ ।
ఏషా రాజవతీ విద్యా వినా పుణ్యం న లభ్యతే ॥ ౧౨॥

అథ వక్ష్యామి దేవేశి కవచం మన్త్రపూర్వకమ్ ।
యేన విజ్ఞాతమాత్రేణ రాజభోగఫలప్రదమ్ ॥ ౧౩॥

ఋషిర్మే గణకః పాతు శిరసి చ నిరన్తరమ్ ।
త్రాహి మాం దేవి గాయత్రీఛన్దో ఋషిః సదా ముఖే ॥ ౧౪॥

హృదయే పాతు మాం నిత్యముచ్ఛిష్టగణదేవతా ।
గుహ్యే రక్షతు తద్బీజం స్వాహా శక్తిశ్చ పాదయోః ॥ ౧౫॥

కామకీలకసర్వాఙ్గే వినియోగశ్చ సర్వదా ।
పార్శ్వర్ద్వయే సదా పాతు స్వశక్తిం గణనాయకః ॥ ౧౬॥

శిఖాయాం పాతు తద్బీజం భ్రూమధ్యే తారబీజకమ్ ।
హస్తివక్త్రశ్చ శిరసీ లమ్బోదరో లలాటకే ॥ ౧౭॥

ఉచ్ఛిష్టో నేత్రయోః పాతు కర్ణౌ పాతు మహాత్మనే ।
పాశాఙ్కుశమహాబీజం నాసికాయాం చ రక్షతు ॥ ౧౮॥

భూతీశ్వరః పరః పాతు ఆస్యం జిహ్వాం స్వయంవపుః ।
తద్బీజం పాతు మాం నిత్యం గ్రీవాయాం కణ్ఠదేశకే ॥ ౧౯॥

గంబీజం చ తథా రక్షేత్తథా త్వగ్రే చ పృష్ఠకే ।
సర్వకామశ్చ హృత్పాతు పాతు మాం చ కరద్వయే ॥ ౨౦॥

ఉచ్ఛిష్టాయ చ హృదయే వహ్నిబీజం తథోదరే ।
మాయాబీజం తథా కట్యాం ద్వావూరూ సిద్ధిదాయకః ॥ ౨౧॥

జఙ్ఘాయాం గణనాథశ్చ పాదౌ పాతు వినాయకః ।
శిరసః పాదపర్యన్తముచ్ఛిష్టగణనాయకః ॥ ౨౨॥

ఆపాదమస్తకాన్తం చ ఉమాపుత్రశ్చ పాతు మామ్ ।
దిశోఽష్టౌ చ తథాకాశే పాతాలే విదిశాష్టకే ॥ ౨౩॥

అహర్నిశం చ మాం పాతు మదచఞ్చలలోచనః ।
జలేఽనలే చ సఙ్గ్రామే దుష్టకారాగృహే వనే ॥ ౨౪॥

రాజద్వారే ఘోరపథే మాతు మాం గణనాయకః ।
ఇదం తు కవచం గుహ్యం మమ వక్త్రాద్వినిర్గతమ్  ॥ ౨౫॥

త్రైలౌక్యే సతతం పాతు ద్విభుజశ్చ చతుర్భుజః ।
బాహ్యమభ్యన్తరం పాతు సిద్ధిబుద్ధిర్వినాయకః ॥ ౨౬॥

సర్వసిద్ధిప్రదం దేవి కవచమృద్ధిసిద్ధిదమ్ ।
ఏకాన్తే ప్రజపేన్మన్త్రం కవచం యుక్తిసంయుతమ్ ॥ ౨౭॥

ఇదం రహస్యం కవచముచ్ఛిష్టగణనాయకమ్ ।
సర్వవర్మసు దేవేశి ఇదం కవచనాయకమ్ ॥ ౨౮॥

ఏతత్కవచమాహాత్మ్యం వర్ణితుం నైవ శక్యతే ।
ధర్మార్థకామమోక్షం చ నానాఫలప్రదం నృణామ్ ॥ ౨౯॥

శివపుత్రః సదా పాతు పాతు మాం సురార్చితః ।
గజాననః సదా పాతు గణరాజశ్చ పాతు మామ్ ॥ ౩౦॥
సదా శక్తిరతః పాతు పాతు మాం కామవిహ్వలః ।
సర్వాభరణభూషాఢయః పాతు మాం సిన్దూరార్చితః ॥ ౩౧॥

పఞ్చమోదకరః పాతు పాతు మాం పార్వతీసుతః ।
పాశాఙ్కుశధరః పాతు పాతు మాం చ ధనేశ్వరః ॥ ౩౨॥

గదాధరః సదా పాతు పాతు మాం కామమోహితః ।
నగ్ననారీరతః పాతు పాతు మాం చ గణేశ్వరః ॥ ౩౩॥

అక్షయం వరదః పాతు శక్తియుక్తిః సదాఽవతు ।
భాలచన్ద్రః సదా పాతు నానారత్నవిభూషితః ॥ ౩౪॥

ఉచ్ఛిష్టగణనాథశ్చ మదాఘూర్ణితలోచనః ।
నారీయోనిరసాస్వాదః పాతు మాం గజకర్ణకః ॥ ౩౫॥

ప్రసన్నవదనః పాతు పాతు మాం భగవల్లభః ।
జటాధరః సదా పాతు పాతు మాం చ కిరీటికః ॥ ౩౬॥

పద్మాసనాస్థితః పాతు రక్తవర్ణశ్చ పాతు మామ్ ।
నగ్నసామమదోన్మత్తః పాతు మాం గణదైవతః ॥ ౩౭॥

వామాఙ్గే సున్దరీయుక్తః పాతు మాం మన్మథప్రభుః ।
క్షేత్రపః పిశితం పాతు పాతు మాం శ్రుతిపాఠకః ॥ ౩౮॥

భూషణాఢ్యస్తు మాం పాతు నానాభోగసమన్వితః ।
స్మితాననః సదా పాతు శ్రీగణేశకులాన్వితః ॥ ౩౯॥

శ్రీరక్తచన్దనమయః సులక్షణగణేశ్వరః ।
శ్వేతార్కగణనాథశ్చ హరిద్రాగణనాయకః ॥ ౪౦॥

పారభద్రగణేశశ్చ పాతు సప్తగణేశ్వరః ।
ప్రవాలకగణాధ్యక్షో గజదన్తో గణేశ్వరః ॥ ౪౧॥

హరబీజగణేశశ్చ భద్రాక్షగణనాయకః ।
దివ్యౌషధిసముద్భూతో గణేశాశ్చిన్తితప్రదః ॥ ౪౨॥

లవణస్య గణాధ్యక్షో మృత్తికాగణనాయకః ।
తణ్డులాక్షగణాధ్యక్షో గోమయశ్చ గణేశ్చరః ॥ ౪౩॥

స్ఫటికాక్షగణాధ్యక్షో రుద్రాక్షగణదైవతః ।
నవరత్నగణేశశ్చ ఆదిదేవో గణేశ్వరః ॥ ౪౪॥

పఞ్చాననశ్చతుర్వక్త్రః షడాననగణేశ్వరః ।
మయూరవాహనః పాతు పాతు మాం మూషకాసనః ॥ ౪౫॥

పాతు మాం దేవదేవేశః పాతు మామృషిపూజితః ।
పాతు మాం సర్వదా దేవో దేవదానవపూజితః ॥ ౪౬॥

త్రైలోక్యపూజితో దేవః పాతు మాం చ విభుః ప్రభుః ।
రఙ్గస్థం చ సదా పాతు సాగరస్థం సదాఽవతు ॥ ౪౭॥

భూమిస్థం చ సదా పాతు పాతలస్థం చ పాతు మామ్ ।
అన్తరిక్షే సదా పాతు ఆకాశస్థం సదాఽవతు ॥ ౪౮॥

చతుష్పథే సదా పాతు త్రిపథస్థం చ పాతు మామ్ ।
బిల్వస్థం చ వనస్థం చ పాతు మాం సర్వతస్తనమ్ ॥ ౪౯॥

రాజద్వారస్థితం పాతు పాతు మాం శీఘ్రసిద్ధిదః ।
భవానీపూజితః పాతు బ్రహ్మావిష్ణుశివార్చితః ॥ ౫౦॥

ఇదం తు కవచం దేవి పఠనాత్సర్వసిద్ధిదమ్ ।
ఉచ్ఛిష్టగణనాథస్య సమన్త్రం కవచం పరమ్ ॥ ౫౧॥

స్మరణాద్భూపతిత్వం చ లభతే సాఙ్గతాం ధ్రూవమ్ । స్మరణాద్భూభుజత్వం
వాచః సిద్ధికరం శీఘ్రం పరసైన్యవిదారణమ్ ॥ ౫౨॥

ప్రాతర్మధ్యాహ్నసాయాహ్నే దివా రాత్రౌ పఠేన్నరః ।
చతుర్థ్యాం దివసే రాత్రౌ పూజనే మానదాయకమ్ ॥ ౫౩॥

సర్వసౌభాగ్యదం శీఘ్రం దారిద్ర్యార్ణవఘాతకమ్ ।
సుదారసుప్రజాసౌఖ్యం సర్వసిద్ధికరం నృణామ్ ॥ ౫౪॥

జలేఽథవాఽనలేఽరణ్యే సిన్ధుతీరే సరిత్తటే ।
స్మశానే దూరదేశే చ రణే పర్వతగహ్వరే ॥ ౫౫॥

రాజద్వారే భయే ఘోరే నిర్భయో జాయతే ధ్రువమ్ ।
సాగరే చ మహాశీతే దుర్భిక్షే దుష్టసఙ్కటే ॥ ౫౬॥

భూతప్రేతపిశాచాదియక్షరాక్షసజే భయే ।
రాక్షసీయక్షిణీక్రూరాశాకినీడాకీనీగణాః ॥ ౫౭॥

రాజమృత్యుహరం దేవి కవచం కామధేనువత్ ।
అనన్తఫలదం దేవి సతి మోక్షం చ పార్వతి ॥ ౫౮॥

కవచేన వినా మన్త్రం యో జపేద్గణనాయకమ్ ।
ఇహ జన్మాని పాపిష్ఠో జన్మాన్తే మూషకో భవేత్ ॥ ౫౯॥

ఇతి పరమరహస్యం దేవదేవార్చనం చ
     కవచపరమదివ్యం పార్వతీ పుత్రరూపమ్ ।
పఠతి  పరమభోగైశ్వర్యమోక్షప్రదం చ
     లభతి సకలసౌఖ్యం శక్తిపుత్రప్రసాదాత్ ॥ ౬౦॥


॥ ఇతి శ్రీరుద్రయామలతన్త్రే ఉమామహేశ్వరసంవాదే
శ్రీమదుచ్ఛిష్టగణేశకవచం సమాప్తమ్ ॥



All copyrights reserved 2012 digital media act