ఉచ్ఛిష్ఠ గణపతి స్తవరాజః (రుద్రయామళ తంత్రే) uchhista ganapathi stava rajaha
ఉచ్ఛిష్ఠ గణపతి స్తవరాజః (రుద్రయామళ తంత్రే)
శ్రీ గణేశాయ నమః ।
దేవ్యువాచ ।
పూజాన్తే హ్యనయా స్తుత్యా స్తువీత గణనాయకమ్ ।
నమామి దేవం సకలార్థదం తం సువర్ణవర్ణం భుజగోపవీతమ్ ।
గజాననం భాస్కరమేకదన్తం లమ్బోదరం వారిభవాసనం చ ॥ ౧॥
కేయురిణంహారకిరీటజుష్టం చతుర్భుజం పాశవరాభయాని ।
సృణిం చ హస్తం గణపం త్రినేత్రం సచామరస్త్రీయుగలేన యుక్తమ్ ॥ ౨॥ సృణింవహన్తం
షడక్షరాత్మానమనల్పభూషం మునీశ్వరైర్భార్గవపూర్వకైశ్చ ।
సంసేవితం దేవమనాథకల్పం రూపం మనోజ్ఞం శరణం ప్రపద్యే ॥ ౩॥
వేదాన్తవేద్యం జగతామధీశం దేవాదివన్ద్యం సుకృతైకగమ్యమ్ ।
స్తమ్బేరమాస్యం నను చన్ద్రచూడం వినాయకం తం శరణం ప్రపద్యే ॥ ౪॥ నవ చన్ద్రచూడం
భవాఖ్యదావానలదహ్యమానం భక్తం స్వకీయం పరిషిఞ్చతే యః ।
గణ్డస్రుతామ్భోభిరనన్యతుల్యం వన్దే గణేశం చ తమోఽరినేత్రమ్ ॥ ౫॥ తమాలనీలమ్
శివస్య మౌలావవలోక్య చన్ద్రం సుశుణ్డయా ముగ్ధతయా స్వకీయమ్ ।
భగ్నం విషాణం పరిభావ్య చిత్తే ఆకృష్టచన్ద్రో గణపోఽవతాన్నః ॥ ౬॥
పితుర్జటాజూటతటే సదైవ భాగీరథీం తత్ర కుతూహలేన । విలోక్య భాగీరథీం
విహర్తుకామః స మహీధ్రపుత్ర్యా నివారితః పాతు సదా గజాస్యః ॥ ౭॥
లమ్బోదరో దేవకుమారసఙ్ఘైః క్రీడన్కుమారం జితవాన్నిజేన ।
కరేణ చోత్తోల్య ననర్త రమ్యం దన్తావలాస్యో భయతః స పాయాత్ ॥ ౮॥
ఆగత్య యోచ్చైర్హరినాభిపద్మం దదర్శ తత్రాశు కరేణ తచ్చ ।
ఉద్ధర్తుమిచ్ఛన్విధివాదవాక్యం ముమోచ భూత్వా చతురో గణేశః ॥ ౯॥ విధిచాటువాక్యం
నిరన్తరం సంస్కృతదానపట్టే లగ్నాం తు గుఞ్జద్భ్రమరావలీం వై ।
తం శ్రోత్రతాలైరపసారయన్తం స్మరేద్గజాస్యం నిజహృత్సరోజే ॥ ౧౦॥
విశ్వేశమౌలిస్థితజహ్నుకన్యాజలం గృహీత్వా నిజపుష్కరేణ ।
హరం సలీలం పితరం స్వకీయం ప్రపూజయన్హస్తిముఖః స పాయాత్ ॥ ౧౧॥
స్తమ్బేరమాస్యం ఘుసృణాఙ్గరాగం సిన్దూరపూరారుణకాన్తకుమ్భమ్ ।
కుచన్దనాశ్లిష్టకరం గణేశం ధ్యాయేత్స్వచిత్తే సకలేష్టదం తమ్ ॥ ౧౨॥
స భీష్మమాతుర్నిజపుష్కరేణ జలం సమాదాయ కుచౌ స్వమాతుః ।
ప్రక్షాలయామాస షడాస్యపీతౌ స్వార్థం ముదేఽసౌ కలభాననోఽస్తు ॥ ౧౩॥
సిఞ్చామ నాగం శిశుభావమాప్తం కేనాపి సత్కారణతో ధరిత్ర్యామ్ ।
వక్తారమాద్యం నియమాదికానాం లోకైకవన్ద్యం ప్రణమామి విఘ్నమ్ ॥ ౧౪॥ విఘ్నం విఘ్ననాశనమిత్యర్థః
ఆలిఙ్గితం చారురుచా మృగాక్ష్యా సమ్భోగలోలం మదవిహ్వలాఙ్గమ్ ।
విఘ్నౌఘవిధ్వంసనసక్తమేకం నమామి కాన్తం ద్విరదాననం తమ్ ॥ ౧౫॥
హేరమ్బ ఉద్యద్రవికోటికాన్తః పఞ్చాననేనాపి విచుమ్బితాస్యః ।
మునీన్సురాన్భక్తజనాంశ్చ సర్వాన్స పాతు రథ్యాసు సదా గజాస్యః ॥ ౧౬॥
ద్వైపాయనోక్తాని స నిశ్చయేన స్వదన్తకోట్యా నిఖిలం లిఖిత్వా । ద్వైపాయనోక్తం సువిచార్య యేన
దన్తం పురాణం శుభమిన్దుమౌలిస్తపోభిరుగ్రం మనసా స్మరామి ॥ ౧౭॥ సుతమిన్దుమౌలేస్తమగ్ర్యరూపం
క్రీడాతటాన్తే జలధావిభాస్యే వేలాజలే లమ్బపతిః ప్రభీతః ।
విచిన్త్య కస్యేతి సురాస్తదా తం విశ్వేశ్వరం వాగ్భిరభిష్టువన్తి ॥ ౧౮॥
వాచాం నిమిత్తం స నిమిత్తమాద్యం పదం త్రిలోక్యామదదత్స్తుతీనామ్ ।
సర్వైశ్చ వన్ద్యం న చ తస్య వన్ద్యః స్థాణోః పరం రూపమసౌ స పాయాత్ ॥ ౧౯॥
ఇమాం స్తుతిం యః పఠతీహ భక్త్యా సమాహితప్రీతిరతీవ శుద్ధః ।
సంసేవ్యతే చేన్దిరయా నితాన్తం దారిద్ర్యసఙ్ఘం స విదారయేన్నః ॥ ౨౦॥
॥ ఇతి శ్రీరుద్రయామలతన్త్రే హరగౌరీసంవాదే
ఉచ్ఛిష్టగణేశస్తోత్రం సమాప్తమ్ ॥
All copyrights reserved 2012 digital media act
Comments
Post a Comment