అర్థనారీశ్వర అష్టకం (ఉపమన్యు కృతం) ardhanareeswara ashtakam
అర్థనారీశ్వర అష్టకం (ఉపమన్యు కృతం)
అంభోధరశ్యామలకున్తలాయై
తటిత్ప్రభాతామ్రజటాధరాయ ।
నిరీశ్వరాయై నిఖిలేశ్వరాయ
నమః శివాయై చ నమః శివాయ ॥ ౧॥
ప్రదీప్తరత్నోజ్వలకుణ్డలాయై
స్ఫురన్మహాపన్నగభూషణాయ ।
శివప్రియాయై చ శివప్రియాయ
నమః శివాయై చ నమః శివాయ ॥ ౨॥
మన్దారమాలాకలితాలకాయై
కపాలమాలాఙ్కితకన్ధరాయై ।
దివ్యామ్బరాయై చ దిగమ్బరాయ
నమః శివాయై చ నమః శివాయ ॥ ౩॥
కస్తూరికాకుఙ్కుమలేపనాయై
శ్మశానభస్మాత్తవిలేపనాయ ।
కృతస్మరాయై వికృతస్మరాయ
నమః శివాయై చ నమః శివాయ ॥ ౪॥
పాదారవిన్దార్పితహంసకాయై
పాదాబ్జరాజత్ఫణినూపురాయ ।
కలామయాయై వికలామయాయ
నమః శివాయై చ నమః శివాయ ॥ ౫॥
ప్రపఞ్చసృష్ట్యున్ముఖలాస్యకాయై
సమస్తసంహారకతాణ్డవాయ ।
సమేక్షణాయై విషమేక్షణాయ
నమః శివాయై చ నమః శివాయ ॥ ౬॥
ప్రఫుల్లనీలోత్పలలోచనాయై
వికాసపఙ్కేరుహలోచనాయ ।
జగజ్జనన్యై జగదేకపిత్రే
నమః శివాయై చ నమః శివాయ ॥ ౭॥
అన్తర్బహిశ్చోర్ధ్వమధశ్చ మధ్యే
పురశ్చ పశ్చాచ్చ విదిక్షు దిక్షు ।
సర్వం గతాయై సకలం గతాయ
నమః శివాయై చ నమః శివాయ ॥ ౮॥
అర్ధనారీశ్వరస్తోత్రం ఉపమన్యుకృతం త్విదమ్ ।
యః పఠేచ్ఛృణుయాద్వాపి శివలోకే మహీయతే ॥ ౯॥
॥ ఇతి ఉపమన్యుకృతం అర్ధనారీశ్వరాష్టకమ్ ॥
All copyrights reserved 2012 digital media act
Comments
Post a Comment