బ్రహ్మ కృత గణేశ స్తోత్రం brahmma krutha Ganesha stotram

బ్రహ్మ కృత గణేశ స్తోత్రం

 శ్రీ గణేశాయ నమః ।

బ్రహ్మోవాచ -

శమ్భో తవాయం తనయస్త్వమేవాయం న సంశయః ।

సర్వదేవాగ్రపూజ్యోఽయం శేషే త్వఞ్చ మహేశ్వరః ॥ ౧॥

ఆదావన్తే భవానేవ పూజ్యో దేవో మహేశ్వరః ।

సర్వదేవగణస్యాయమధిపోఽభూన్మహాభుజః ॥ ౨॥

భవతోఽపి గణా యే తు తేషామప్యధిపోఽభవత్ ।

తస్మాద్గణాధిపోఽస్త్వేష గజాస్యత్వాద్గజాననః ॥ ౩॥

ఇన్ద్రం జిత్వా గజం హత్వా భగ్నదన్తం శిరో యతః ।

నన్దీ చాద్భూతకర్మాసౌ దదౌ తేనైకదన్తకః ॥ ౪॥

హేరమ్బ ఇతి నామాస్య బీజరూపం సదాస్తు హ ।

లమ్బోదరస్తున్దిలత్వాన్నామ్నా పుత్రోఽస్తు తే శివ ॥ ౫॥

అస్య స్మరణమాత్రేణ సర్వే విఘ్నా భయం యయుః ।

విఘ్నేశోఽయమతో నామ్నా తవ పుత్రోఽస్తు శఙ్కర ॥ ౬॥

యాత్రాయాం సత్క్రియారమ్భే యః స్మరేచ్చ గణాధిపమ్ ।

తస్య యాత్రాఫలం సిద్ధ్యేదారబ్ధస్యాన్తదర్శనమ్ ॥ ౭॥

సర్వమఙ్గలకార్యేషు పూజనీయో గణాధిపః ।

గణేశే పూజితే దేవాః పూజితాః కార్యసాధకాః ॥ ౮॥

ఇతి శ్రీబ్రహ్మాకృతం శ్రీగణేశస్తోత్రం సమ్పూర్ణమ్ 

All copyrights reserved 2012 digital media act