దేవీ కృత వేంకటేశ ప్రాతఃస్మరణ స్తోత్రం Devee krutha venkateshwara pratahasmarna stotram
దేవీ కృత వేంకటేశ ప్రాతఃస్మరణ స్తోత్రం
సా ద్వారదేశే శ్రీనివాసస్య దేవీ స్వామిపుష్కరిణీం దదృశే కైశ్చ సార్ధమ్ ।
స్వామిన్హరే శ్రీనివాసేతి సా తం బ్రహ్మాదీనాం తారకం సమ్ప్రదధ్యౌ ॥ ౧॥
దేవైః సార్ధం పాలనార్థం చ విష్ణురస్త్యేవ నిత్యం పుష్కరిణ్యాం జలేషు ।
అతః స్వామిపుష్కరిణీతి చాహుస్తత్ర స్నానం కన్యకాన్యాశ్చ చక్రుః ॥ ౨॥
శుచిర్భూత్వా శ్రీనివాసం చ దేవాస్తప్తుం వివిశుః శుద్ధభక్త్యా ఖగేన్ద్ర ।
యథోపదిష్టం గురుణా తథైవ చక్రే కన్యాశ్చ సర్వం ఖగేన్ద్ర ॥ ౩॥
తదా హరిర్దర్శయామాస తస్యై స్వకం రూపం సుప్రతీకే సుపూర్ణమ్ ।
సా కన్యకా శ్రీనివాసస్య రూపం దదర్శ భక్త్యా స్వమనోఽభిరామమ్ ॥ ౪॥
సువర్ణచిత్రం వసనం వసానం సోష్ణీషకం కఞ్చుకం సందధానమ్ ॥ ౫॥
మృగోత్థమదగన్ధేన సురభీకృతదిఙ్ముఖమ్ ।
పుణ్డరీకవిశాలాక్షం కంబుగ్రీవం మహాభుజమ్ ॥ ౬॥
హేమయజ్ఞోపవీతాఙ్గం సాక్షాత్కన్దర్పసన్నిభమ్ ।
జగన్మోహనసౌన్దర్యే కోమలాఙ్గం మనోహరమ్ ॥ ౭॥
దృష్ట్వా చ కన్యా ముముదే రోమాఞ్చితసుగాత్రకా ॥ ౮॥
తద్దర్శనాహ్లాదపరిప్లుతాశయా ప్రేమ్ణాథ రోమాశ్రుకులాకులేక్షణా ।
ననర్త దేవీ పురతస్తస్య విష్ణోః సా ధ్వస్తదోషా పరమాదరేణ ।
ఆనన్ద మాం పాహి సుఖం చ దత్త్వా ముకున్ద మాం పాహి విముక్తిదానాత్ ॥ ౯॥
మాం పాహి నిత్యం హ్యరవిన్దనేత్ర ప్రసన్నదృష్ట్యా కరుణాసుధార్ద్ర ।
గోవిన్ద గోవిన్ద సుదుఃఖితాం మాం జ్ఞానాదిదానేన హి పాహి నిత్యమ్ ॥ ౧౦॥
జనార్దన త్వం హి సుదుష్టసంగాన్కామాదిరూపాన్సతతం వర్జయిత్వా ।
హరే హరే మాం సతతం పాహి దైత్యాన్సమాహృత్య ప్రబలాన్విఘ్నరూపాన్ ॥ ౧౧॥
రమేశ మాం పాహి చతుర్ముఖేశ విశ్వేశ మాం పాహి సరస్వతీశ ।
రమేశ మాం పాహి నిదానమూర్తే వృన్దారవృన్దైర్వన్దితపాదపద్మ ॥ ౧౨॥
ఏవం తు నత్వా పరమాదరేణ తుష్టావ విష్ణుం పరమం పురాణమ్ ।
లక్ష్మ్యా సదా యేఽవిదితా గుణాశ్చ అసంఖ్యాతాః సంతి విష్ణౌ చ వీశ ॥ ౧౩॥
తేషాం సకాశాదతిబాహుల్యసంఖ్యా గుణా హరౌ తేఽవిదితా వై రమాయాః ।
అతో హరే స్తవనే క్వాస్తి శక్తిస్తథాపి యత్నం స్తవనే తే కరిష్యే ॥ ౧౪॥
తవ ప్రసాదాచ్చ రమాప్రసాదాద్విధిప్రసాదాత్భారతీశప్రసాదాత్ ।
రుద్రప్రసాదాత్స్తవనం తే కరిష్యే తథాపి విష్ణో మయి శాన్తిం కురుష్వ ॥ ౧౫॥
యది ప్రసన్నోఽసి మయి త్వమీశ త్వత్పాదమూలే దేహి భక్తిం సదైవ ।
త్వద్దర్శనాద్దేవ శుభాశుభం చ నష్టం మదీయం హ్యశుభం చ నిత్యమ్ ॥ ౧౬॥
త్వన్మాయయా నష్టమిమం చ లోకం మదేన మత్తం బధిరం చాన్ధభూతమ్ ।
ఐశ్వర్యయోగేన చ యో హి మూకో జాతః సదా దీనగుర్వాదికేషు ॥ ౧౭॥
మాం దేహి ఐశ్వర్యమనుత్తమం త్వత్పాదారవిన్దస్య విరుద్ధభూతమ్ ।
త్వం దేవ మే దేహి సతాం చ సంగం తవ స్వరూపప్రతిపాదకానామ్ ॥ ౧౮॥
పుత్రాదీనామైహికం వాసుదేవ దగ్ధ్వా చ మే దేహి పాదారవిన్దే ।
సద్వైష్ణవే క్రియమాణం చ కోపం దగ్ధ్వా చ మే దేహి పాదారవిన్దే ॥ ౧౯॥
ద్రవ్యాదికే క్రియమాణం చ లోభం దగ్ధ్వా వై మే దేహి పాదాబ్జమూలే ।
పుత్రాదికే క్రియమాణం చ మోహం దగ్ధ్వా చ మే దేహి పాదాబ్జమూలే ॥ ౨౦॥
విద్యాపుత్రద్రవ్యజాతం మదం చ దగ్ధ్వా చ మే దేహి పాదాబ్జమూలే ।
సద్వైష్ణవాసహమానస్వరూపం దగ్ధ్వా మాత్సర్యం పాహి మాం వేఙ్కటేశ ॥ ౨౧॥
మన్త్రం చ మే దేహి నిదానమూర్తే యేనైవ మే స్యాత్తవ సంగశ్చ భూయః ।
నాన్యం వృణే తవ పాదాబ్జసంగాత్తదేవ మే దేహి మమ ప్రసన్నః ॥ ౨౨॥
ఇతీరితః శ్రీనివాసః ప్రసన్న ఉవాచ దేవో హ్యమృతస్త్రవం చ ।
అత్రైవ కన్యే ప్రజపస్వ మన్త్రం సుగోప్యరూపం పరమాదరేణ ॥ ౨౩॥
వక్ష్యామి మన్త్రం పరమాదరేణ శృణ్వద్య భక్త్యా పరమాదరేణ ।
అన్తఃస్థమన్త్యం హ్యాద్యసంయుక్తమేవ సబిన్దు తద్వత్స్పర్శకాద్యేన యుక్తమ్ ॥ ౨౪॥
ఏకారయుక్తం ప్రథమాన్తఃస్థయుక్తం సమత్రికోణే చోష్మణా సంయుతం చ ।
తకారసక్తం స్పర్శమన్తః స్థయుక్తమాద్యన్త ఓంకారసమన్వితం చ ॥ ౨౫॥
అనేన మన్త్రేణ తవేప్సితం చ భవేద్ధి కన్యే నాత్ర విచార్యమస్తి ।
ఏవం స ఉక్త్వా శ్రీనివాసో హరిస్తు ప్రతీకవద్దర్శయామాస రూపమ్ ॥ ౨౬॥
నత్వా తు సా శ్రీనివాసం చ దేవీ ఉవాస హ స్వామిసరఃసమీపే ।
తస్మిన్దినే బ్రాహ్మణాదీంశ్చ సర్వాన్సంతర్పయామాస చ షడ్రసాన్నైః ॥ ౨౭॥
సాయఙ్కాలే శ్రీనివాసస్య దృష్ట్వా ఉత్సాహరూపైః శ్రీనివాసప్రతీకైః ।
సాకం భక్త్యా సమ్ప్రణమ్యాథ దేవీ ప్రదక్షిణం శ్రీనివాసస్య సుష్ఠు ॥ ౨౮॥
ననర్త దేవీ సుప్రతీకస్య చాగ్రే లజ్జాం త్యక్త్వా జయ దేవేతి చోక్త్వా ।
ఆనృత్తకాలే చ హరేశ్చ వక్త్రం దృష్ట్వా చ దృష్ట్యా తు పరం ననర్త ॥ ౨౯॥
మమాద్య గాత్రం పావితం శ్రీనివాస మమాద్య నేత్రం సఫలం సంబభూవ ।
మమాద్య పాదౌ సార్థకౌ చైవ జాతౌ ప్రదక్షిణం శ్రీనివాసేశ కృత్వా ॥ ౩౦॥
హస్తౌ చ మే సార్థకావద్య జాతౌ అగ్రే కృత్వా హస్తశబ్దం మురారేః ।
ఏవం వదన్తీ ప్రీణయన్తీ చ దేవం జగామ సా స్తోత్రవచః కదమ్బైః ॥ ౩౧॥
దేవాస్తదా దున్దుంభయో వినేదిరే తన్మస్తకే పుష్పవృష్టిం చ చక్రుః ।
తస్మిన్కాలే ఉభయోః పార్శ్వయోశ్చ నృత్యం చక్రుర్దేవతావారనార్యః ॥ ౩౨॥
తథైవ తాస్తలశబ్దం చ కృత్వా తదా సర్వా నమనం చాపి చక్రుః ।
ఆనన్దశైలే సర్వదా త్విత్థమేవ సా సర్వదా నర్తయన్తీ చ వీన్ద్ర ॥ ౩౩॥
ఆనన్దమగ్నా సాపి దేవీ జగామ స్వమాశ్రమం జైగిషవ్యేణ సార్ధమ్ ।
యాత్రామేవం యే న కుర్వన్తి వీన్ద్ర తేషాం చ సర్వం నిష్ఫలం చాహురార్యాః ॥ ౩౪॥
గత్వాశ్రమం జైగిషవ్యేణ సార్ధం గురుం త్వపృచ్ఛద్వేఙ్కటేశస్య మన్త్రమ్ ।
మన్త్రస్యార్థం బ్రూహి మే జైగిషవ్య మన్త్రావృత్తిం కుర్వతాం వై ఫలాయ ॥ ౩౫॥
జైగీషవ్య ఉవాచ ।
శృణుష్వ భద్రే వేఙ్కటేశస్య నామ్నస్త్వర్థం శ్రుత్వా హృదయే సంనిధత్స్వ ॥ ౩౬॥
వితి హ్యుత్తమవాచీ స్యాద్యేతి జ్ఞానముదాహృతమ్ ।
కకారః సుఖవాచీ స్యాట్టేతి చిత్తముదాహృతమ్ ॥ ౩౭॥
ఈశత్వమాత్మవాచి స్యాదేవం జ్ఞేయం తు కన్యకే ।
పూర్ణజ్ఞానం సుఖం విత్తం వ్యాప్తత్వాద్వ్యఙ్కటాభిధః ॥ ౩౮॥
వ్య (వే) మిన్ద్రియాదికం ప్రోక్తం వ్యఙ్గభూతం హరౌ యతః ।
కటశ్చ సముదాయార్థో వ్యం (వేం) కటశ్చేన్ద్రియౌఘకః ॥ ౩౯॥
స్వస్మిన్ప్రేరయతే యస్మాత్తస్మాద్వ్యఙ్కటనామకః ।
విషయే ప్రేషయేన్నిత్యమతో వ్యఙ్కటనామకః ॥ ౪౦॥
విశిష్టజ్ఞానరూపత్వాద్వ్యేతి ముక్తాః సదా స్మృతాః ।
ముక్తానాం చ సమూహస్తు వ్యఙ్కటేతి ప్రకీర్తితః ॥ ౪౧॥
సదా ముక్తసమూహానామీశత్వాద్వ్యఙ్కటాభిధః ।
లిఙ్గదేహమతో జీవో వ్యఙ్కటేతి సమాహృతః ॥ ౪౨॥
లిఙ్గానాం చైవ స్వామిత్వాద్వ్యఙ్కటేశేతి సంజ్ఞితః ।
దైత్యానాం చ సమూహాస్తు జ్ఞానాదివిధురా యతః ।
అతో దైత్యసమూహస్తు వ్యఙ్కటేతి ప్రకీర్తితః ॥ ౪౩॥
తేషాం సంహరణే ఈశస్త్వతో వ్యఙ్కటనామకః ।
ఆనన్దస్య విరుద్ధత్వాత్కామక్రోధాదయో గుణాః ॥ ౪౪॥
వ్యఙ్కటా ఇతి సమ్ప్రోక్తాస్తేషాం నాశయితా ప్రభుః ।
అతస్తు వ్యఙ్కటేశాఖ్య ఏవం జ్ఞాత్వా జపం కురు ॥ ౪౫॥
ఏవం వ్యఙ్కటమాహాత్మ్యం శ్రుత్వా దేవీ ఖగేశ్వర ।
నిద్రాం చకార తత్రైవ రాత్రౌ పిత్రా సహైవ చ ।
బ్రాహ్మే ముహూర్తే చోత్థాయ హృది సస్మార కన్యకా ॥ ౪౬॥
All copyrights reserved 2012 digital media act
Comments
Post a Comment