గణాదీశ స్తోత్రం (శివశక్తి కృతం) ganadeesa stotram Siva sakthi krutham
గణాదీశ స్తోత్రం (శివశక్తి కృతం)
శ్రీగణేశాయ నమః ।
శ్రీశక్తిశివావూచతుః ।
నమస్తే గణనాథాయ గణానాం పతయే నమః ।
భక్తిప్రియాయ దేవేశ భక్తేభ్యః సుఖదాయక ॥ ౧॥
స్వానన్దవాసినే తుభ్యం సిద్ధిబుద్ధివరాయ చ ।
నాభిశేషాయ దేవాయ ఢుణ్ఢిరాజాయ తే నమః ॥ ౨॥
వరదాభయహస్తాయ నమః పరశుధారిణే ।
నమస్తే సృణిహస్తాయ నాభిశేషాయ తే నమః ॥ ౩॥
అనామయాయ సర్వాయ సర్వపూజ్యాయ తే నమః ।
సగుణాయ నమస్తుభ్యం బ్రహ్మణే నిర్గుణాయ చ ॥ ౪॥
బ్రహ్మభ్యో బ్రహ్మదాత్రే చ గజానన నమోఽస్తు తే ।
ఆదిపూజ్యాయ జ్యేష్ఠాయ జ్యేష్ఠరాజాయ తే నమః ॥ ౫॥
మాత్రే పిత్రే చ సర్వేషాం హేరమ్బాయ నమో నమః ।
అనాదయే చ విఘ్నేశ విఘ్నకర్త్రే నమో నమః ॥ ౬॥
విఘ్నహర్త్రే స్వభక్తానాం లమ్బోదర నమోఽస్తు తే ।
త్వదీయభక్తియోగేన యోగీశాః శాన్తిమాగతాః ॥ ౭॥
కిం స్తువో యోగరూపం తం ప్రణమావశ్చ విఘ్నపమ్ ।
తేన తుష్టో భవ స్వామిన్నిత్యుకత్వా తం ప్రణేమతుః ॥ ౮॥
తావుత్థాప్య గణాధీశ ఉవాచ తౌ మహేశ్వరౌ ।
శ్రీగణేశ ఉవాచ ।
భవత్కృతమిదం స్తోత్రం మమ భక్తివివర్ధనమ్ ॥ ౯॥
భవిష్యతి చ సౌఖ్యస్య పఠతే శుణ్వతే ప్రదమ్ ।
భుక్తిముక్తిప్రదం చైవ పుత్రపౌత్రాదికం తథా ॥ ౧౦॥
ధనధాన్యాదికం సర్వం లభతే తేన నిశ్చితమ్ ।
ఇతి శివశక్తికృతం శ్రీగణాధీశస్తోత్రం సమాప్తమ్
All copyrights reserved 2012 digital media act
Comments
Post a Comment