గణనాయకాష్టకం gananayaka ashtakam

గణనాయకాష్టకం

 ఏకదన్తం మహాకాయం తప్తకాఞ్చనసన్నిభమ్ ।

లమ్బోదరం విశాలాక్షం వన్దేఽహం గణనాయకమ్ ॥ ౧॥

మౌఞ్జీకృష్ణాజినధరం నాగయజ్ఞోపవీతినమ్ ।

బాలేన్దుసుకలామౌలిం వన్దేఽహం గణనాయకమ్ ॥ ౨॥

అమ్బికాహృదయానన్దం మాతృభిః పరివేష్టితమ్ ।

భక్తిప్రియం మదోన్మత్తం వన్దేఽహం గణనాయకమ్ ॥ ౩॥

చిత్రరత్నవిచిత్రాఙ్గం చిత్రమాలావిభూషితమ్ ।

చిత్రరూపధరం దేవం వన్దేఽహం గణనాయకమ్ ॥ ౪॥

గజవక్త్రం సురశ్రేష్ఠం కర్ణచామరభూషితమ్ ।

పాశాఙ్కుశధరం దేవం వన్దేఽహం గణనాయకమ్ ॥ ౪॥

మూషకోత్తమమారుహ్య దేవాసురమహాహవే

యోద్ధుకామం మహావీర్యం వన్దేఽహం గణనాయకమ్ ॥ ౫॥

యక్షకిన్నరగన్ధర్వక్ష్ సిద్ధవిద్యాధరైస్సదా

స్తూయమానం మహాబాహుం వన్దేఽహం గణనాయకమ్ ॥ ౬॥

సర్వవిఘ్నహరం దేవం సర్వవిఘ్నవివర్జితమ్ ।

సర్వసిద్ధిప్రదాతారం వన్దేఽహం గణనాయకమ్ ॥ ౮॥

గణాష్టకమిదం పుణ్యం యః పఠే సతతం నరః

సిద్ధ్యన్తి సర్వకార్యాణి విద్యావాన్ ధనవాన్ భవేత్ ॥

ఇతి శ్రీగణనాయకాష్టకం సమ్పూర్ణమ్ ।

All copyrights reserved 2012 digital media act