గణపతి మంగళమాలికా స్తోత్రం ganapathi Mangala Malika stotram
గణపతి మంగళమాలికా స్తోత్రం
శ్రీకణ్ఠప్రేమపుత్రాయ గౌరీవామాఙ్గవాసినే ।
ద్వాత్రింశద్రూపయుక్తాయ శ్రీగణేశాయ మఙ్గలమ్ ॥ ౧॥
ఆదిపూజ్యాయ దేవాయ దన్తమోదకధారిణే ।
వల్లభాప్రాణకాన్తాయ శ్రీగణేశాయ మఙ్గలమ్ ॥ ౨॥
లమ్బోదరాయ శాన్తాయ చన్ద్రగర్వాపహారిణే ।
గజాననాయ ప్రభవే శ్రీగణేశాయ మఙ్గలమ్ ॥ ౩॥
పఞ్చహస్తాయ వన్ద్యాయ పాశాఙ్కుశధరాయ చ ।
శ్రీమతే గజకర్ణాయ శ్రీగణేశాయ మఙ్గలమ్ ॥ ౪॥
ద్వైమాతురాయ బాలాయ హేరమ్బాయ మహాత్మనే ।
వికటాయాఖువాహాయ శ్రీగణేశాయ మఙ్గలమ్ ॥ ౫॥
పృష్ణిశృఙ్గాయాజితాయ క్షిప్రాభీష్టార్థదాయినే ।
సిద్ధిబుద్ధిప్రమోదాయ శ్రీగణేశాయ మఙ్గలమ్ ॥ ౬॥
విలమ్బియజ్ఞసూత్రాయ సర్వవిఘ్ననివారిణే ।
దూర్వాదలసుపూజ్యాయ శ్రీగణేశాయ మఙ్గలమ్ ॥ ౭॥
మహాకాయాయ భీమాయ మహాసేనాగ్రజన్మనే ।
త్రిపురారీ వరో ధాత్రే శ్రీగణేశాయ మఙ్గలమ్ ॥ ౮॥
సిన్దూరరమ్యవర్ణాయ నాగబద్ధోదరాయ చ ।
ఆమోదాయ ప్రమోదాయ శ్రీగణేశాయ మఙ్గలమ్ ॥ ౯॥
విఘ్నకర్త్రే దుర్ముఖాయ విఘ్నహర్త్రే శివాత్మనే ।
సుముఖాయైకదన్తాయ శ్రీగణేశాయ మఙ్గలమ్ ॥ ౧౦॥
సమస్తగణనాథాయ విష్ణవే ధూమకేతవే ।
త్ర్యక్షాయ ఫాలచన్ద్రాయ శ్రీగణేశాయ మఙ్గలమ్ ॥ ౧౧॥
చతుర్థీశాయ మాన్యాయ సర్వవిద్యాప్రదాయినే ।
వక్రతుణ్డాయ కుబ్జాయ శ్రీగణేశాయ మఙ్గలమ్ ॥ ౧౨॥
తుణ్డినే కపిలాక్షాయ శ్రేష్ఠాయ ఋణహారిణే ।
ఉద్దణ్డోద్దణ్డరూపాయ శ్రీగణేశాయ మఙ్గలమ్ ॥ ౧౩॥
కష్టహర్త్రే ద్విదేహాయ భక్తేష్టజయదాయినే ।
వినాయకాయ విభవే శ్రీగణేశాయ మఙ్గలమ్ ॥ ౧౪॥
సచ్చిదానన్దరూపాయ నిర్గుణాయ గుణాత్మనే ।
వటవే లోకగురవే శ్రీగణేశాయ మఙ్గలమ్ ॥ ౧౫॥
శ్రీచాముణ్డాసుపుత్రాయ ప్రసన్నవదనాయ చ ।
శ్రీరాజరాజసేవ్యాయ శ్రీగణేశాయ మఙ్గలమ్ ॥ ౧౬॥
శ్రీచాముణ్డాకృపాపాత్ర శ్రీకృష్ణేన్ద్రవినిర్మితామ్ ।
విభూతిమాతృకారమ్యాం కల్యాణైశ్వర్యదాయినీమ్ ॥ ౧౭॥
శ్రీమహాగణనాథస్య శుభాం మఙ్గలమాలికామ్ ।
యః పఠేత్ సతతం వాణీం లక్ష్మీం సిద్ధిమవాప్నుయాత్ ॥ ౧౮॥
ఇతి శ్రీకృష్ణేన్ద్రరచితం శ్రీగణపతిమఙ్గలమాలికాస్తోత్రం సమ్పూర్ణమ్
All copyrights reserved 2012 digital media act
Comments
Post a Comment