గణేశ ద్వాదశనామ స్తోత్రం (ముద్గల పురాణం) ganesha dwadasa nama stotram mudgala purana

గణేశ ద్వాదశనామ స్తోత్రం (ముద్గల పురాణం)

 శుక్లామ్బరధరం విశ్ణుం శశివర్ణం చతుర్భుజమ్ ।

ప్రసన్నవదనం ధ్యాయేత్సర్వవిఘ్నోపశాన్తయేః ॥ ౧॥

అభీప్సితార్థసిద్ధ్యర్థం పూజితో యః సురాసురైః ।

సర్వవిఘ్నహరస్తస్మై గణాధిపతయే నమః ॥ ౨॥

గణానామధిపశ్చణ్డో గజవక్త్రస్త్రిలోచనః ।

ప్రసన్నో భవ మే నిత్యం వరదాతర్వినాయక ॥ ౩॥

సుముఖశ్చైకదన్తశ్చ కపిలో గజకర్ణకః ।

లమ్బోదరశ్చ వికటో విఘ్ననాశో వినాయకః ॥ ౪॥

ధూమ్రకేతుర్గణాధ్యక్షో భాలచన్ద్రో గజాననః ।

ద్వాదశైతాని నామాని గణేశస్య తు యః పఠేత్ ॥ ౫॥

విద్యార్థీ లభతే విద్యాం ధనార్థి విపులం ధనమ్ ।

ఇష్టకామం తు కామార్థీ ధర్మార్థీ మోక్షమక్షయమ్ ॥ ౬॥

విద్యారంభే వివాహే చ ప్రవేశే నిర్గమే తథా ।

సఙ్గ్రామే సఙ్కటే చైవ విఘ్నస్తస్య న జాయతే ॥ ౭॥

ఇతి ముద్గలపురాణోక్తం శ్రీగణేశద్వాదశనామస్తోత్రం సమ్పూర్ణమ్

All copyrights reserved 2012 digital media act