గణేశ పంచరత్న స్తోత్రం ganesha pancharatna stotram

గణేశ పంచరత్న స్తోత్రం

 శ్రీగణేశాయ నమః ॥

ముదాకరాత్తమోదకం సదావిముక్తిసాధకం

     కలాధరావతంసకం విలాసిలోకరఞ్జకమ్ ।

అనాయకైకనాయకం వినాశితేభదైత్యకం

     నతాశుభాశునాశకం నమామి తం వినాయకమ్ ॥ ౧॥

నతేతరాతిభీకరం నవోదితార్కభాస్వరం

     నమత్సురారినిర్జరం నతాధికాపదుద్ధరమ్ ।

సురేశ్వరం నిధీశ్వరం గజేశ్వరం గణేశ్వరం

     మహేశ్వరం తమాశ్రయే పరాత్పరం నిరన్తరమ్ ॥ ౨॥

సమస్తలోకశఙ్కరం నిరస్తదైత్యకుఞ్జరం

     దరేతరోదరం వరం వరేభవక్త్రమక్షరమ్ ।

కృపాకరం క్షమాకరం ముదాకరం యశస్కరం

     మనస్కరం నమస్కృతాం నమస్కరోమి భాస్వరమ్ ॥ ౩॥

అకిఞ్చనార్తిమార్జనం చిరన్తనోక్తిభాజనం

     పురారిపూర్వనన్దనం సురారిగర్వచర్వణమ్ ।

ప్రపఞ్చనాశభీషణం ధనఞ్జయాదిభూషణం

     కపోలదానవారణం భజే పురాణవారణమ్ ॥ ౪॥

నితాన్తకాన్తదన్తకాన్తిమన్తకాన్తకాత్మజం

     అచిన్త్యరూపమన్తహీనమన్తరాయకృన్తనమ్ ।

హృదన్తరే నిరన్తరం వసన్తమేవ యోగినాం

     తమేకదన్తమేవ తం విచిన్తయామి సన్తతమ్ ॥ ౫॥

మహాగణేశ్పఞ్చరత్నమాదరేణ యోఽన్వహం

 ప్రగాయతి ప్రభాతకే హృది స్మరన్ గణేశ్వరమ్ ।

అరోగతామదోషతాం సుసాహితీం సుపుత్రతాం

సమాహితాయురష్టభూతిమభ్యుపైతి సోఽచిరాత్ ॥ ౬॥

ఇతి శ్రీశఙ్కరభగవతః కృతౌ శ్రీగణేశపఞ్చరత్నస్తోత్రం

సమ్పూర్ణమ్

All copyrights reserved 2012 digital media act