గణేశ ప్రాతఃస్మరణ స్తోత్రం ganesha pratahasmarna stotram
గణేశ ప్రాతఃస్మరణ స్తోత్రం
ఉత్తిష్ఠోత్తిష్ఠ హేరమ్బ ఉత్తిష్ఠ బ్రహ్మణస్పతే ।
సర్వదా సర్వతః సర్వవిఘ్నాన్మాం పాహి విఘ్నప ॥
ఆయురారోగ్యమైశ్వర్యం మామ్ ప్రదాయ స్వభక్తిమత్ ।
స్వేక్షణాశక్తిరాద్యా తే దక్షిణా పాతు మం సదా ॥
ప్రాతః స్మరామి గణనాథమనాథబన్ధుం
సిన్దూరపూరపరిశోభితగణ్డయుగ్మమ్ ।
ఉద్దణ్డవిఘ్నపరిఖణ్డనచణ్డదణ్డ-
మాఖణ్డలాదిసురనాయకవృన్దవన్ద్యమ్ ॥ ౧॥
ప్రాతర్నమామి చతురాననవన్ద్యమాన-
మిచ్ఛానుకూలమఖిలం చ వరం దదానమ్ ।
తం తున్దిలం ద్విరసనాధిపయజ్ఞసూత్రం
పుత్రం విలాసచతురం శివయోః శివాయ ॥ ౨॥
ప్రాతర్భజామ్యభయదం ఖలు భక్తశోక-
దావానలం గణవిభుం వరకుఞ్జరాస్యమ్ ।
అజ్ఞానకాననవినాశనహవ్యవాహ-
ముత్సాహవర్ధనమహం సుతమీశ్వరస్య ॥ ౩॥
శ్లోకత్రయమిదం పుణ్యం సదా సామ్రాజ్యదాయకమ్ ।
ప్రాతరుత్థాయ సతతం యః పఠేత్ప్రయతః పుమాన్ ॥ ౪॥
కరాగ్రే సత్ప్రభా బుద్ధిః కమలా కరమధ్యగా ।
కరమూలే మయూరేశః ప్రభాతే కరదర్శనమ్ ॥
జ్ఞానరూపవరాహస్య పత్ని కర్మస్వరూపిణి ।
సర్వాధారే ధరే నౌమి పాదస్పర్శం క్షమస్వ మే ॥
తారశ్రీనర్మదాదూర్వాశమీమన్దారమోదిత ।
ద్విరదాస్య మయూరేశ దుఃస్వప్నహర పాహి మామ్ ॥
వక్రతుణ్డ మహాకాయ సూర్యకోటిసమప్రభ ।
నిర్విఘ్నం కురు మే దేవ సర్వకార్యేషు సర్వదా ॥
గణనాథసరస్వతీరవిశుక్రబృహస్పతీన్ ।
పఞ్చైతాని స్మరేన్నిత్యం వేదవాణీప్రవృత్తయే ॥
వినాయకం గురుం భానుం బ్రహ్మవిష్ణుమహేశ్వరాన్ ।
సర్స్వతీం ప్రణౌమ్యాదౌ సర్వకార్యార్థసిద్ధయే ॥
అభీప్సితార్థసిద్ధ్యర్థం పూజితో యః సురాసురైః ।
సర్వవిఘ్నహరస్తస్మై గణాధిపతయే నమః ॥
అగజానపద్మార్కం గజాననమహిర్నిశం ।
అనేకదం తం భక్తానామేకదన్తముపాస్మహే ॥
నమస్తస్మై గణేశాయ యత్కణ్డః పుష్కరాయతే ।
యదాభోగధనధ్వాన్తో నీలకణ్ఠస్య తాణ్డవే ॥
కార్యం మే సిద్ధిమాయాతు ప్రసన్నే త్వయి ధాతరి ।
విఘ్నాని నాశమాయాన్తు సర్వాణి సురనాయక ॥
నమస్తే విఘ్నసంహర్త్రే నమస్తే ఈప్సితప్రద ।
నమస్తే దేవదేవేశ నమస్తే గణనాయక ॥
॥ ఇతి శ్రీగణేశప్రాతఃస్మరణమ్ ॥
All copyrights reserved 2012 digital media act
Comments
Post a Comment