గణేశ స్తవం (ముద్గల పురాణం) ganesha stavam

గణేశ స్తవం (ముద్గల పురాణం)

శ్రీగణేశాయ నమః ।

పఞ్చ దేవా ఊచుః ।

నమస్తే వక్రతుణ్డాయ త్రినేత్రం దధతే నమః ।

చతుర్భుజాయ దేవాయ పాశాఙ్కుశధరాయ చ ॥ 1॥

లమ్బోదర నమస్తుభ్యం నాభిశేషాయ తే నమః ।

మహతే చైకదన్తాయ శూర్పకర్ణాయ తే నమః ॥ 2॥

సిన్దూరారుణదేహాయ రక్తవర్ణధరాయ చ ।

మహాకాయాయ సూక్ష్మాయ గణేశాయ నమో నమః ॥ 3॥

సిద్ధిబుద్ధియుతాయైవ విభూతిసహితాయ చ ।

చిన్తామణిధరాయైవ తథా చిన్తామణే నమః ॥ 4॥

అవ్యక్తాయ పరేశాయ పరేషాం చ పరాయ తే ।

మనోవాణీవిహీనాయ విఘ్నేశాయ నమో నమః ॥ 5॥

నానామాయాధరాయైవ మాయినాం మోహకారిణే ।

హేరమ్బాయ నమస్తుభ్యం బ్రహ్మణాం పతయే నమః ॥ 6॥

దర్శయస్వ నిజం రూపం భక్తేభ్యః ప్రీతిదాయకమ్ ।

సనాథా హి వయం తేన సర్వనాథాయ తే నమః ॥ 7॥

స్తువతాం తు పురఃప్రాదురాసీద్దేవో గజాననః ।

తం దృష్ట్వా దణ్డవత్ సర్వే ప్రణతా భక్తిభావతః ॥ 8॥

తానుత్థాప్య స్వయం ఢుణ్ఢిర్వచనం చేదమబ్రవీత్ ।

స్తోత్రేణ భావితో దేవాః ప్రీతో వో నాత్ర సంశయః ॥ 9॥

యః పఠేత్ స్తోత్రమేతద్వై స మే మాన్యో భవేత్ సురాః ।

వాఞ్ఛితం పూరయిష్యామ్యం తే మే సాయుజ్యమాప్నుయాత్ ॥ 10॥

శ‍ృణుధ్వం మే వచో రమ్యం మా గర్వం కురుత ప్రియాః ।

భవన్తో మదధీనాశ్చ కలాంశా నాత్ర సంశయః ॥ 11॥

క్రీడార్థం నిర్మితాః సర్వే స్పర్ధమానాః పరస్పరమ్ ।

కిమర్థ మనసి భ్రాన్తా జాతాః పూర్ణాత్మకా అపి ॥ 12॥

శ్రావ్యం జ్ఞానం రహస్యం యన్ మదీయం తేన భావితాః ।

సదా మోహవినిర్ముక్తా భవితారశ్చ మత్సమాః ॥ 13॥

ఇతి పఞ్చదేవైః కృతః గణేశస్తవః సమ్పూర్ణః

All copyrights reserved 2012 digital media act