Sri venkateshwara ashtottara Shatanama stotra శ్రీవేంకటేశ్వర అష్టోత్తర శతనామ స్తోత్రం (సనత్కుమార సంహిత)
శ్రీవేంకటేశ్వర అష్టోత్తర శతనామ స్తోత్రం (సనత్కుమార సంహిత)
॥ సిద్ధాః ఊచుః॥
భగవన్ వేఙ్కటేశస్య నామ్నామష్టోత్తరం శతమ్ ।
అనుబ్రూహి దయాసిన్ధో క్షిప్రసిద్ధిప్రదం నృణామ్ ॥ ౧॥
॥ నారద ఉవాచ॥
సావధానేన మనసా శృన్వన్తు తదిదం శుభమ్ ।
జప్తం వైఖానసైః పూర్వం సర్వసౌభాగ్యవర్ధనమ్ ॥ ౨॥
ఓఙ్కారపరమార్థశ్చ నరనారాయణాత్మకః ।
మోక్షలక్ష్మీప్రాణకాన్తో వేఙ్కటాచలనాయకః ॥ ౩॥
కరుణాపూర్ణహృదయః టేఙ్కారజపసౌఖ్యదః ।
శాస్త్రప్రమాణగమ్యశ్చ యమాద్యష్టాఙ్గగోచరః ॥ ౪॥
భక్తలోకైకవరదో వరేణ్యో భయనాశనః ।
యజమానస్వరూపశ్చ హస్తన్యస్తసుదర్శనః ॥ ౫॥
రమావతారమఙ్గేశో ణాకారజపసుప్రియః ।
యజ్ఞేశో గతిదాతా చ జగతీవల్లభో వరః ॥ ౬॥
రక్షస్సన్దోహసంహర్త్రా వర్చస్వీ రఘుపుఙ్గవః ।
దానధర్మపరో యాజీ ఘనశ్యామలవిగ్రః ॥ ౭॥
హరాదిసర్వదేవేడ్యో రామో యదుకులాగ్రణీః ।
శ్రీనివాసో మహాత్మా చ తేజస్వీ తత్త్వసన్నిధిః ॥ ౮॥
త్వమర్థలక్ష్యరూపశ్చ రూపవాన్ పావనో యశః ।
సర్వేశో కమలాకాన్తో లక్ష్మీసల్లాపసమ్ముఖః ॥ ౯॥
చతుర్ముఖప్రతిష్టాతా రాజరాజవరప్రదః ।
చతుర్వేదశిరోరత్నం రమణో నిత్యవైభవః ॥ ౧౦॥
దాసవర్గపరిత్రాతా నారదాదిమునిస్తుతః ।
యాదవాచలవాసీ చ ఖిద్యద్భక్తార్తిభఞ్జనః ॥ ౧౧॥
లక్ష్మీప్రసాదకో విష్ణుః దేవేశో రమ్యవిగ్రః ।
మాధవో లోకనాథశ్చ లాలితాఖిలసేవకః ॥ ౧౨॥
యక్షగన్ధర్వవరదః కుమారో మాతృకార్చితః ।
రటద్పాలకపోషీ చ శేషశైలకృతస్థలః ॥ ౧౩॥
షాడ్గుణ్యపరిపూర్ణశ్చ ద్వైతదోషనివారణః ।
తిర్యగ్జన్త్వర్చితాఙ్ఘ్రిశ్చ నేత్రానన్దోత్సవః ॥ ౧౪॥
ద్వాదశోత్తమలీలశ్చ దరిద్రజనరక్షకః ।
శత్రుకృత్యాదిభీతిఘ్నో భుజఙ్గశయనప్రియః ॥ ౧౫॥
జాగ్రద్రహస్యావాసశ్చ యః శిష్టపరిపాలకః ।
వరేణ్యః పూర్ణబోధశ్చ జన్మసంసారభేషజమ్ ॥ ౧౬॥
కార్తికేయవపుర్ధారీ యతిశేఖరభావితః ।
నరకాదిభయధ్వంసీ రథోత్సవకలాధరః ॥ ౧౭॥
లోకార్చాముఖ్యమూర్తిశ్చ కేశవాద్యవతారవాన్ ।
శాస్త్రశ్రుతానన్తలీలో యమశిక్షానిబర్హణః ॥ ౧౮॥
మానసంరక్షణపరః ఇరిణాఙ్కురధాన్యదః ।
నేత్రహీనాక్షిదాయీ చ మతిహీనమతిప్రదః ॥ ౧౯॥
హిరణ్యదానగ్రాహీ చ మోహజాలనికృన్తనః ।
దధిలాజాక్షతార్చ్యశ్చ యాతుధానవినాశనః ॥ ౨౦॥
యజుర్వేదశిఖాగమ్యో వేఙ్కటో దక్షిణాస్థితః ।
సారపుష్కరణీతీరే రాత్రౌదేవగణార్చితః ॥ ౨౧॥
యత్నవత్ఫలధాతా శ్రీఞ్జపాద్ధనవృద్ధికృత్ ।
క్లీఙ్కారజాపీ కామ్యార్థప్రదానదయాన్తరః ॥ ౨౨॥
స్వసర్వసిద్ధిసన్ధాతా నమస్కర్తురభీష్టదః ।
మోహితాఖిలలోకశ్చ నానారూపవ్యవస్థితః ॥ ౨౩॥
రాజీవలోచనో యజ్ఞవరాహో గణవేఙ్కటః ।
తేజోరాశీక్షణస్స్వామీ హార్దావిద్యాదివారణః ॥ ౨౪॥
ఇతి శ్రీవేఙ్కటేశస్య నామ్నామష్టోత్తరం శతమ్ ।
ప్రాతఃప్రాతస్సముత్తాయ యః పటేద్భక్తిమాన్నరః ॥ ౨౫॥
సర్వేష్టార్థానవాప్నోతి వేఙ్కతేశప్రసాదతః ॥ ౨౬॥
॥ ఇతి శ్రీసనత్కుమారసంహితాన్తర్గతం
శ్రీవేఙ్కటేశాష్టోత్తరశతనామస్తోత్రం సమ్పూర్ణమ్॥
All copyrights reserved 2012 digital media act
Comments
Post a Comment