Sri venkateshwara bhujanga stotram శ్రీవేంకటేశ భుజంగ స్తోత్రం

శ్రీవేంకటేశ భుజంగ స్తోత్రం

 ముఖే చారుహాసం కరే శఙ్ఖచక్రం గలే రత్నమాలాం స్వయం మేఘవర్ణమ్ ।

తథా దివ్యశస్త్రం ప్రియం పీతవస్త్రం ధరన్తం మురారిం భజే వేఙ్కటేశమ్ ॥ ౧॥

సదాభీతిహస్తం ముదాజానుపాణిం లసన్మేఖలం రత్నశోభాప్రకాశమ్ ।

జగత్పాదపద్మం మహత్పద్మనాభం ధరన్తం మురారిం భజే వేఙ్కటేశమ్ ॥ ౨॥

అహో నిర్మలం నిత్యమాకాశరూపం జగత్కారణం సర్వవేదాన్తవేద్యమ్ ।

విభుం తాపసం సచ్చిదానన్దరూపం ధరన్తం మురారిం భజే వేఙ్కటేశమ్ ॥ ౩॥

శ్రియా విష్టితం వామపక్షప్రకాశం సురైర్వన్దితం బ్రహ్మరుద్రస్తుతం తమ్ ।

శివం శఙ్కరం స్వస్తినిర్వాణరూపం ధరన్తం మురారిం భజే వేఙ్కటేశమ్ ॥ ౪॥

మహాయోగసాద్ధ్యం పరిభ్రాజమానం చిరం విశ్వరూపం సురేశం మహేశమ్ ।

అహో శాన్తరూపం సదాధ్యానగమ్యం ధరన్తం మురారిం భజే వేఙ్కటేశమ్ ॥ ౫॥

అహో మత్స్యరూపం తథా కూర్మరూపం మహాక్రోడరూపం తథా నారసింహమ్ ।

భజే కుబ్జరూపం విభుం జామదగ్న్యం ధరన్తం మురారిం భజే వేఙ్కటేశమ్ ॥ ౬॥

అహో బుద్ధరూపం తథా కల్కిరూపం ప్రభుం శాశ్వతం లోకరక్షామహన్తమ్ ।

పృథక్కాలలబ్ధాత్మలీలావతారం ధరన్తం మురారిం భజే వేఙ్కటేశమ్ ॥ ౭॥

ఇతి శ్రీవేఙ్కటేశభుజఙ్గం సమ్పూర్ణమ్ 

All copyrights reserved 2012 digital media act