Sri venkateshwara dwadasa nama stotram శ్రీవేంకటేశ ద్వాదశనామ స్తోత్రం (బ్రహ్మండపురాణం)

శ్రీవేంకటేశ ద్వాదశనామ స్తోత్రం (బ్రహ్మండపురాణం)

 అస్య శ్రీవేఙ్కటేశద్వాదశనామస్తోత్రమహామన్త్రస్య బ్రహ్మా ఋషిః

అనుష్టుప్ ఛన్దః శ్రీవేఙ్కటేశ్వరో దేవతా । ఇష్టార్థే వినియోగః ॥

నారాయణో జగన్నాథో వారిజాసనవన్దితః ।

స్వామిపుష్కరిణీవాసీ శన్ఙ్ఖచక్రగదాధరః ॥ ౧॥

పీతామ్బరధరో దేవో గరుడాసనశోభితః ।

కన్దర్పకోటిలావణ్యః కమలాయతలోచనః ॥ ౨॥

ఇన్దిరాపతిగోవిన్దః చన్ద్రసూర్యప్రభాకరః ।

విశ్వాత్మా విశ్వలోకేశో జయశ్రీవేఙ్కటేశ్వరః ॥ ౩॥

ఏతద్ద్వాదశనామాని త్రిసన్ధ్యం యః పఠేన్నరః ।

దారిద్ర్యదుఃఖనిర్ముక్తో ధనధాన్యసమృద్ధిమాన్ ॥ ౪॥

జనవశ్యం రాజవశ్య సర్వకామార్థసిద్ధిదమ్ ।

దివ్యతేజః సమాప్నోతి దీర్ఘమాయుశ్చ విన్దతి ॥ ౫॥

గ్రహరోగాదినాశం చ కామితార్థఫలప్రదమ్ ।

ఇహ జన్మని సౌఖ్యం చ విష్ణుసాయుజ్యమాప్నుయాత్ ॥ ౬॥

॥ ఇతి బ్రహ్మాణ్డపురాణే బ్రహ్మనారదసంవాదే

వేఙ్కటేశద్వాదశనామస్తోత్రం సమ్పూర్ణమ్ ॥

Allcopyrights reserved 2012 digital media act