Sri venkateshwara navaratna Malika stuthi శ్రీవేంకటేశ్వర నవరత్న మాళికా స్తుతి

శ్రీవేంకటేశ్వర నవరత్న మాళికా స్తుతి

 శ్రీమానమ్భోధికన్యావిహరణభవనీభూతవక్షఃప్రదేశః

భాస్వద్భోగీన్ద్రభూమీధరవరశిఖరప్రాన్తకేలీరసజ్ఞః ।

శశ్వద్బ్రహ్మేన్ద్రవహ్నిప్రముఖసురవరారాధ్యమానాఙ్ఘ్రిపద్మః

పాయాన్మాం వేఙ్కటేశః ప్రణతజనమనఃకామనాకల్పశాఖీ ॥ ౧॥

యస్మిన్ విశ్వం సమస్తం చరమచరమిదం దృశ్యతే వృద్ధిమేతి

భ్రశ్యత్యన్తే చ తాదృగ్విభవవిలసితస్సోఽయమానన్దమూర్తిః ।

పద్మావాసాముఖామ్భోరుహమద ధు మధువిద్విభ్రమోన్నిద్రచేతాః

శశ్వద్భూయాద్వినమ్రాఖిలమునినివహో భూయసే శ్రేయసే మే ॥ ౨॥

వన్దే దేవం మహాన్తం దరహసితలసద్వక్త్రచన్ద్రాభిరామం

నవ్యోన్నిద్రావదాతామ్బుజరుచిరవిశాలేక్షణద్వన్ద్వరమ్యమ్ ।

రాజన్మార్తాణ్డతేజఃప్రసితశుభమహాకౌస్తుభోద్భాస్యురస్కం

శాన్తం శ్రీశఙ్ఖచక్రాద్యమలకరయుతం భవ్యపీతామ్బరాఢ్యమ్ ॥ ౩॥

పాయాద్విశ్వస్య సాక్షీ ప్రభురఖిలజగత్కారణం శాశ్వతోఽయం

పాదప్రహ్వాఘరాశిప్రశమననిభృతామ్భోధరప్రాభవో మామ్ ।

బ్యక్తావ్యక్తస్వరూపో దురధిగమపదః ప్రాక్తనీనాం చ వాచాం

ధ్యేయో యోగీన్ద్రచేతస్సరసిజనియతానన్దదీక్షావిహారః ॥ ౪॥

ఆద్యం తేజోవిశేషైరుపగతదశదిఙ్మణ్డలాభ్యన్తరాలం

సూక్ష్మం సూక్ష్మాతిరిక్తం భవభయహరణం దివ్యభవ్యస్వరూపమ్ ।

లక్ష్మీకాన్తం ఖగేన్ద్రధ్వజమఘశమనం కామితార్థైకహేతుం

వన్దే గోవిన్దమిన్దీవరనవజలదశ్యామలం చారుహాసమ్ ॥ ౫॥

రాకాచన్ద్రోపమాస్యం లలితకువలయశ్యామమమ్భోజనేత్రం

ధ్యాయామ్యాజానుబాహుం హలనలినగదాశార్ఙ్గరేఖాఞ్చితాఙ్ఘ్రిమ్ ।

కారుణ్యాఞ్చత్కటాక్షం కలశజలధిజాపీనవక్షోజకోశా-

శ్లేషావాతాఙ్గరాగోచ్ఛ్యలలితనవాఙ్కోరువక్షస్స్థలాఢ్యమ్ ॥ ౬॥

శ్రీమన్సంపూర్ణశీతద్యుతిహసనముఖం రమ్యబిమ్బాధరోష్ఠం

గ్రీవాప్రాలమ్బివక్షస్స్థలసతతనటద్వైజయన్తీవిలాసమ్ ।

ఆదర్శౌపమ్యగణ్డప్రతిఫలితలసత్కుణ్డలశ్రోత్రయుగ్మం

స్తౌమి త్వాం ద్యోతమానోత్తమమణిరుచిరానల్పకోటీరకాన్తమ్ ॥ ౭॥

సప్రేమౌత్సుక్యలక్ష్మీదరహసితముఖామ్భోరుహామోదలుభ్యన్-

మత్తద్వైరేఫవిక్రీడితనిజహృదయో దేవదేవో ముకున్దః ।

స్వస్తి శ్రీవత్సవక్షాః శ్రితజనశుభదః శాశ్వతం మే విదధ్యాత్

న్యస్తప్రత్యగ్రకస్తూర్యనుపమతిలకప్రోల్లసత్ఫాలభాగః ॥ ౮॥

శ్రీమాన్ శేషాద్రినాథో మునిజనహృదయామ్భోజసద్రాజహంసః ।

సేవాసక్తామరేన్ద్రప్రముఖసురకిరీటర్చితాత్మాఙ్ఘ్రిపీఠః ।

లోకస్యాలోకమాత్రాద్విహరతి రచయన్ యో దివారాత్రలీలాం

సోఽయం మాం వేఙ్కటేశప్రభురధికకృపావారిధిః పాతు శశ్వత్ ॥ ౯॥

శ్రీశేషశర్మాభినవోపవలృప్తా

ప్రియేణ భక్త్యా చ సమర్పితేయమ్ ।

శ్రీవేఙ్కటేశప్రభుకణ్ఠభూషా

విరాజతాం శ్రీనవర్త్నమాలా ॥ ౧౦౦ ।

 ॥ ఇతి శ్రీవేఙ్కటేశ్వరనవరత్నమాలికాస్తుతిః సమాప్తా॥

All copyrights reserved 2012 digital media act