శ్రీవేంకటేశ స్తోత్రం (బ్రహ్మండ పురాణం) Sri venkateshwara stotram
శ్రీవేంకటేశ స్తోత్రం (బ్రహ్మండ పురాణం)
సఙ్కర్షణోఽనిరుద్ధశ్చ శేషాద్రిపతిరేవ చ ॥ ౧॥
జనార్దనః పద్మనాభో వేఙ్కటాచలవాసనః ।
సృష్టికర్తా జగన్నాథో మాధవో భక్తవత్సలః ॥ ౨॥
గోవిన్దో గోపతిః కృష్ణః కేశవో గరుడధ్వజః ।
వరాహో వామనశ్చైవ నారాయణ అధోక్షజః ॥ ౩॥
శ్రీధరః పుణ్డరీకాక్షః సర్వదేవస్తుతో హరిః ।
శ్రీనృసింహో మహాసింహః సూత్రాకారః పురాతనః ॥ ౪॥
రమానాథో మహీభర్తా భూధరః పురుషోత్తమః ।
చోళపుత్రప్రియః శాన్తో బ్రహ్మాదీనాం వరప్రదః ॥ ౫॥
శ్రీనిధిః సర్వభూతానాం భయకృద్భయనాశనః ।
శ్రీరామో రామభద్రశ్చ భవబన్ధైకమోచకః ॥ ౬॥
భూతావాసో గిరావాసః శ్రీనివాసః శ్రియఃపతిః ।
అచ్యుతానన్తగోవిన్దో విష్ణుర్వేఙ్కటనాయకః ॥ ౭॥
సర్వదేవైకశరణం సర్వదేవైకదైవతమ్ ।
సమస్తదేవకవచం సర్వదేవశిఖామణిః ॥ ౮॥
ఇతీదం కీర్తితం యస్య విష్ణోరమితతేజసః ।
త్రికాలే యః పఠేన్నిత్యం పాపం తస్య న విద్యతే ॥ ౯॥
రాజద్వారే పఠేద్ఘోరే సఙ్గ్రామే రిపుసఙ్కటే ।
భూతసర్పపిశాచాదిభయం నాస్తి కదాచన ॥ ౧౦॥
అపుత్రో లభతే పుత్రాన్ నిర్ధనో ధనవాన్ భవేత్ ।
రోగార్తో ముచ్యతే రోగాద్ బద్ధో ముచ్యేత బన్ధనాత్ ॥ ౧౧॥
యద్యదిష్టతమం లోకే తత్తత్ప్రాప్నోత్యసంశయః ।
ఐశ్వర్యం రాజసమ్మానం భక్తిముక్తిఫలప్రదమ్ ॥ ౧౨॥
విష్ణోర్లోకైకసోపానం సర్వదుఃఖైకనాశనమ్ ।
సర్వైశ్వర్యప్రదం నౄణాం సర్వమఙ్గలకారకమ్ ॥ ౧౩॥
మాయావీ పరమానన్దం త్యక్త్వా వైఙ్కుణ్ఠముత్తమమ్ ।
స్వామిపుష్కరిణీతీరే రమయా సహ మోదతే ॥ ౧౪॥
కల్యాణాద్భుతగాత్రాయ కామితార్థప్రదాయినే ।
శ్రీమద్వేఙ్కటనాథాయ శ్రీనివాసాయ తే నమః ॥ ౧౫॥
వేఙ్కటాద్రిసమం స్థానం బ్రహ్మాణ్డే నాస్తి కిఞ్చన ।
వేఙ్కటేశసమో దేవో న భూతో న భవిష్యతి ॥ ౧౬॥
॥ ఇతి బ్రహ్మాణ్డపురాణే బ్రహ్మనారదసంవాదే
శ్రీవేఙ్కటేశస్తోత్రం సమ్పూర్ణమ్ ॥
All copyrights reserved 2012 digital media act
Comments
Post a Comment