శ్రీలక్ష్మీనృసింహ హృదయ స్తోత్రం (భవిష్యోత్తర పురాణం) srilakshmi nrusimha hridaya stotram with Telugu lyrics
శ్రీలక్ష్మీనృసింహ హృదయ స్తోత్రం
శ్రీలక్ష్మీనృసింహహృదయస్తోత్రమ్
అస్య శ్రీలక్ష్మీనృసింహహృదయ మహామన్త్రస్య ప్రహ్లాద ఋషిః ।
శ్రీలక్ష్మీనృసింహో దేవతా । అనుష్టుప్ఛన్దః ।
మమ ఈప్సితార్థసిద్ధ్యర్థే పాఠే వినియోగః ॥
కరన్యాసః -
ఓం శ్రీలక్ష్మీనృసింహాయ అఙ్గుష్ఠాభ్యాం నమః ।
ఓం వజ్రనఖాయ తర్జనీభ్యాం నమః ।
ఓం మహారూపాయ మధ్యమాభ్యాం నమః ।
ఓం సర్వతోముఖాయ అనామికాభ్యాం నమః ।
ఓం భీషణాయ కనిష్ఠికాభ్యాం నమః ।
ఓం వీరాయ కరతలకరపృష్ఠాభ్యాం నమః ।
హృదయన్యాసః -
ఓం శ్రీలక్ష్మీనృసింహాయ హృదయాయ నమః ।
ఓం వజ్రనఖాయ శిరసే స్వాహా ।
ఓం మహారూపాయ శిఖాయై వషట్ ।
ఓం సర్వతోముఖాయ కవచాయ హుం ।
ఓం భీషణాయ నేత్రత్రయాయ వౌషట్ ।
ఓం వీరాయ అస్త్రాయ ఫట్ ॥
అథ ధ్యానమ్ -
ఓం సత్యం జ్ఞానేన్ద్రియసుఖం క్షీరామ్భోనిధి మధ్యగం
యోగారూఢం ప్రసన్నాస్యం నానాభరణభూషితమ్ ।
మహాచక్రం మహావిష్ణుం త్రినేత్రం చ పినాకినం
శ్వేతాహివాసం శ్వేతాఙ్గం సూర్యచన్ద్రాది పార్శ్వగమ్ ॥
శ్రీనృసింహం సదా ధ్యాయేత్ కోటిసూర్యసమప్రభమ్ ॥
అథ మన్త్రః -
ఓం నమో భగవతే నరసింహాయ దేవాయ నమః ॥
అథ హృదయస్తోత్రమ్ ।
శ్రీనృసింహః పరమ్బ్రహ్మ శ్రీనృసింహః పర శివః ।
నృసింహః పరమో విష్ణుః నృసింహః సర్వదేవతా ॥ ౧॥
నృశబ్దేనోచ్యతే జీవః సింహశబ్దేన చ స్వరః ।
తయోరైక్యం శ‍ృతిప్రోక్తం యః పశ్యతి స పశ్యతి ॥ ౨॥
నృసింహదేవ జాయన్తే లోకాః స్థావరజఙ్గమాః ।
నృసింహేనైవ జీవన్తి నృసింహే ప్రవిశన్తి చ ॥ ౩॥
నృసింహో విశ్వముత్పాద్య ప్రవిశ్య తదనన్తరమ్ ।
రాజభిక్షుస్వరూపేణ నృసింహస్య స్మరన్తి యే ॥ ౪॥
నృసింహాత్ పరమం నాస్తి నృసింహం కులదైవతమ్ ।
నృసింహభక్తా యే లోకే తే జ్ఞానినమితీరితాః ॥ ౫॥
విరక్తా దయయా యుక్తాః సర్వభూతసమేక్షణాః ।
న్యస్త సంసార యోగేన నృసింహం ప్రాప్నువన్తి తే ॥ ౬॥
మాహాత్మ్యం యస్య సర్వే అపి వదన్తి నిగమాగమాః ।
నృసింహః సర్వజగతాం కర్తా భోక్తా న చాపరః ॥ ౭॥
నృసింహో జగతాం హేతుః బహిర్యాయా అవలమ్బనః ।
మాయయా వేదితాత్మా చ సుదర్శనసమాక్షరః ॥ ౮॥
వాసుదేవో మయాతీతో నారాయణసమప్రభ ।
నిర్మలో నిరహఙ్కారో నిర్మాల్యో యో నిరఞ్జనః ॥ ౯॥
సర్వేశాం చాపి భూతానాం హృదయామ్భోజవాసకః ।
అతిశ్రేష్ఠః సదానన్దో నిర్వికారో మహామతిః ॥ ౧౦॥
చరాచరస్వరూపీ చ చరాచరనియామకః ।
సర్వేశ్వరః సర్వకర్తా సర్వాత్మా సర్వగోచరః ॥ ౧౧॥
నృసింహ ఏవ యః సాక్షాత్ ప్రత్యగాత్మా న సంశయః ।
కేచిన్మూఢా వదన్త్యేవమవతారమనీశ్వరమ్ ॥ ౧౨॥
నృసింహ పరమాత్మానం సర్వభూతనివాసినమ్ ।
తస్య దర్శనమాత్రేణ సూర్యస్యాలోకవద్భవేత్ ॥ ౧౩॥
సర్వం నృసింహ ఏవేతి సఙ్గ్రహాత్మా సుదుర్లభః ।
నారసింహః పరం దైవం నారసింహో జగద్గురుః ॥ ౧౪॥
నృసింహేతి నృసింహేతి ప్రభాతే యే పఠన్తి చ ।
తేషాం ప్రసన్నో భగవాన్ మోక్షం సమ్యక్ ప్రయచ్ఛతి ॥ ౧౫॥
ఓంకారేభ్యశ్చ పూతాత్మా ఓంకారైక ప్రబోధితః ।
ఓంకారో మన్త్రరాజశ్చ లోకే మోక్షప్రదాయకః ॥ ౧౬॥
నృసింహభక్తా యే లోకే నిర్భయా నిర్వికారకాః ।
తేశాం దర్శనమాత్రేణ సర్వపాపైః ప్రముచ్యతే ॥ ౧౭॥
సకారో జీవవాచీ స్యాదికారః పరమేశ్వరః ।
హకారాకారయోరైక్యం మహావాక్యం తతో భవేత్ ॥ ౧౮॥
ఓంకారజా ప్రేతముక్తిః కాశ్యాం మరణం తథా ।
నృసింహ స్మరణాదేవ ముక్తిర్భవతి నాన్యథా ॥ ౧౯॥
తస్మాత్సర్వప్రయత్నేన మన్త్రరాజమితి ధ్రువమ్ ।
సర్వేషాం చాపి వేదానాం దేవతానాం తథైవ చ ॥ ౨౦॥
సర్వేషాం చాపి శాస్త్రాణాం తాత్పర్యం నృహరౌ హరౌ ।
శ్రీరామతాపనీయస్య గోపాలస్యాపి తాపినః ॥ ౨౧॥
నృసింహతాపనీయస్య కలాం నార్హతి శోడశీమ్ ।
శ్రీమన్ మన్త్రమహారాజ నృసింహస్య ప్రసాదతః ॥ ౨౨॥
శ్రీనృసింహో నమస్తుభ్యం శ్రీనృసింహః ప్రసీద మే ।
నృసింహో భగవాన్మాతా శ్రీనృసింహః పితా మమ ॥ ౨౩॥
నృసింహో మమ పుత్రశ్చ నరకాత్త్రాయతే యతః ।
సర్వదేవాత్మకో యశ్చ నృసింహః పరికీర్తితః ॥ ౨౪॥
అశ్వమేధసహస్రాణి వా జపేయ శతాని చ ।
కాశీ రామేశ్వరాదీని ఫలాన్యపి నిశమ్య చ ॥ ౨౫॥
యావత్ఫలం సమాప్నోతి తావదాప్నోతి మన్త్రతః ।
శణ్ణవత్యశ్చ కరణీ యావతీ తృప్తిరిష్యతే ॥ ౨౬॥
పితౄణాం తావతీ ప్రీతిః మన్త్రరాజస్య జాయతే ।
అపుత్రస్య గతిర్నాస్తి ఇతి స్మృత్యా యదీరితమ్ ॥ ౨౭॥
తత్తు లక్ష్మీనృసింహస్య భక్తిమాత్రావగోచరమ్ ।
సర్వాణి తర్కమీమాంసా శాస్త్రాణి పరిహాయ వై ॥ ౨౮॥
నృసింహ స్మరణాల్లోకే తారకం భవతారకమ్ ।
అపార భవవారాబ్ధౌ సతతం పతతాం నృణామ్ ॥ ౨౯॥
నృసింహ మన్త్రరాజోఽయం నావికో భాష్యతే బుధైః ।
యమపాశేన బద్ధానాం పఙ్గుం వై తిష్ఠతాం నృణామ్ ॥ ౩౦॥
నృసింహ మన్త్రరాజోఽయం ఋషయః పరికీర్తితః ।
భవసర్పేణ దంష్ట్రాణాం వివేకగత చేతసామ్ ॥ ౩౧॥
నృసింహ మన్త్రరాజోఽయం గారుడోమన్త్ర ఉచ్యతే ।
అజ్ఞానతమసాం నృణామన్ధవద్భ్రాన్తచక్షుషామ్ ॥ ౩౨॥
నృసింహమన్త్రరాజోఽయం ప్రయాసం పరికీర్తితః ।
తాపత్రయాగ్ని దగ్ధానాం ఛాయా సంశ్రయమిచ్ఛతామ్ ॥ ౩౩॥
నృసింహమన్త్రరాజశ్చ భక్తమానసపఞ్జరమ్ ।
నృసింహో భాస్కరో భూత్వా ప్రకాశయతి మన్దిరమ్ ॥ ౩౪॥
వేదాన్తవన మధ్యస్థా హరిణీ మృగ ఇష్యతే ।
నృసింహ నీలమేఘస్య సన్దర్శన విశేషతః ॥ ౩౫॥
మయూరా భక్తిమన్తశ్చ నృత్యన్తి ప్రీతిపూర్వకమ్ ।
అన్యత్ర నిర్గతా వాలా మాతరం పరిలోకయ ॥ ౩౬॥
యథా యథా హి తుష్యన్తే నృసింహస్యావలోకనాత్ ।
శ్రీమన్ నృసింహ పాదాబ్జం నత్వారఙ్గ ప్రవేశితా ॥ ౩౭॥
మదీయ బుద్ధివనితా నటీ నృత్యతి సున్దరీ ।
శ్రీమన్ నృసింహ పాదాబ్జ మధుపీత్వా మదోన్మదః ॥ ౩౮॥
మదీయా బుద్ధిమాలోక్య మూఢా నిన్దన్తి మాధవమ్ ।
శ్రీమన్ నృసింహపాదాబ్జరేణుం విధిసుభక్షణమ్ ॥ ౪౦॥
మదీయచిత్తహంసోఽయం మనోవశ్యం న యాతి మే ।
శ్రీనృసింహః పితా మహ్యం మాతా చ నరకేసరీ ॥ ౪౧॥
వర్తతే తాభువౌ నిత్యం రౌవహం పరియామి వై ।
సత్యం సత్యం పునః సత్యం నృసింహః శరణం మమ ॥ ౪౨॥
అహోభాగ్యం అహోభాగ్యం నారసింహో గతిర్మమ ।
శ్రీమన్ నృసింహ పాదాబ్జ ద్వన్ద్వం మే హృదయే సదా ॥ ౪౩॥
వర్తతాం వర్తతాం నిత్యం దృఢభక్తిం ప్రయచ్ఛ మే ।
నృసింహ తుష్టో భక్తోఽయం భుక్తిం ముక్తిం ప్రయచ్ఛతి ॥ ౪౪॥
నృసింహహృదయం యస్తు పఠేన్నిత్యం సమాహితః ।
నృసింహత్వం సమాప్నోతి నృసింహః సంప్రసీదతి ॥ ౪౫॥
త్రిసన్ధ్యం యః పఠేన్నిత్యం మన్దవారే విషేశతః ।
రాజద్వారే సభాస్థానే సర్వత్ర విజయీ భవేత్ ॥ ౪౬॥
యం యం చిన్తయతే కామం తం తం ప్రాప్నోతి నిశ్చితమ్ ।
ఇహ లోకే శుభాన్ కామాన్ పరత్ర చ పరాఙ్గితమ్ ॥ ౪౭॥
॥ ఇతి భవిష్యోత్తరపురాణే ప్రహ్లాదకథితం
శ్రీలక్ష్మీనృసింహహృదయస్తోత్రం సమ్పూర్ణమ్ ॥
Comments
Post a Comment