Srinivasa stotram Telugu lyrics శ్రీనివాస స్తోత్రం (తొండమాన్ కృతం)

శ్రీనివాస స్తోత్రం (తొండమాన్ కృతం)

 ఓం

దర్శనాత్తవ గోవిన్ద నాధికం వర్ధతే హరే ।

త్వాం భజన్తి సురాధ్యక్షం వేదవేద్యం పురాతనమ్ ॥ ౧॥

మునయో మనుజశ్రేష్ఠాః తచ్ఛ్రుత్వాహమిహాగతః ।

స్వామిన్నచ్యుత గోవిన్ద పురాణపురుషోత్తమ ॥ ౨॥

అపాకృతశరీరోఽసి లీలామానుషవిగ్రహః ।

త్వామేవ సృష్టికరణే పాలనే హరణే హరే ॥ ౩॥

కారణం ప్రకృతిర్యోనీం వదన్తి చ మనీషిణః ।

జగదేకార్ణవం కృత్వా భవానేకత్వమాప్య చ ॥ ౪॥

జీవకోటిధనం దేవ జఠరే పరిపూరయన్ ।

క్రీడతే రమయా సార్ధం రమణీయాఙ్గవిక్రమః ॥ ౫॥

సహస్రశీర్షా పురుషః సహస్రాక్షః సహస్రపాత్ ।

త్వన్ముఖాత్ విప్రనిచయో బాహుభ్యాం క్షత్రమణ్డలమ్ ॥ ౬॥

ఊరుభ్యామభవన్వైశ్యాః  పద్భ్యాం శుద్రాః ప్రకీర్తితాః ।

ప్రభుత్వం సర్వలోకానాం దేవానామపి యోగినాం ॥ ౭॥

అన్తర్దృష్టితరస్త్వం హి బహిర్దృష్టికరో భవాన్ ।

నమః శ్రీవేఙ్కటేశాయ నమో బ్రహ్మోదరాయ చ ॥ ౮॥

నమో నాథాయ కాన్తాయ రమాయాః పుణ్యమూర్తయే ।

నమః శాన్తాయ కృష్ణాయ నమస్తేఽద్భుతకర్మణే ॥ ౯॥

అపాకృతశరీరాయ శ్రీనివాసాయ తే నమః ।

అనన్తమూర్తయే నిత్యమనన్తశిరసే నమః ॥ ౧౦॥

అనన్తబాహవే శ్రీమన్ అనన్తాయ నమో నమః ।

సరీసృపగిరీశాయ పరబహ్మ నమో నమః ॥ ౧౧॥

పన్నగాచలవాసాయ పరబహ్మ నమో నమః ।

ఇతి స్తుత్వా శ్రీనివాసం కమనీయకలేవరమ్ ॥ ౧౨॥

స్తోత్రేణానేన సుప్రీతః తోణ్డమానకృతేన చ ।

సన్తుష్టః ప్రాహ గోవిన్దః శ్రీమన్తం దాససత్తమమ్ ॥ ౧౩॥

శ్రీనివాస ఉవాచ -

రాజన్మే మఙ్గలస్తోత్రం కృతం పరమపావనమ్  ।

అనేన స్తవరాజేన మామర్చయన్తి యే జనాః ॥ ౧౪॥

తేషాం తు మమ సాలోక్యం భవిష్యతి న సంశయః ।

ఇతి తోణ్డామనవిరచితం శ్రీనివాసస్తోత్రం సమ్పూర్ణమ్

All copyrights reserved 2012 digital media act