శ్రీరామ రక్షా స్తోత్రం (పద్మ మహ పురాణం) srirama raksha stotram
శ్రీరామ రక్షా స్తోత్రం (పద్మ మహ పురాణం)
ఇదం పవిత్రం పరమం భక్తానాం వల్లభం సదా ।
ధ్యేయం హి దాసభావేన భక్తిభావేన చేతసా ॥
పరం సహస్రనామాఖ్యమ్ యే పఠన్తి మనీషిణః ।
సర్వపాపవినిర్ముక్తాః తే యాన్తి హరిసన్నిధౌ ॥
మహాదేవ ఉవాచ ।
శృణు దేవి ప్రవక్ష్యామి మాహాత్మ్యం కేశవస్య తు ।
యే శృణ్వన్తి నరశ్రేష్ఠాః తే పుణ్యాః పుణ్యరూపిణః ॥
ఓం రామరక్షాస్తోత్రస్య శ్రీమహర్షిర్విశ్వామిత్రఋషిః ।
శ్రీరామోదేవతా । అనుష్టుప్ ఛన్దః ।
విష్ణుప్రీత్యర్థే జపే వినియోగః ॥ ౧॥
అతసీ పుష్పసఙ్కాశం పీతవాస సమచ్యుతమ్ ।
ధ్యాత్వా వై పుణ్డరీకాక్షం శ్రీరామం విష్ణుమవ్యయమ్ ॥ ౨॥
పాతువో హృదయం రామః శ్రీకణ్ఠః కణ్ఠమేవ చ ।
నాభిం పాతు మఖత్రాతా కటిం మే విశ్వరక్షకః ॥ ౩॥
కరౌ పాతు దాశరథిః పాదౌ మే విశ్వరూపధృక్ ।
చక్షుషీ పాతు వై దేవ సీతాపతిరనుత్తమః ॥ ౪॥
శిఖాం మే పాతు విశ్వాత్మా కర్ణౌ మే పాతు కామదః ।
పార్శ్వయోస్తు సురత్రాతా కాలకోటి దురాసదః ॥ ౫॥
అనన్తః సర్వదా పాతు శరీరం విశ్వనాయకః ।
జిహ్వాం మే పాతు పాపఘ్నో లోకశిక్షాప్రవర్త్తకః ॥ ౬॥
రాఘవః పాతు మే దన్తాన్ కేశాన్ రక్షతు కేశవః ।
సక్థినీ పాతు మే దత్తవిజయోనామ విశ్వసృక్ ॥ ౭॥
ఏతాం రామబలోపేతాం రక్షాం యో వై పుమాన్ పఠేత్ ।
సచిరాయుః సుఖీ విద్వాన్ లభతే దివ్యసమ్పదామ్ ॥ ౮॥
రక్షాం కరోతి భూతేభ్యః సదా రక్షతు వైష్ణవీ ।
రామేతి రామభద్రేతి రామచన్ద్రేతి యః స్మరేత్ ॥ ౯॥
విముక్తః స నరః పాపాన్ ముక్తిం ప్రాప్నోతి శాశ్వతీమ్ ।
వసిష్ఠేన ఇదం ప్రోక్తం గురవే విష్ణురూపిణే ॥ ౧౦॥
తతో మే బ్రహ్మణః ప్రాప్తం మయోక్తం నారదం ప్రతి ।
నారదేన తు భూర్లోకే ప్రాపితం సుజనేష్విహ ॥ ౧౧॥
సుప్త్వా వాఽథ గృహేవాపి మార్గే గచ్ఛేత ఏవ వా ।
యే పఠన్తి నరశ్రేష్ఠః తే నరాః పుణ్యభాగినః ॥ ౧౨॥
ఇతి శ్రీపాద్మేమహాపురాణే పఞ్చపఞ్చాశత్సాహస్త్ర్యాం
సంహితాయాముత్తరఖణ్డే ఉమాపతినారదసంవాదే
రామరక్షాస్తోత్రం నామత్రిసప్తతితమోఽధ్యాయః
All copyrights reserved 2012 digital media act
Comments
Post a Comment