వాల్మీకి కృత గణేశాష్టకం Valmiki krutha Ganesha ashtakam

వాల్మీకి కృత గణేశాష్టకం

 చతుఃషష్టికోట్యాఖ్యవిద్యాప్రదం త్వాం సురాచార్యవిద్యాప్రదానాపదానమ్ ।

కఠాభీష్టవిద్యార్పకం దన్తయుగ్మం కవిం బుద్ధినాథం కవీనాం నమామి ॥ ౧॥

స్వనాథం ప్రధానం మహావిఘ్ననాథం నిజేచ్ఛావిసృష్టాణ్డవృన్దేశనాథమ్ ।

ప్రభు దక్షిణాస్యస్య విద్యాప్రదం త్వాం కవిం బుద్ధినాథం కవీనాం నమామి ॥ ౨॥

విభో వ్యాసశిష్యాదివిద్యావిశిష్టప్రియానేకవిద్యాప్రదాతారమాద్యమ్ ।

మహాశాక్తదీక్షాగురుం శ్రేష్ఠదం త్వాం కవిం బుద్ధినాథం కవీనాం నమామి ॥ ౩॥

విధాత్రే త్రయీముఖ్యవేదాంశ్చ యోగం మహావిష్ణవే చాగమాఞ్ శఙ్కరాయ ।

దిశన్తం చ సూర్యాయ విద్యారహస్యం కవిం బుద్ధినాథం కవీనాం నమామి ॥ ౪॥

మహాబుద్ధిపుత్రాయ చైకం పురాణం దిశన్తం గజాస్యస్య మాహాత్మ్యయుక్తమ్ ।

నిజజ్ఞానశక్త్యా సమేతం పురాణం కవిం బుద్ధినాథం కవీనాం నమామి ॥ ౫॥

త్రయీశీర్షసారం రుచానేకమారం రమాబుద్ధిదారం పరం బ్రహ్మపారమ్ ।

సురస్తోమకాయం గణౌఘాధినాథం కవిం బుద్ధినాథం కవీనాం నమామి ॥ ౬॥

చిదానన్దరూపం మునిధ్యేయరూపం గుణాతీతమీశం సురేశం గణేశమ్ ।

ధరానన్దలోకాదివాసప్రియం త్వాం కవిం బుద్ధినాథం కవీనాం నమామి ॥ ౭॥

అనేకప్రతారం సురక్తాబ్జహారం పరం నిర్గుణం విశ్వసద్బ్రహ్మరూపమ్ ।

మహావాక్యసన్దోహతాత్పర్యమూర్తిం కవిం బుద్ధినాథం కవీనాం నమామి ॥ ౮॥

ఇదం యే తు కవ్యష్టకం భక్తియుక్తాత్రిసన్ధ్యం పఠన్తే గజాస్యం స్మరన్తః ।

కవిత్వం సువాక్యార్థమత్యద్భుతం తే లభన్తే ప్రసాదాద్ గణేశస్య ముక్తిమ్ ॥ ౯॥

ఇతి వాల్మీకికృతం గణేశస్తవం సమాప్తమ్

All copyrights reserved 2012 digital media act