యోగశాన్తిప్రద గణాదీశ స్తోత్రం (ముద్గల పురాణం) yoga santhi pradha ganadeesa stotram

యోగశాన్తిప్రద గణాదీశ స్తోత్రం (ముద్గల పురాణం)

 శ్రీగణేశాయ నమః ।

కర్దమ ఉవాచ ।

కేనోపాయేన భో వత్స యోగశాన్తిః ప్రలభ్యతే ।

తదర్థం పూజనీయం కిం తద్వదస్వ జనార్దన ॥ ౧॥

కపిల ఉవాచ ।

గణేశభజనం ముఖ్యం శాన్తియోగప్రదం మతమ్ ।

యోగాకారస్వరూపం తం బ్రహ్మేశం భజ మానద ॥ ౨॥

సర్వాదిః సర్వపూజ్యోఽయం సర్వాధారో మహామునే ।

య ఆదిః ప్రలయాన్తే స తిష్ఠతి శాస్త్రసంమతమ్ ॥ ౩॥

జ్యేష్ఠరాజం గణేశానం వేదేషు ప్రవదన్తి తమ్ ।

గణాః సమూహరూపాశ్చ తేషాం స్వామీ ప్రకథ్యతే ॥ ౪॥

నానాజగత్స్వరూపం వైదేహరూపం కృతం మునే ।

నానాబ్రహ్మమయం తేన శిరః కృతం మహాత్మనా ॥ ౫॥

యస్మాజ్జాతమిదం యత్ర హ్యన్తే గచ్ఛతి మహామతే ।

తద్వేదే గజశబ్దాఖ్యం శిరస్తేన గజాననః ॥ ౬॥

త్రివిధం భేదయుక్తం యదఖణ్డం వై తురీయకమ్ ।

తయోర్యోగే గణేశోఽయం దేహమస్తకయోర్గతః ॥ ౭॥

చిత్తం పఞ్చవిధం ప్రోక్తం తత్ర మోహశ్చ పఞ్చధా ।

మోహరూపా మహాసిద్ధిర్బుద్ధిశ్చ మోహధారకా ॥ ౮॥

తయోః స్వామీ గణాధీశశ్చిత్తే నిత్యం ప్రతిష్ఠితః ।

చిన్తామణిర్మహాభాగో లభ్యతే యోగసేవయా ॥ ౯॥

పఞ్చధా చిత్తముత్సృజ్య తదైశ్చర్యం తథైవ చ ।

యోగః శాన్తిమయః సద్యః ప్రాప్యతే బ్రహ్మణస్పతిః ॥ ౧౦॥

తస్మాత్తం భజ మన్త్రేణైకాక్షరేణ మహామునే ।

తేన తుష్టో గణేశానో యోగం దాస్యతి శాన్తిదమ్ ॥ ౧౧॥

ఇతి ముద్గలపురాణాన్తర్గతం శ్రీగణాధీశస్తోత్రం సమాప్తమ్ 

All copyrights reserved 2012 digital media act