బాలా కవచం (సిద్దయామలా అంతర్గత) Bala kavacham

బాలా కవచం (సిద్దయామలా అంతర్గత)

 వాగ్భవః పాతు శిరసి కామరాజః సదా హృది ।

శక్తిబీజం సదా పాతు నాభౌ గుహ్యే చ పాదయోః ॥ ౧॥

ఐం క్లీం సీః వదనే పాతు బాలా సర్వార్థసిద్ధయే ।

జిహ్వాం పాతు మహాహంసీ స్కన్ధదేశే తు భైరవీ ॥ ౨॥

సున్దరీ నాభిదేశం తు శిరసి కమలా సదా ।

భ్రువౌ నాసాద్వయం పాతు మహాత్రిపురసున్దరీ ॥ ౩॥

లలాటే సుభగా పాతు కణ్ఠదేశే తు మాలినీ ।

వాగ్భవం పాతు హృదయే ఉదరే భగసర్పిణీ ॥ ౪॥

భగమాలినీ నాభిదేశే లిఙ్గే పాతు మనోభవా ।

గుహ్యే పాతు మహాదేవీ రాజరాజేశ్వరీ శివా ॥ ౫॥

చైతన్యరూపిణీ పాతు పాదయోర్జగదమ్బికా ।

నారాయణీ సర్వగాత్రే సర్వకాలే శివఙ్కరీ ॥ ౬॥

బ్రహ్మాణీ పాతు మాం పూర్వే దక్షిణే పాతు వైష్ణవీ ।

పశ్చిమే పాతు వారాహీ ఉత్తరే తు మహేశ్వరీ ॥ ౭॥

ఆగ్నేయ్యాం పాతు కౌమారీ మహాలక్ష్మీస్తు నైరృతే ।

వాయవ్యాం పాతు చాముణ్డా ఇన్ద్రాణీ పాతు ఈశకే ॥ ౮॥

ఆకాశే చ మహామాయా పృథివ్యాం సర్వమఙ్గలా ।

ఆత్మానం పాతు వరదా సర్వాఙ్గే భువనేశ్వరీ ॥ ౯॥

ఇతి సిద్ధయామలాన్తర్గతం శ్రీబాలాకవచం సమ్పూర్ణమ్ 

All copyrights reserved 2012 digital media act