బాలా త్రిపుర సుందరీ అష్టోత్తర శతనామ స్తోత్రం (రుద్ర యామాళ తంత్రే) Bala tripura sundari ashtottara Shatanama stotram
బాలా త్రిపుర సుందరీ అష్టోత్తర శతనామ స్తోత్రం (రుద్ర యామాళ తంత్రే)
అస్య శ్రీబాలాత్రిపురసున్దర్యష్టోత్తరశతనామస్తోత్రమహామన్త్రస్య
దక్షిణామూర్తిః ఋషిః । అనుష్టుప్ ఛన్దః । శ్రీ బాలాత్రిపురసున్దరీ దేవతా ।
ఐం బీజమ్ । సౌః శక్తిః । క్లీం కీలకమ్ ।
శ్రీబాలాత్రిపురసున్దరీప్రసాదసిద్‍ధ్యర్థే నామపారాయణే వినియోగః ।
ఓం ఐం అఙ్గుష్ఠాభ్యాం నమః । క్లీం తర్జనీభ్యాం నమః ।
సౌః మధ్యమాభ్యాం నమః । ఐం అనామికాభ్యాం నమః ।
క్లీం కనిష్ఠికాభ్యాం నమః । సౌః కరతలకరపృష్ఠాభ్యాం నమః ।
ఐం హృదయాయ నమః । క్లీం శిరసే స్వాహా । సౌః శిఖాయై వషట్ ।
ఐం కవచాయ హుమ్ । క్లీం నేత్రత్రయాయ వౌషట్ । సౌః అస్త్రాయ ఫట్ ।
భూర్భువస్సువరోం ఇతి దిగ్బన్ధః ।
ధ్యానమ్-
పాశాఙ్కుశే పుస్తకాక్షసూత్రే చ దధతీ కరైః ।
రక్తా త్ర్యక్షా చన్ద్రఫాలా పాతు బాలా సురార్చితా ॥
లమిత్యాది పఞ్చపూజా \-
లం పృథివ్యాత్మికాయై గన్ధం సమర్పయామి ।
హం ఆకాశాత్మికాయై పుష్పాణి సమర్పయామి ।
యం వాయ్వాత్మికాయై ధూపమాఘ్రాపయామి ।
రం అగ్న్యాత్మికాయై దీపం దర్శయామి ।
వం అమృతాత్మికాయై అమృతోపహారం నివేదయామి ।
సం సర్వాత్మికాయై సర్వోపచారపూజాః సమర్పయామి ॥
అథ శ్రీ బాలా అష్టోత్తర శతనామస్తోత్రమ్ ।
ఓం కల్యాణీ త్రిపురా బాలా మాయా త్రిపురసున్దరీ ।
సున్దరీ సౌభాగ్యవతీ క్లీఙ్కారీ సర్వమఙ్గలా ॥ ౧॥
హ్రీఙ్కారీ స్కన్దజననీ పరా పఞ్చదశాక్షరీ ।
త్రిలోకీ మోహనాధీశా సర్వేశీ సర్వరూపిణీ ॥ ౨॥
సర్వసంక్షోభిణీ పూర్ణా నవముద్రేశ్వరీ శివా ।
అనఙ్గకుసుమా ఖ్యాతా అనఙ్గా భువనేశ్వరీ ॥ ౩॥
జప్యా స్తవ్యా శ్రుతిర్నితా నిత్యక్లిన్నాఽమృతోద్భవా ।
మోహినీ పరమాఽఽనన్దా కామేశతరుణా కలా ॥ ౪॥
కలావతీ భగవతీ పద్మరాగకిరీటినీ ।
సౌగన్ధినీ సరిద్వేణీ మన్త్రిణి మన్త్రరూపిణి ॥ ౫॥
తత్త్వత్రయీ తత్త్వమయీ సిద్ధా త్రిపురవాసినీ ।
శ్రీర్మతిశ్చ మహాదేవీ కౌలినీ పరదేవతా ॥ ౬॥
కైవల్యరేఖా వశినీ సర్వేశీ సర్వమాతృకా ।
విష్ణుస్వసా దేవమాతా సర్వసమ్పత్ప్రదాయినీ ॥ ౭॥
కిఙ్కరీ మాతా గీర్వాణీ సురాపానానుమోదినీ ।
ఆధారాహితపత్నీకా స్వాధిష్ఠానసమాశ్రయా ॥ ౮॥
అనాహతాబ్జనిలయా మణిపూరాసమాశ్రయా ।
ఆజ్ఞా పద్మాసనాసీనా విశుద్ధస్థలసంస్థితా ॥ ౯॥
అష్టాత్రింశత్కలామూర్తి స్సుషుమ్నా చారుమధ్యమా ।
యోగేశ్వరీ మునిధ్యేయా పరబ్రహ్మస్వరూపిణీ ॥ ౧౦॥
చతుర్భుజా చన్ద్రచూడా పురాణాగమరూపినీ ।
ఐంకారాదిర్మహావిద్యా పఞ్చప్రణవరూపిణీ ॥ ౧౧॥
భూతేశ్వరీ భూతమయీ పఞ్చాశద్వర్ణరూపిణీ ।
షోఢాన్యాస మహాభూషా కామాక్షీ దశమాతృకా ॥ ౧౨॥
ఆధారశక్తిః తరుణీ లక్ష్మీః త్రిపురభైరవీ ।
శామ్భవీ సచ్చిదానన్దా సచ్చిదానన్దరూపిణీ ॥ ౧౩॥
మాఙ్గల్య దాయినీ మాన్యా సర్వమఙ్గలకారిణీ ।
యోగలక్ష్మీః భోగలక్ష్మీః రాజ్యలక్ష్మీః త్రికోణగా ॥ ౧౪॥
సర్వసౌభాగ్యసమ్పన్నా సర్వసమ్పత్తిదాయినీ ।
నవకోణపురావాసా బిన్దుత్రయసమన్వితా ॥ ౧౫॥
నామ్నామష్టోత్తరశతం పఠేన్న్యాససమన్వితం ।
సర్వసిద్ధిమవాప్నోతీ సాధకోభీష్టమాప్నుయాత్ ॥ ౧౬॥
ఇతి శ్రీ రుద్రయామలతన్త్రే ఉమామహేశ్వరసంవాదే
శ్రీ బాలా అష్టోత్తర శతనామస్తోత్రమ్ సమ్పూర్ణమ్
All copyrights reserved 2012 digital media act
Comments
Post a Comment