మార్తాండభైరవ స్తోత్రం martanda bhairava stotram
మార్తాండభైరవ స్తోత్రం
భైరవా ఊచుః -
నమో మార్తాణ్డనాథాయ స్థాణవే పరమాత్మనే ।
భైరవాయ సుభీమాయ త్రిధామ్నేశ నమో నమః ॥ ౧॥
మృతోద్ధారణదక్షాయ గర్భోద్ధరణహేతవే ।
తేజసాం కేతవే తుభ్యం హేతవే జగతామపి ॥ ౨॥
హిరణ్యగర్భరూపాయ ధీప్రణోదాయ తే నమః ।
ఓఙ్కారవ్యాహృతిస్థాయ మహావీరాయ తే నమః ॥ ౩॥
వీరేశాయ నమస్తుభ్యం క్షేత్రేశాయ నమో నమః ।
వేదార్థాయ చ వేదాయ వేదగర్భాయ శమ్భవే ॥ ౪॥
విశ్వామిత్రాయ సూర్యాయ సూరయే పరమాత్మనే ।
మహాభైరవరూపాయ భైరవానన్దదాయినే ॥ ౫॥
ద్వివిధధ్వాన్తధ్వంసాయ మహామోహవినాశినే ।
మాయాన్ధకారనాశాయ చక్షుస్తిమిరభఞ్జినే ॥ ౬॥
మన్త్రాయ మన్త్రరూపాయ మన్త్రాక్షరవిచారిణే ।
మన్త్రవాచ్యాయ దేవాయ మహామన్త్రార్థదాయినే ॥ ౭॥
యన్త్రాయ యన్త్రరూపాయ యన్త్రస్థాయ యమాయ తే ।
యన్త్రైర్నియన్త్రైర్నియమైర్యమినాం ఫలదాయ చ ॥ ౮॥
అజ్ఞానతిమిరధ్వంసకారిణే క్లేశహారిణే ।
మహాపాతకహర్త్రే చ మహాభయవినాశినే ॥ ౯॥
భయదాయ సుశీలాయ భయానకరవాయ తే ।
బీభత్సాయ చ రౌద్రాయ భీతాభయప్రదాయినే ॥ ౧౦॥
తేజస్వితేజోరూపాయ చణ్డాయోగ్రాయ తే నమః ।
బీజాయ బీజరూపాయ బీజభర్గాయ తే నమః ॥ ౧౧॥
క్రోధభర్గాయ దేవాయ లోభభర్గాయ తే నమః ।
మహాభర్గాయ వై తుభ్యం జ్ఞానభర్గాయ తే నమః ॥ ౧౨॥
ఘోరభర్గాయ తే తుభ్యం భీతిభర్గాయ తే నమః ।
సుశోకాయ విశోకాయ జ్ఞానభర్గాయ తే నమః ॥ ౧౩॥
తత్త్వభర్గాయ దేవాయ మనోభర్గాయ వై నమః ।
దారిద్ర్యదుఃఖభర్గయ కామభర్గాయ తే నమః ॥ ౧౪॥
హింసాభర్గాయ తామిస్రభర్గాయ జగదాత్మనే ।
అతిదుర్వాసనాభర్గ నమస్తే భైరవాత్మనే ॥ ౧౫॥
ధ్యాయన్తే యం భర్గ ఇతి భర్గభర్గాయ తే నమః ।
రోగభర్గాయ దేవాయ పాపభర్గాయ తే నమః ॥ ౧౬॥
మహాపాతకభర్గాయ హ్యుపపాతకభర్గిణే ।
మహానిరయభర్గాయ నృత్తభర్గాయ తే నమః ॥ ౧౭॥
క్లేశభర్గాయ దేవాయ భౌతికఘ్నాయ తే నమః ।
మృత్యుభర్గాయ దేవాయ దుర్గభర్గాయ తే నమః ॥ ౧౮॥
ధ్యానాద్ధ్యాయన్తి యద్భర్గం యమినః సంయతేన్ద్రియాః ।
నాథాయ భర్గనాథాయ భర్గాయ సతతం నమః ॥ ౧౯॥
వీరవీరేశ దేవేశ నమస్తేఽస్తు త్రిధామక ।
మహామార్తాణ్డ వరద సర్వాభయవరప్రద ॥ ౨౦॥
నమో వీరాధివీరేశ సూర్యచన్ద్రాతిధామక ।
అగ్నిధామాతిధామ్నే చ మహామార్తాణ్డ తే నమః ॥ ౨౧॥
వీరాతివీర వీరేశ ఘోరఘోరార్తిఘోరక ।
మహామార్తాణ్డదేవేశ భూయో భూయో నమో నమః ॥ ౨౨॥
ఇతి శ్రీమార్తణ్డభైరవస్తోత్రం సమ్పూర్ణమ్ ।
All copyrights reserved 2012 digital media act
Comments
Post a Comment