నృసింహ అష్టోత్తర శతనామ స్తోత్రం nrusimha ashtottara Shatanama stotram

నృసింహ అష్టోత్తర శతనామ స్తోత్రం

 శ్రీనృసింహో మహాసింహో దివ్యసింహో మహాబలః

ఉగ్రసింహో మహాదేవ ఉపేన్ద్రశ్చాఽగ్నిలోచనః ॥ ౧॥

రౌద్రశ్శౌరిర్మహావీరస్సువిక్రమ-పరాక్రమః ।

హరికోలాహలశ్చక్రీ విజయశ్చాజయోఽవ్యయః ॥ ౨॥

దైత్యాన్తకః పరబ్రహ్మాప్యఘోరో ఘోరవిక్రమః ।

జ్వాలాముఖో జ్వాలమాలీ మహాజ్వాలో మహాప్రభుః ॥ ౩॥

నిటిలాక్షః సహస్రాక్షో దుర్నిరీక్ష్యః ప్రతాపనః ।

మహాదంష్ట్రాయుధః ప్రాజ్ఞో హిరణ్యకనిషూధనః ॥ ౪॥

చణ్డకోపీ సురారిఘ్నస్సదార్తిఘ్న-సదాశివః ।

గుణభద్రో మహాభద్రో బలభద్రస్సుభద్రకః ॥ ౫॥

కరాళో వికరాళశ్చ గతాయుస్సర్వకర్తృకః ।

భైరవాడంబరో దివ్యశ్చాగమ్యస్సర్వశత్రుజిత్ ॥ ౬॥

అమోఘాస్త్రశ్శస్త్రధరః సవ్యజూటస్సురేశ్వరః ।

సహస్రబాహుర్వజ్రనఖస్సర్వసిద్ధిర్జనార్దనః ॥ ౭॥

అనన్తో భగవాన్ స్థూలశ్చాగమ్యశ్చ పరావరః ।

సర్వమన్త్రైకరూపశ్చ సర్వయన్త్రవిధారణః ॥ ౮॥

అవ్యయః పరమానన్దః కాలజిత్ ఖగవాహనః ।

భక్తాతివత్సలోఽవ్యక్తస్సువ్యక్తస్సులభశ్శుచిః ॥ ౯॥

లోకైకనాయకస్సర్వశ్శరణాగతవత్సలః ।

ధీరో ధరశ్చ సర్వజ్ఞో భీమో భీమపరాక్రమః ॥ ౧౦॥

దేవప్రియో నుతః పూజ్యో భవహృత్ పరమేశ్వరః ।

శ్రీవత్సవక్షాః శ్రీవాసో విభుస్సఙ్కర్షణః ప్రభుః ॥ ౧౧॥

త్రివిక్రమస్త్రిలోకాత్మా కామస్సర్వేశ్వరేశ్వరః ।

విశ్వంభరః స్థిరాభశ్చాఽచ్యుతః పురుషోత్తమః ॥ ౧౨॥

అధోక్షజోఽక్షయస్సేవ్యో వనమాలీ ప్రకంపనః ।

గురుర్లోకగురుస్స్రష్టా పరంజ్యోతిః పరాయణః ॥ ౧౩॥

జ్వాలాహోబిలమాలోల-క్రోడాకారఞ్జభార్గవాః ।

యోగనన్దశ్చత్రవటః పావనో నవమూర్తయః ॥ ౧౪॥

 ॥ శ్రీ నృసింహాష్టోత్తరశతనామస్తోత్రం సంపూర్ణమ్ ॥