శ్రీలక్ష్మీ నృసింహ మంగళ స్తోత్రం srilakshmi nrusimha mangala stotram

శ్రీలక్ష్మీ నృసింహ మంగళ స్తోత్రం srilakshmi nrusimha mangala stotram

 ఘటికాచల శృంగాగ్ర విమానోదర వాసినే 

నిఖిలామర సేవ్యాయ నరసింహాయ మంగలం  1

ఉదీచీరంగ-నివసత్సుమనస్తోమ సూక్తిభిః 

నిత్యాభివృద్ధ యశసే నరసింహాయ మంగలం  2

సుధావల్లీ-పరిష్వంగ-సురభీకృత-వక్షసే 

ఘటికాద్రి-నివాసాయ శ్రీనృసింహాయ మంగలం  3

సర్వారిష్ట-వినాశాయ సర్వేష్ట-ఫలదాయినే 

ఘటికాద్రి-నివాసాయ శ్రీనృసింహాయ మంగలం  4

మహాగురు మనఃపద్మ మధ్య నిత్య నివాసినే 

భక్తోచితాయ భవతాత్ మంగలం శాశ్వతీ సమాః  5

శ్రీమత్యై విష్ణుచిత్తార్యమనోనందన హేతవే 

నందనందన-సుందర్యై గోదాయై నిత్యమంగలం  6

శ్రీమన్మహాభూతపురే శ్రీమత్కేశవ-యజ్వనః 

కాంతిమత్యాం ప్రసూతాయ యతిరాజాయ మంగలం  7

పాదుకే యతిరాజస్య కథయంతి యదాఖ్యయా

తస్య దాశరథేః పాదౌ శిరసా ధారయామ్యహం  8

శ్రీమతే రమ్యజామాతృ-మునీంద్రాయ మహాత్మనే 

శ్రీరంగవాసినే భూయాత్ నిత్యశ్రీః నిత్యమంగలం  9

సౌమ్యజామాతృ-యోగీంద్ర చరణాంబుజ-షట్పదం 

దేవరాజగురుం వందే దివ్యజ్ఞానప్రదం శుభం  10

వాధూల-శ్రీనివాసార్య-తనయం వినయాధికం 

ప్రజ్ఞానిధిం ప్రపద్యేఽహం శ్రీనివాసమహాగురుం 11

చండమారుత-వేదాంతవిజయాది-స్వసూక్తిభిః 

వేదాంత-రక్షకాయాస్తు మహాచార్యాయ మంగలం  12