స్వర్ణాకర్షణ భైరవ స్తోత్రం (రుద్ర యామాళ తంత్రే) swarnakarshana bhairava stotram
స్వర్ణాకర్షణ భైరవ స్తోత్రం (రుద్ర యామాళ తంత్రే)
ఓం అస్య శ్రీస్వర్ణాకర్షణభైరవస్తోత్రం మన్త్రస్య బహ్మఋషిః
అనుష్టుప్ ఛన్దః శ్రీస్వర్ణాకర్షణభైరవదేవతా
హ్రీం బీజం క్లీం శక్తిః సః కీలకం మమ దారిద్ర్య నాశార్థే పాఠ వినియోగః ।
ఋష్యాదిన్యాసః
బ్రహ్మర్షయే నమః శిరసి ।
అనుష్టుప్ఛన్దసే నమః ముఖే ।
స్వర్ణాకర్షణభైరవాయ నమః హృది ।
హ్రీం బీజాయ నమః గుహ్యే ।
క్లీం శక్తయే నమః పాదయోః ।
సః కీలకాయ నమః నాభౌ ।
వినియోగాయ నమః సర్వాఙ్గే ।
హ్రాం హ్రీం హ్రూం ఇతి కర షడఙ్గన్యాసః ॥
అథ ధ్యానమ్ -
పారిజాత ద్రుమ కాన్తారే స్థితే మాణిక్యమణ్డపే
సింహాసన గతం వన్దే భైరవం స్వర్ణదాయకం
గాఙ్గేయ పాత్రం డమరూం త్రిశూలం వరం కరః సన్దధతం త్రినేత్రం
దేవ్యాయుతం తప్తస్వర్ణవర్ణ స్వర్ణాకర్షణభైరవమాశ్రయామి ॥
మన్త్రః -
ఓం ఐం హ్రీం శ్రీం ఐం శ్రీం ఆపదుద్ధారణాయ హ్రాం హ్రీం హ్రూం
అజామల వద్ధాయ లోకేశ్వరాయ స్వర్ణాకర్షణభైరవాయ
మమ దారిద్ర్య విద్వేషణాయ మహాభైరవాయ నమః శ్రీం హ్రీం ఐమ్ ।
అథ స్తోత్రమ్ -
ఓం నమస్తే భైరవాయ బ్రహ్మవిష్ణుశివాత్మనే ।
నమస్త్రైలోక్య వన్ధ్యాయ వరదాయ వరాత్మనే ॥ ౧॥
రత్నసింహాసనస్థాయ దివ్యాభరణ శోభినే ।
దివ్యమాల్యవిభూషాయ నమస్తే దివ్యమూర్తయే ॥ ౨॥
నమస్తేఽనేక హస్తాయ అనేక శిరసే నమః ।
నమస్తేఽనేక నేత్రాయ అనేక విభవే నమః ॥ ౩॥
నమస్తేఽనేక కణ్ఠాయ అనేకాంసాయ తే నమః ।
నమస్తేఽనేక పార్శ్వాయ నమస్తే దివ్య తేజసే ॥ ౪॥
అనేకాయుధ యుక్తాయ అనేక సుర సేవినే ।
అనేక గుణ యుక్తాయ మహాదేవాయ తే నమః ॥ ౫॥
నమో దారిద్ర్యకాలాయ మహాసమ్పద్ప్రదాయినే ।
శ్రీభైరవీ సంయుక్తాయ త్రిలోకేశాయ తే నమః ॥ ౬॥
దిగమ్బర నమస్తుభ్యం దివ్యాఙ్గాయ నమో నమః ।
నమోఽస్తు దైత్యకాలాయ పాపకాలాయ తే నమః ॥ ౭॥
సర్వజ్ఞాయ నమస్తుభ్యం నమస్తే దివ్యచక్షుషే ।
అజితాయ నమస్తుభ్యం జితమిత్రాయ తే నమః ॥ ౮॥
నమస్తే రుద్రరూపాయ మహావీరాయ తే నమః ।
నమోఽస్త్త్వనన్తవీర్యాయ మహాఘోరాయ తే నమః ॥ ౯॥
నమస్తే ఘోరఘోరాయ విశ్వఘోరాయ తే నమః ।
నమః ఉగ్రాయ శాన్తాయ భక్తానాం శాన్తిదాయినే ॥ ౧౦॥
గురవే సర్వలోకానాం నమః ప్రణవరూపిణే ।
నమస్తే వాగ్భవాఖ్యాయ దీర్ఘకామాయ తే నమః ॥ ౧౧॥
నమస్తే కామరాజాయ యోషితకామాయ తే నమః ।
దీర్ఘమాయాస్వరూపాయ మహామాయాయ తే నమః ॥ ౧౨॥
సృష్టిమాయాస్వరూపాయ నిసర్గసమయాయ తే ।
సురలోకసుపూజ్యాయ ఆపదుద్ధారణాయ చ ॥ ౧౩॥
నమో నమో భైరవాయ మహాదారిద్ర్యనాశినే ।
ఉన్మూలనే కర్మఠాయ అలక్ష్మ్యాః సర్వదా నమః ॥ ౧౪॥
నమో అజామలవద్ధాయ నమో లోకేశ్వరాయ తే ।
స్వర్ణాకర్షణశీలాయ భైరవాయ నమో నమః ॥ ౧౫॥
మమ దారిద్ర్య విద్వేషణాయ లక్ష్యాయ తే నమః ।
నమో లోకత్రయేశాయ స్వానన్దం నిహితాయ తే ॥ ౧౬॥
నమః శ్రీబీజరూపాయ సర్వకామప్రదాయినే ।
నమో మహాభైరవాయ శ్రీభైరవ నమో నమః ॥ ౧౭॥
ధనాధ్యక్ష నమస్తుభ్యం శరణ్యాయ నమో నమః ।
నమః ప్రసన్న ఆదిదేవాయ తే నమః ॥ ౧౮॥
నమస్తే మన్త్రరూపాయ నమస్తే మన్త్రరూపిణే ।
నమస్తే స్వర్ణరూపాయ సువర్ణాయ నమో నమః ॥ ౧౯॥
నమః సువర్ణవర్ణాయ మహాపుణ్యాయ తే నమః ।
నమః శుద్ధాయ బుద్ధాయ నమః సంసారతారిణే ॥ ౨౦॥
నమో దేవాయ గుహ్యాయ ప్రచలాయ నమో నమః ।
నమస్తే బాలరూపాయ పరేషాం బలనాశినే ॥ ౨౧॥
నమస్తే స్వర్ణ సంస్థాయ నమో భూతలవాసినే ।
నమః పాతాలవాసాయ అనాధారాయ తే నమః ॥ ౨౨॥
నమో నమస్తే శాన్తాయ అనన్తాయ నమో నమః ।
ద్విభుజాయ నమస్తుభ్యం భుజత్రయసుశోభినే ॥ ౨౩॥
నమోఽనమాది సిద్ధాయ స్వర్ణహస్తాయ తే నమః ।
పూర్ణచన్ద్రప్రతీకాశ వదనామ్భోజశోభినే ॥ ౨౪॥
నమస్తేఽస్తుస్వరూపాయ స్వర్ణాలఙ్కారశోభినే ।
నమః స్వర్ణాకర్షణాయ స్వర్ణాభాయ నమో నమః ॥ ౨౫॥
నమస్తే స్వర్ణకణ్ఠాయ స్వర్ణాభామ్బరధారిణే ।
స్వర్ణసింహానస్థాయ స్వర్ణపాదాయ తే నమః ॥ ౨౬॥
నమః స్వర్ణభపాదాయ స్వర్ణకాఞ్చీసుశోభినే ।
నమస్తే స్వర్ణజఙ్ఘాయ భక్తకామదుధాత్మనే ॥ ౨౭॥
నమస్తే స్వర్ణభక్తాయ కల్పవృక్షస్వరూపిణే ।
చిన్తామణిస్వరూపాయ నమో బ్రహ్మాదిసేవినే ॥ ౨౮॥
కల్పద్రుమాఘః సంస్థాయ బహుస్వర్ణప్రదాయినే ।
నమో హేమాకర్షణాయ భైరవాయ నమో నమః ॥ ౨౯॥
స్తవేనానేన సన్తుష్టో భవ లోకేశ భైరవ ।
పశ్య మాం కరుణాదృష్ట్యా శరణాగతవత్సల ॥ ౩౦॥
శ్రీ మహాభైరవస్యేదం స్తోత్రముక్తం సుదుర్లభమ్ ।
మన్త్రాత్మకం మహాపుణ్యం సర్వేశ్వర్యప్రదాయకమ్ ॥ ౩౧॥
యః పఠేన్నిత్యమేకాగ్రం పాతకై స ప్రముచ్యతే ।
లభతే మహతీం లక్ష్మీమష్టైశ్వర్యమవాప్నుయాత్ ॥ ౩౨॥
చిన్తామణిమవాప్నోతి ధేను కల్పతరుం ధ్రువమ్ ।
స్వర్ణ రాశిమవాప్నోతి శీఘ్నమేవ న సంశయః ॥ ౩౩॥
త్రిసన్ధ్యం యః పఠేత్స్తోత్రం దశావృత్యా నరోత్తమః ।
స్వప్నే శ్రీ భైరవస్తస్య సాక్షాద్భూత్వా జగద్గురుః ॥ ౩౪॥
స్వర్ణరాశి దదాత్యస్యై తత్క్షణం నాత్ర సంశయః ।
అష్టావృత్యా పఠేత్ యస్తు సన్ధ్యాయాం వా నరోత్తమమ్ ॥ ౩౫॥
లభతే సకలాన్ కామాన్ సప్తాహాన్నాత్ర సంశయః ।
సర్వదః యః పఠేస్తోత్రం భైరవస్య మహాత్మనాః ॥ ౩౬॥
లోకత్రయం వశీకుర్యాదచలాం లక్ష్మీమవాప్నుయాత్ ।
నభయం విద్యతే క్వాపి విషభూతాది సమ్భవమ్ ॥ ౩౭॥
మ్రియతే శత్రవస్తస్య అలక్ష్మీ నాశమాప్నుయాత్ ।
అక్షయం లభతే సౌఖ్యం సర్వదా మానవోత్తమః ॥ ౩౮॥
అష్ట పఞ్చాద్వర్ణాఢ్యో మన్త్రరాజః ప్రకీర్తితః ।
దారిద్ర్య దుఃఖశమనః వ స్వర్ణాకర్షణ కారకః ॥ ౩౯॥
య ఏన సఞ్చయేద్ధీమాన్ స్తోత్రం వా ప్రపఠేత్ సదా ।
మహా భైరవ సాయుజ్యం స అన్తకాలేలభేద్ ధ్రువమ్ ॥ ౪౦॥
ఇతి రుద్రయామలతన్త్రే స్వర్ణాకర్షణభైరవస్తోత్రం సమ్పూర్ణమ్ ॥
All copyrights reserved 2012 digital media act
Comments
Post a Comment