బుధ కవచం (బ్రహ్మవైవర్త పురాణ అంతర్గతం) budha kavacham brahmmavaivartapurana antargatam

బుధ కవచం (బ్రహ్మవైవర్త పురాణ అంతర్గతం)

శ్రీగణేశాయ నమః .
అస్య శ్రీబుధకవచస్తోత్రమంత్రస్య కశ్యప ఋషిః,
అనుష్టుప్ ఛందః, బుధో దేవతా, బుధప్రీత్యర్థం జపే వినియోగః

బుధస్తు పుస్తకధరః కుంకుమస్య సమద్యుతిః
పీతాంబరధరః పాతు పీతమాల్యానులేపనః 1

కటిం చ పాతు మే సౌమ్యః శిరోదేశం బుధస్తథా
నేత్రే జ్ఞానమయః పాతు శ్రోత్రే పాతు నిశాప్రియః 2

ఘ్రాణం గంధప్రియః పాతు జిహ్వాం విద్యాప్రదో మమ
కంఠం పాతు విధోః పుత్రో భుజౌ పుస్తకభూషణః 3

వక్షః పాతు వరాంగశ్చ హృదయం రోహిణీసుతః
నాభిం పాతు సురారాధ్యో మధ్యం పాతు ఖగేశ్వరః 4

జానునీ రౌహిణేయశ్చ పాతు జంఘేఽఖిలప్రదః
పాదౌ మే బోధనః పాతు పాతు సౌమ్యోఽఖిలం వపుః 5

ఏతద్ధి కవచం దివ్యం సర్వపాపప్రణాశనం
సర్వరోగప్రశమనం సర్వదుఃఖనివారణం 6

ఆయురారోగ్యశుభదం పుత్రపౌత్రప్రవర్ధనం
యః పఠేచ్ఛృణుయాద్వాపి సర్వత్ర విజయీ భవేత్ 7

 ఇతి శ్రీబ్రహ్మవైవర్తపురాణే బుధకవచం సంపూర్ణం

All copyrights reserved 2012 digital media act