మాంధాతృశైలేశ్వరీస్తోత్రం mandhatrishaileshvari stotram in telugu lyrics

మాంధాతృశైలేశ్వరీస్తోత్రం

శ్రీ గణేశాయ నమః

వందే నీలకలేవరాం త్రినయనాందంష్ట్రాకరాలాననాం,
ఘంటా మర్మశరావముండ భుజగైః ఖట్వాంగశూలాసిభిః
ఆరూఢాష్టభుజాం కిరీటరశనాఘోషాదిభిర్భూషణై -
రాశీర్షాంఘ్రివిటంకితాం భగవతీం మాంధాతృశైలేశ్వరీం  1

మంజీరైర్ముఖరీకృతాంఘ్రియుగలాం సంధ్యాభ్రశోణాంబరాం
చంచద్ఘోరకృపాణపాణికమలా ముజ్జృంభితభ్రూలతాం
సారంభప్రసరత్స్ఫులింగ నయనాముచ్చాట్టహాసస్వనైర్
నిర్ధూతాఖిలసద్భయామనుభజే మాంధాతృశైలేశ్వరీం 2

వందే వక్షసివృక్ణదానవశిరో మాలామయం కంచుకం,
కర్ణే కుంజరకుండలం కటితటే భోగీంద్రకాంచీగుణం
హస్తేదారికరక్తపంకిలముఖం ధృత్వా ఖలానాం భయం,
శిష్టానామభయం చ యా దిశతి తాం మాంధాతృశైలేశ్వరీం 3

స్మేరాపాంగవిలోకవిభ్రమరసైః శూలాదిభిశ్చాయుధైః -
సాధూనాం చ దురాత్మనాం చ హృదయగ్రంథింసకౌతూహలం
కృంతంతీం భువనత్రయైకజననీం వాత్సల్యవారాన్నిధిం
వందేఽస్మత్ కులదేవతాం శరణదాం మాంధాతృశైలేశ్వరీం 4

శుద్ధాంతఃకరణస్య శంభుచరణాం భోజేప్రపన్నాత్మనో,
నిష్కామస్య తపోధనస్య, జగతాం శ్రేయోవిధానార్థినః
మాంధాతుర్హితకారిణీం గిరిసుతా పుత్రీం కృపావర్షిణీం
వందే భక్తపరాయణాం భగవతీం మాంధాతృశైలేశ్వరీం 5

కైలాసాదవతీర్యభార్గవవరక్షోణీగతే పావన -
క్షేత్రేసన్నిహితాంసదా హరిహరబ్రహ్మ్యాదిభిః పూజితాం
భక్తానుగ్రహకాతరాం, స్థిరచరప్రాణివ్రజస్యాంబికాం
మాంధాతుర్వశవర్తినీమనుభజే మాంధాతృశైలేశ్వరీం 6

సంఖ్యాతీతభటైర్వృతేనరిపుణా సామూతిరిక్షోణిపే
నాక్రాంతస్యనిజాంఘ్రిమాత్రశరణస్యాత్యల్పసేనాభృతః
ప్రాణంవల్లువభూమిపస్యతిలశస్తేషాంశిరచ్ఛేదనై -
రక్షంతీమనుకంపయానుకలయే మాంధాతృశైలేశ్వరీం 7

తుర్యస్థానవిహారిణీమశరణానుద్ధర్తుమాకాంక్షిణీ -
మార్షోర్వ్యామవతారిణీం భృగువరక్షేత్రేస్థిరావాసినీం
భక్తానామభయంకరీమవిరలోత్సర్పత్ కృపానిర్ఝరీం
వాతాధీశ సహోదరీం పరిభజే మాంధాతృశైలేశ్వరీం 8


All copyrights reserved 2012 digital media act