నవగ్రహ కరావలంబ స్తోత్రం nava graha karavalamba stotram in Telugu

నవగ్రహ కరావలంబ స్తోత్రం

జ్యోతీశ దేవ భువనత్రయ మూలశక్తే

గోనాథ భాసుర సురాదిభిరీద్యమాన 

నౄణాంశ్చ వీర్య వర దాయక ఆదిదేవ

ఆదిత్య వేద్య మమ దేహి కరావలంబం 1

నక్షత్రనాథ సుమనోహర శీతలాంశో

శ్రీ భార్గవీ ప్రియ సహోదర శ్వేతమూర్తే 

క్షీరాబ్ధిజాత రజనీకర చారుశీల

శ్రీమచ్ఛశాంక మమ దేహి కరావలంబం 2

రుద్రాత్మజాత బుధపూజిత రౌద్రమూర్తే

బ్రహ్మణ్య మంగల ధరాత్మజ బుద్ధిశాలిన్ 

రోగార్తిహార ఋణమోచక బుద్ధిదాయిన్

శ్రీ భూమిజాత మమ దేహి కరావలంబం 3

సోమాత్మజాత సురసేవిత సౌమ్యమూర్తే

నారాయణప్రియ మనోహర దివ్యకీర్తే 

ధీపాటవప్రద సుపండిత చారుభాషిన్

శ్రీ సౌమ్యదేవ మమ దేహి కరావలంబం 4

వేదాంతజ్ఞాన శ్రుతివాచ్య విభాసితాత్మన్

బ్రహ్మాది వందిత గురో సుర సేవితాంఘ్రే 

యోగీశ బ్రహ్మ గుణ భూషిత విశ్వ యోనే

వాగీశ దేవ మమ దేహి కరావలంబం 5

ఉల్హాస దాయక కవే భృగువంశజాత

లక్ష్మీ సహోదర కలాత్మక భాగ్యదాయిన్ 

కామాదిరాగకర దైత్యగురో సుశీల

శ్రీ శుక్రదేవ మమ దేహి కరావలంబం 6

శుద్ధాత్మ జ్ఞాన పరిశోభిత కాలరూప

ఛాయాసునందన యమాగ్రజ క్రూరచేష్ట 

కష్టాద్యనిష్ఠకర ధీవర మందగామిన్

మార్తండజాత మమ దేహి కరావలంబం 7

మార్తండ పూర్ణ శశి మర్దక రౌద్రవేశ

సర్పాధినాథ సురభీకర దైత్యజన్మ 

గోమేధికాభరణ భాసిత భక్తిదాయిన్

శ్రీ రాహుదేవ మమ దేహి కరావలంబం 8

ఆదిత్య సోమ పరిపీడక చిత్రవర్ణ

హే సింహికాతనయ వీర భుజంగ నాథ 

మందస్య ముఖ్య సఖ ధీవర ముక్తిదాయిన్

శ్రీ కేతు దేవ మమ దేహి కరావలంబం 9

మార్తండ చంద్ర కుజ సౌమ్య బృహస్పతీనాం

శుక్రస్య భాస్కర సుతస్య చ రాహు మూర్తేః 

కేతోశ్చ యః పఠతి భూరి కరావలంబ

స్తోత్రం స యాతు సకలాంశ్చ మనోరథారాన్ 10

      ఓం శాంతిః శాంతిః శాంతిః 

             ఓం తత్ సత్