నవ గ్రహపీడా హర స్తోత్రం nava grahapeeda hara stotram in Telugu

నవ గ్రహపీడా హర స్తోత్రం

సిందూరారుణ రక్తాంగః కర్ణాంతాయత లోచనః .
సహస్రకిరణః శ్రీమాన్ సప్తాశ్వకృతవాహనః 1

గభస్తిమాలీ భగవాన్శివపూజాపరాయణః
కరోతు మే మహాశాంతిం గ్రహపీడాం వ్యపోహతు 2

జగదాప్యాయనకరో హ్యమృతాధారశీతలః
సోమః సౌమ్యేన భావేన గ్రహపీడాం వ్యపోహతు 3

 పద్మరాగనిభాంగేన కరిపింగలలోచనః
అంగారకః  శివేభక్తో రుద్రార్చన పరాయణః 4

రుద్రసద్భావసంపన్నో రుద్రధ్యానైకమనసః
గ్రహపీడా భయం సర్వం వినాశయతు మే సదా 5

కుంంకుమచ్ఛవిదేహేన చారుద్యుత్కరతః సదా
శివభక్తో బుధః శ్రీమాన్ గ్రహపీడాం వ్యపోహతు 6

ధాతు చామీకరచ్ఛాయః సర్వజ్ఞానకృతాలయః .

బృహస్పతిః సదాకాలమీశానార్చనతత్పరః 7

సోఽపి మే శాంతచిత్తేన పరమేణ సమాహితః
గ్రహపీడాం వినిర్జిత్య కరోతు విజయం సదా 8

హిమకుందేందుతుల్యాభః సురదైత్యేంద్రపూజితః
శుక్రః శివార్చనరతో గ్రహపీడాం వ్యపోహతు 9

భిన్నాంజనచయచ్ఛాయః సరక్తనయనద్యుతిః
శనైశ్చరః శివేభక్తో గ్రహపీడాం వ్యపోహతు 10

నీలాంజననిభః శ్రీమాన్ సైహికేయో మహాబలః
శివపూజాపరో రాహుగ్రహపీడా వ్యపోహతు 11

ధూమ్రాకారో గ్రహః కేతురైశాన్యాం దిశి సంస్థితః
వర్తులోఽతీవ విస్తీర్ణలోచనైశ్చ విభీషణః 12

పలాశధూమ్రసంకాశో గ్రహపీడాఽపకారకః
ఘోరదంష్ట్రాకరాలశ్చ కరోతు విజయం మమ 13

ఖడ్గఖేటకహస్తశ్చ వరేణ్యో వరదః శుభః
శివభక్తశ్చాఽగ్రజన్మా గ్రహపీడాం వ్యపోహతు 14

ఏతే గ్రహా మహాత్మానో మహేశార్చనభావితాః
శాంతిం కుర్వంతు మే హృష్టాః సదాకాలం హితైషిణః 15

 ఇతి నవగ్రహపీడాహరస్తోత్రం సంపూర్ణం
All copyrights reserved 2012 digital media act