నవ గ్రహపీడా హర స్తోత్రం nava grahapida hara stotram in telugu

నవ గ్రహపీడా హర స్తోత్రం (బ్రహ్మాణ్డ పురాణం)

గ్రహాణామాదిరాదిత్యో లోకరక్షణకారకః
విషమస్థానసంభూతాం పీడాం హరతు మే రవిః 1

రోహిణీశః సుధామూర్తిః సుధాగాత్రః సుధాశనః
విషమస్థానసంభూతాం పీడాం హరతు మే విధుః 2

భూమిపుత్రో మహాతేజా జగతాం భయకృత్ సదా
వృష్టికృద్వృష్టిహర్తా చ పీడాం హరతు మే కుజః 3

ఉత్పాతరూపో జగతాం చంద్రపుత్రో మహాద్యుతిః
సూర్యప్రియకరో విద్వాన్ పీడాం హరతు మే బుధః 4

దేవమంత్రీ విశాలాక్షః సదా లోకహితే రతః
అనేకశిష్యసంపూర్ణః పీడాం హరతు మే గురుః 5

దైత్యమంత్రీ గురుస్తేషాం ప్రాణదశ్చ మహామతిః
ప్రభుస్తారాగ్రహాణాం చ పీడాం హరతు మే భృగుః 6

సూర్యపుత్రో దీర్ఘదేహో విశాలాక్షః శివప్రియః
మందచారః ప్రసన్నాత్మా పీడాం హరతు మే శనిః 7

మహాశిరా మహావక్త్రో దీర్ఘదంష్ట్రో మహాబలః
అతనుశ్చోర్ధ్వకేశశ్చ పీడాం హరతు మే శిఖీ 8

అనేకరూపవర్ణైశ్చ శతశోఽథ సహస్రశః
ఉత్పాతరూపో జగతాం పీడాం హరతు మే తమః 9

 ఇతి బ్రహ్మాండపురాణోక్తం నవగ్రహపీడాహరస్తోత్రం సంపూర్ణం
All copyrights reserved 2012 digital media act