శరభ శాంతిస్తోత్రం (ఆకాశభైరవ తంత్రే) Sharabha Shanti Stotram in telugu lyrics

శరభ శాంతిస్తోత్రం  (ఆకాశభైరవ తంత్రే)

రుద్రః శంకర ఈశ్వరః పశుపతిః స్థాణుః కపర్దీ శివో

     వాగీశో వృషభధ్వజః స్మరహరో భక్తప్రియస్త్ర్యంబకః 

భూతేశో జగదీశ్వరశ్చ వృషభో మృత్యుంజయః శ్రీపతిః

     యోఽస్మాన్ కాలగలోఽవతాత్పురహరః శంభుః పినాకీ హరః 1

యతో నృసింహం హరసి హర ఇత్యుచ్యతే బుధైః 

యతో బిభర్షి సకలం విభజ్య తనుమష్టధా 2

అతోఽస్మాన్ పాహి భగవన్ప్రసీద చ పునః పునః 

ఇతి స్తుతో మహాదేవః ప్రసన్నో భక్తవత్సలః 3

సురానాహ్లాదయామాస వరదానైరభీప్సితైః 

ప్రసన్నోఽస్మి స్తవేనాహమనేన విబుధేశ్వరాః 4

మయి రుద్రే మహాదేవే భయత్వం భక్తిమూర్జితం 

మమాంశోఽయం నృసింహోఽయం మయి భక్తతమస్త్విహ 5

ఇమం స్తవం జపేద్యస్తు శరభేశాష్టకం నరః 

తస్య నశ్యంతి పాపాని రిపవశ్చ సురోత్తమాః 6

నశ్యంతి సర్వరోగాణి క్షయరోగాదికాని చ 

అశేషగ్రహభూతాని కృత్రిమాణి జ్వరాణి చ 7

సర్పచోరాగ్నిశార్దూలగజపోత్రిముఖాని చ 

అన్యాని చ వనస్థాని నాస్తి భీతిర్న సంశయః 8

ఇత్యుక్త్వాంతర్దధే దేవి దేవాన్ శరభసాలువః 

తతస్తే స్వ-స్వధామాని యయురాహ్లాదపూర్వకం 9

ఏతచ్ఛరభకం స్తోత్రం మంత్రభూతం జపేన్నరః 

సర్వాన్కామానవాప్నోతి శివలోకం చ గచ్ఛతి 10

ఇతి శ్రీఆకాశభైరవకల్పోక్తం ప్రత్యక్షసిద్ధిప్రదే

ఉమామహేశ్వరసంవాదే శరభశాంతిస్తోత్రం సంపూర్ణం 

All copyrights reserved 2012 digital media act