శివకవచం అమోఘశివకవచం చ శ్రీసాంబాసదాశివకవచస్తోత్రం shiva kavacham skanda puranam in telugu lyrics

శివకవచం అమోఘశివకవచం చ
శ్రీసాంబాసదాశివకవచస్తోత్రం

శ్రీగణేశాయ నమః

 అథ శివకవచం

          వినియోగః
అస్య శ్రీశివకవచస్తోత్రమంత్రస్య,
బ్రహ్మా ఋషిః,
అనుష్టుప్ఛందః, శ్రీసదాశివరుద్రో దేవతా, హ్రీం శక్తిః,
వం కీలకం, శ్రీం హ్రీం క్లీం బీజం,
శ్రీసదాశివప్రీత్యర్థే శివకవచస్తోత్రజపే వినియోగః

 ఋష్యాదిన్యాసః

ఓం బ్రహ్మఋషయే నమః శిరసి  అనుష్టుప్ ఛందసే నమః, ముఖే
శ్రీసదాశివరుద్రదేవతాయ నమః హృది  హ్రీం శక్తయే నమః, పాదయోః
వం కీలకాయ నమః నాభౌ  శ్రీ హ్రీం క్లీమితి బీజాయ నమః గుహ్యే
వినియోగాయ నమః, సర్వాంగే

 అథ కరన్యాసః
ఓం నమో భగవతే జ్వలజ్జ్వాలామాలినే
ఓం హ్రీం రాం సర్వశక్తిధామ్నే ఈశానాత్మనే అంగుష్ఠాభ్యాం నమః
ఓం నమో భగవతే జ్వలజ్జ్వాలామాలినే
ఓం నం రీం నిత్యతృప్తిధామ్నే తత్పురుషాత్మనే తర్జనీభ్యాం నమః
ఓం నమో భగవతే జ్వలజ్జ్వాలామాలినే
ఓం మం రూం అనాదిశక్తిధామ్నే అఘోరాత్మనే మధ్యమాభ్యాం నమః
ఓం నమో భగవతే జ్వలజ్జ్వాలామాలినే
ఓం శిం రైం స్వతంత్రశక్తిధామ్నే వామదేవాత్మనే అనామికాభ్యాం నమః
ఓం నమో భగవతే జ్వలజ్జ్వాలామాలినే
ఓం వాం రౌం అలుప్తశక్తిధామ్నే సద్యోజాతాత్మనే కనిష్ఠికాభ్యాం నమః
ఓం నమో భగవతే జ్వలజ్జ్వాలామాలినే
ఓం యం రః అనాదిశక్తిధామ్నే సర్వాత్మనే కరతలకరపృష్ఠాభ్యాం నమః

 హృదయాద్యంగన్యాసః
ఓం నమో భగవతే జ్వలజ్జ్వాలామాలినే
ఓం హ్రీం రాం సర్వశక్తిధామ్నే ఈశానాత్మనే హృదయాయ నమః
ఓం నమో భగవతే జ్వలజ్జ్వాలామాలినే
ఓం నం రీం నిత్యతృప్తిధామ్నే తత్పురుషాత్మనే శిరసే స్వాహా
ఓం నమో భగవతే జ్వలజ్జ్వాలామాలినే
ఓం మం రూం అనాదిశక్తిధామ్నే అఘోరాత్మనే శిఖాయై వషట్
ఓం నమో భగవతే జ్వలజ్జ్వాలామాలినే
ఓం శిం రైం స్వతంత్రశక్తిధామ్నే వామదేవాత్మనే కవచాయ హుం
ఓం నమో భగవతే జ్వలజ్జ్వాలామాలినే
ఓం వాం రౌం అలుప్తశక్తిధామ్నే సద్యోజాతాత్మనే నేత్రత్రయాయ వౌషట్
ఓం నమో భగవతే జ్వలజ్జ్వాలామాలినే
ఓం యం రః అనాదిశక్తిధామ్నే సర్వాత్మనే అస్త్రాయ ఫట్

అథ ధ్యానం
వజ్రదంష్ట్రం త్రినయనం కాలకంఠమరిందమం
సహస్రకరమప్యుగ్రం వందే శంభుముమాపతిం

రుద్రాక్షకంకణలసత్కరదండయుగ్మః
  పాలాంతరాలసితభస్మధృతత్రిపుండ్రః
పంచాక్షరం పరిపఠన్ వరమంత్రరాజం
  ధ్యాయన్ సదా పశుపతిం శరణం వ్రజేథాః

అతః పరం సర్వపురాణగుహ్యం
  నిఃశేషపాపౌఘహరం పవిత్రం
జయప్రదం సర్వవిపత్ప్రమోచనం
  వక్ష్యామి శైవం కవచం హితాయ తే

             అథ కవచం

ఋషభ ఉవాచ
నమస్కృత్య మహాదేవం విశ్వవ్యాపినమీశ్వరం
వక్ష్యే శివమయం వర్మ సర్వరక్షాకరం నృణాం 1

శుచౌ దేశే సమాసీనో యథావత్కల్పితాసనః
జితేంద్రియో జితప్రాణశ్చింతయేచ్ఛివమవ్యం 2

హృత్పుండరీకాంతరసంనివిష్టం స్వతేజసా వ్యాప్తనభోఽవకాశం
అతీంద్రియం సూక్ష్మమనంతమాద్యం ధ్యాయేత్పరానందమయం మహేశం 3

ధ్యానావధూతాఖిలకర్మబంధశ్చిరం చిదాందనిమగ్నచేతాః
షడక్షరన్యాససమాహితాత్మా శైవేన కుర్యాత్కవచేన రక్షాం 4

మాం పాతు దేవోఽఖిలదేవతాత్మా సంసారకూపే పతితం గభీరే
తన్నామ దివ్యం వరమంత్రమూలం ధునోతు మే సర్వమఘం హృదిస్థం 5

సర్వత్ర మాం రక్షతు విశ్వమూర్తిర్జ్యోతిర్మయానందఘనశ్చిదాత్మా
అణోరణీయానురుశక్తిరేకః స ఈశ్వరః పాతు భయాదశేషాత్  6

యో భూస్వరూపేణ బిభర్తి విశ్వం పాయాత్స భూమేర్గిరిశోఽష్టమూర్తిః
యోఽపాం స్వరూపేణ నృణాం కరోతి సంజీవనం సోఽవతు మాం జలేభ్యః  7

కల్పావసానే భువనాని దగ్ధ్వా సర్వాణి యో నృత్యతి భూరిలీలః
స కాలరుద్రోఽవతు మాం దవాగ్నేర్వాత్యాదిభీతేరఖిలాచ్చ తాపాత్  8

ప్రదీప్తవిద్యుత్కనకావభాసో విద్యావరాభీతికుఠారపాణిః
చతుర్ముఖస్తత్పురుషస్త్రినేత్రః ప్రాచ్యాం స్థితం రక్షతు మామజస్త్రం  9

కుఠారవేదాంకుశపాశశూలకపాలఢక్కాక్షగుణాందధానః
చతుర్ముఖో నీలరుచిస్త్రినేత్రః పాయాదఘోరో దిశి దక్షిణస్యాం  10

కుందేందుశంఖస్ఫటికావభాసో వేదాక్షమాలావరదాభయాంకః
త్ర్యక్షశ్చతుర్వక్త్ర ఉరుప్రభావః సద్యోఽధిజాతోఽవతు మాం ప్రతీచ్యాం 11

వరాక్షమాలాభయటంకహస్తః సరోజకింజల్కసమానవర్ణః
త్రిలోచనశ్చారుచతుర్ముఖో మాం పాయాదుదిచ్యాం దిశి వామదేవః  12

వేదాభయేష్టాంకుశటంకపాశకపాలఢక్కాక్షశూలపాణిః  పాశటంక
సితద్యుతిః పంచముఖోఽవతాన్మామీశాన ఊర్ధ్వం పరమప్రకాశః
 13

మూర్ధానమవ్యాన్మమ చంద్రమౌలిర్భాలం మమావ్యాదథ భాలనేత్రః
నేత్రే మమావ్యాద్భగనేత్రహారీ నాసాం సదా రక్షతు విశ్వనాథః . 14

పాయాచ్ఛ్రుతీ మే శ్రుతిగీతకీర్తిః కపోలమవ్యాత్సతతం కపాలీ
వక్త్రం సదా రక్షతు పంచవక్త్రో జిహ్వాం సదా రక్షతు వేదజిహ్వః  15

కంఠం గిరీశోఽవతు నీలకంఠః పాణిద్వయం పాతు పినాకపాణిః
దోర్మూలమవ్యాన్మమ ధర్మబాహుర్వక్షఃస్థలం దక్షమఖాంతకోఽవ్యాత్ 16

మమోదరం పాతు గిరీంద్రధన్వా మధ్యం మమావ్యాన్మదనాంతకారీ
హేరంబతాతో మమ పాతు నాభిం పాయాత్కటీ ధూర్జటిరీశ్వరో మే 17

ఊరుద్వయం పాతు కుబేరమిత్రో జానుద్వయం మే జగదీశ్వరోఽవ్యాత్
జంఘాయుగం పుంగవకేతురవ్యాత్పాదౌ మమావ్యాత్సురవంద్యపాదః 18

మహేశ్వరః పాతు దినాదియామే మాం మధ్యయామేఽవతు వామదేవః
త్రియంబకః పాతు తృతీయయామే వృషధ్వజః పాతు దినాంత్యయామే 19

పాయాన్నిశాదౌ శశిశేఖరో మాం గంగాధరో రక్షతు మాం నిశీథే
గౌరీపతిః పాతు నిశావసానే మృత్యుంజయో రక్షతు సర్వకాలం  20

అంతఃస్థితం రక్షతు శంకరో మాం స్థాణుః సదా పాతు బహిఃస్థితం మాం
తదంతరే పాతు పతిః పశూనాం సదాశివో రక్షతు మాం సమంతాత్  21

తిష్ఠంతమవ్యాద్భువనైకనాథః పాయాద్వ్రజంతం ప్రమథాధినాథః
వేదాంతవేద్యోఽవతు మాన్నిషణ్ణం మామవ్యయః పాతు శివః శయానం 22

మార్గేషు మాం రక్షతు నీలకంఠః శైలాదిదుర్గేషు పురత్రయారిః
అరణ్యవాసాదిమహాప్రవాసే పాయాన్మృగవ్యాధ ఉదారశక్తిః 23

కల్పాంతకాటోపపటుప్రకోపః స్ఫుటాట్టహాసోచ్చలితాండకోశః
ఘోరారిసేనార్ణవదుర్నివారమహాభయాద్రక్షతు వీరభద్రః 24

పత్త్యశ్వమాతంగఘటావరూథసహస్రలక్షాయుతకోటిభీషణం
అక్షౌహిణీనాం శతమాతతాయినాం ఛింద్యాన్మృడో ఘోరకుఠారధారయా 25

నిహంతు దస్యూన్ప్రలయానలార్చిర్జ్వలత్త్రిశూలం త్రిపురాంతకస్య
శార్దూలసింహర్క్షవృకాదిహింస్త్రాన్సంత్రాసయత్వీశధనుః పినాకం 26

దుఃస్వప్నదుఃశకునదుర్గతిదౌర్మనస్యదుర్భిక్షదుర్వ్యస నదుఃసహదుర్యశాంసి
ఉత్పాతతాపవిషభీతిమసద్గ్రహార్తివ్యాధీంశ్చ నాశయతు మే జగతామధీశః 27

ఓం నమో భగవతే సదాశివాయ సకలతత్త్వాత్మకాయ
సకలతత్త్వవిహారాయ సకలలోకైకకర్త్రే సకలలోకైకభర్త్రే
సకలలోకకైకహర్త్రే సకలలోకకైకగురవే సకలలోకైకసాక్షిణే
సకలనిగమగుహ్యాయ సకలవరప్రదాయ సకలదురితార్తిభంజనాయ
సకలజగదభయంకారాయ సకలలోకైకశంకరాయ శశాంకశేఖరాయ
శాశ్వతనిజాభాసాయ నిర్గుణాయ నిరుపమాయ నీరూపాయ నిరాభాసాయ
నిరామమాయ నిష్ప్రపంచాయ నిష్కలంకాయ నిర్ద్వంద్వాయ నిఃసంగాయ
నిర్మలాయ నిర్గమాయ నిత్యరూపవిభవాయ నిరుపమవిభవాయ నిరాధారాయ
నిత్యశుద్ధబుద్ధపరిపూర్ణసచ్చిదానందాద్వయాయ పరమశాంతప్రకాశతేజోరూపాయ
జయజయ మహారుద్ర మహారౌద్ర భద్రావతార దుఃఖదావదారణ
మహాభైరవ కాలభైరవ కల్పాంతభైరవ కపాలమాలాధర
ఖట్వాంగఖడ్గచర్మపాశాంకుశడమరుశూలచాపబాణగదాశక్తిభిండిపాల

తోమరముసలముద్గరపట్టిశపరశుపరిఘభుశుండీశతఘ్నీచక్రాద్యాయుధ-
భీషణకరసహస్ర ముఖదంష్ట్రాకరాల
వికటాట్టహాసవిస్ఫారితబ్రహ్మాండమండల నాగేంద్రకుండల నాగేంద్రహార
నాగేంద్రవలయ నాగేంద్రచర్మధర మృత్యుంజయ త్ర్యంబక
త్రిపురాంతక విరూపాక్ష విశ్వేశ్వర విశ్వరూప వృషభవాహన
విషభూషణ విశ్వతోముఖ సర్వతో రక్ష రక్ష మాం జ్వలజ్వల
మహామృత్యుభయమపమృత్యుభయం నాశయనాశయ
రోగభయముత్సాదయోత్సాదయ విషసర్పభయం
శమయశమయ చోరభయం మారయమారయ మమ శత్రూనుచ్చాటయోచ్చాటయ
శూలేన విదారయ విదారయ కుఠారేణ భింధిభింధి
ఖడ్గేన ఛింధిఛింధి ఖట్వాంగేన విపోథయ విపోథయ
ముసలేన నిష్పేషయనిష్పేషయ బాణైః సంతాడయ
సంతాడయ రక్షాంసి భీషయభీషయ భూతాని విద్రావయవిద్రావయ
కూష్మాండవేతాలమారీగణబ్రహ్మరాక్షసాన్సంత్రాసయసంత్రాసయ మామభయం
కురుకురు విత్రస్తం మామాశ్వాసయాశ్వాసయ నరకభయాన్మాముద్ధారయోద్ధారయ
సంజీవయసంజీవయ క్షుతృడ్భ్యాం మామాప్యాయయాప్యాయయ దుఃఖాతురం
మామానందయానందయ శివకవచేన మామాచ్ఛాదయాచ్ఛాదయ
త్ర్యంబక సదాశివ నమస్తే నమస్తే నమస్తే

పూర్వవత్ హృద్యాది న్యాసః  పంచపూజా

భూర్భువస్సువరోమితి దిగ్విమికః

                ఫలశ్రుతిః
ఋషభ ఉవాచ
ఇత్యేతత్కవచం శైవం వరదం వ్యాహృతం మయా
సర్వబాధాప్రశమనం రహస్యం సర్వదేహినాం  28

యః సదా ధారయేన్మర్త్యః శైవం కవచముత్తమం
న తస్య జాయతే క్వాపి భయం శంభోరనుగ్రహాత్ 29

క్షీణాయుర్మృత్యుమాపన్నో మహారోగహతోఽపి వా
సద్యః సుఖమవాప్నోతి దీర్ఘమాయుశ్చ విందతి 30

సర్వదారిద్ర్యశమనం సౌమంగల్యవివర్ధనం
యో ధత్తే కవచం శైవం స దేవైరపి పూజ్యతే 31

మహాపాతకసంఘాతైర్ముచ్యతే చోపపాతకైః
దేహాంతే శివమాప్నోతి శివవర్మానుభావతః  32

త్వమపి శ్రద్ధయా వత్స శైవం కవచముత్తమం
ధారయస్వ మయా దత్తం సద్యః శ్రేయో హ్యవాప్స్యసి 33

సూత ఉవాచ
ఇత్యుక్త్వా ఋషభో యోగీ తస్మై పార్థివసూనవే
దదౌ శంఖం మహారావం ఖడ్గం చారినిషూదనం  34

పునశ్చ భస్మ సంమంత్ర్య తదంగం సర్వతోఽస్పృశత్
గజానాం షట్సహస్రస్య ద్విగుణం చ బలం దదౌ  35

భస్మప్రభావాత్సంప్రాప్య బలైశ్వర్యధృతిస్మృతీః
స రాజపుత్రః శుశుభే శరదర్క ఇవ శ్రియా 36

తమాహ ప్రాంజలిం భూయః స యోగీ రాజనందనం
ఏష ఖడ్గో మయా దత్తస్తపోమంత్రానుభావతః 37

శితధారమిమం ఖడ్గం యస్మై దర్శయసి స్ఫుటం
స సద్యో మ్రియతే శత్రుః సాక్షాన్మృత్యురపి స్వయం 38

అస్య శంఖస్య నిహ్రాదం యే శృణ్వంతి తవాహితాః
తే మూర్చ్ఛితాః పతిష్యంతి న్యస్తశస్త్రా విచేతనాః 39

ఖడ్గశంఖావిమౌ దివ్యౌ పరసైన్యవినాశినౌ
ఆత్మసైన్యస్వపక్షాణాం శౌర్యతేజోవివర్ధనౌ 40

ఏతయోశ్చ ప్రభావేన శైవేన కవచేన చ
ద్విషట్సహస్రనాగానాం బలేన మహతాపి చ 41

భస్మధారణసామర్థ్యాచ్ఛత్రుసైన్యం విజేష్యసి
ప్రాప్య సింహాసనం పైత్ర్యం గోప్తాఽసి పృథివీమిమాం 42

ఇతి భద్రాయుషం సమ్యగనుశాస్య సమాతృకం
తాభ్యాం సంపూజితః సోఽథ యోగీ స్వైరగతిర్యయౌ 43

ఇతి శ్రీస్కాందే మహాపురాణే ఏకాశీతిసాహస్ర్యాం సంహితాయాం తృతీయే
బ్రహ్మోత్తరఖండే సీమంతినీమాహాత్మ్యే భద్రాయూపాఖ్యానే
శివకవచకథనం నామ ద్వాదశోఽధ్యాయః