నృసింహ కృత శ్రీశరభ నిగ్రహదారుణ సప్తకం (ఆకాశభైరవ తంత్రే) Shri Sharabha Nigrahadaruna Saptakam in telugu lyrics

నృసింహ కృత శ్రీశరభ నిగ్రహదారుణ సప్తకం (ఆకాశభైరవ తంత్రే)

ఓం శ్రీగణేశాయ నమః .
ధ్యానం -
చంద్రార్కాగ్నిస్త్రిదృష్టిః కులిశవరనఖశ్చంచలోఽత్యుగ్రజిహ్వః
     కాళీ దుర్గా చ పక్షౌ హృదయజఠరగో భైరవో వాడవాగ్నిః
ఊరూస్థౌ వ్యాధిమృత్యూ శరభవరఖగశ్చండవాతాతివేగః
     సంహర్తా సర్వశత్రూన్ స జయతి శరభః శాలువః పక్షిరాజః

కోపోద్రేకాతినిర్యన్నిఖిలపరిచరత్తామ్రభారప్రభూతం
     జ్వాలామాలాగ్రదగ్ధస్మరతనుసకలం త్వామహం శాలువేశ
యాచే త్వత్పాదపద్మప్రణిహితమనసం ద్వేష్టి మాం యః క్రియాభిః
     తస్య ప్రాణప్రయాణం పరశివ భవతః శూలభిన్నస్య తూర్ణం 1

శంభో త్వద్ధస్తకుంతక్షతరిపుహృదయాన్నిఃస్రవల్లోహితౌఘం
     పీత్వా పీత్వాఽతిదిర్ఘా దిశి దిశి విచరాస్త్వదగణాశ్చండముఖ్యాః
గర్జంతు క్షిప్రవేగా నిఖిలజయకరా భీకరాః ఖేలలోలాః
     సంత్రస్తాబ్రహ్మదేవాః శరభ ఖగపతే త్రాహి నః శాలువేశ 2

సర్వాద్యం సర్వనిష్ఠం సకలభయకరం త్వత్స్వరూపం హిరణ్యం
     యాచేఽహం త్వామమోఘం పరికరసహితం ద్వేష్టి మాం యః క్రియాభిః
శ్రీశంభో త్వత్కరాబ్జస్థితకులిశకరాఘాతవక్షఃస్థలస్య
     ప్రాణాః ప్రేతేశదూతగ్రహగణపరిఖాః క్రోశపూర్వం ప్రయాంతు 3

ద్విష్మః క్షోణ్యాం వయం హి తవ పదకమలధ్యాననిర్ధూతపాపాః
     కృత్యాకృత్యైర్విముక్తా విహగకులపతే ఖేలయా బద్ధమూర్తే
తూర్ణం త్వత్పాదపద్మప్రధృతపరశునా తుండఖండీకృతాంగః
     సద్ద్వేషీ యాతు యామ్యం పురమతికలుషం కాలపాశాగ్రబద్ధః 4

భీమ శ్రీశాలువేశ ప్రణతభయహర ప్రాణజిద్దుర్మదానాం
     యాచేఽహం చాస్య వర్గప్రశమనమిహ తే స్వేచ్ఛయా బద్ధమూర్తే
త్వామేవాశు త్వదంఘ్ర్యష్టకనఖవిలసద్గ్రీవజిహ్వోదరస్య
     ప్రాణా యాంతు ప్రయాణం ప్రకటితహృదయస్యాయురల్పాయతేశ 5

శ్రీశూలం తే కరాగ్రస్థితముసలగదావృత్తవాత్యాభిఘాతాత్
     యాతాయాతారియూథం త్రిదశవిఘటనోద్ధూతరక్తచ్ఛటార్ద్రం
సద్దృష్ట్వాఽఽయోధనే జ్యామఖిలసురగణాశ్చాశు నందంతు నానా
     భూతా వేతాలపూగః పిబతు తదఖిలం ప్రీతచిత్తః ప్రమత్తః 6

అల్పం దోర్దండబాహుప్రకటితవినమచ్చండకోదండముక్తై-
     ర్బాణైర్దివ్యైరనేకైః శిథిలితవపుషః క్షీణకోలాహలస్య
తస్య ప్రాణావసానం పర శరభ విభోఽహం త్వదిజ్యాప్రభావైః
     తూర్ణం పశ్యామి యో మాం పరిహసతి సదా త్వాదిమధ్యాంతహేతో 7

ఇతి నిశి ప్రయతస్తు నిరాసనో యమముఖః శివభావమనుస్మరన్
ప్రతిదినం దశవారదినత్రయం జపతి నిగ్రహదారుణసప్తకం 8

ఇతి గుహ్యం మహాబీజం పరమం రిపునాశనం
భానువారం సమారభ్య మంగలాంతం జపేత్సుధీః 9

ఇతి శ్రీ ఆకాశభైరవకల్పే ప్రత్యక్షసిద్ధిప్రదే
     నరసింహకృతా శరభస్తుతిః సమాప్తా



All copyrights reserved 2012 digital media act