శ్రీసూర్య అష్టోత్తరశతనామస్తోత్రం అథవా సూర్యవరదస్తోత్రం (మహాభారత అంతర్గతం) shri Surya ashtottara satanama stotram or surya varada stotram in telugu lyrics

శ్రీసూర్య అష్టోత్తరశతనామస్తోత్రం అథవా సూర్యవరదస్తోత్రం (మహాభారత అంతర్గతం) 

శ్రీగణేశాయ నమః
ఆచమ్యః

  సంకల్పః

శ్రీసూర్యనారాయణదేవతాముద్దిశ్య ప్రీత్యర్థం,
శ్రీసూర్యాష్టోత్తరశతనామస్తోత్రమహామంత్రపఠనం కరిష్యే

అస్య శ్రీసూర్యాష్టోతరశతనామస్తోత్రమహామంత్రస్య, బ్రహ్మా ఋషిః,
అనుష్టుప్చ్ఛందః, శ్రీసూర్యనారాయణో దేవతా
హ్రాం బీజం, హ్రీం శక్తిః హ్రూం కీలకం,
శ్రీసూర్యనారాయణదేవతాప్రసాదసిద్ధ్యర్థే
జపే వినియోగః
 న్యాసౌ - కరన్యాసః           హృదయన్యాసః
ఓం హ్రాం అఘోర శ్రీసూర్యనారాయణాయ - అంగుష్ఠాభ్యాం నమః - హృదయాయనమః
ఓం హ్రీం చతుర్వేదపారాయణాయ - తర్జనీభ్యాం నమః - శిరసేస్వాహా
ఓం హ్రూం ఉగ్రభయంకరాయ - మధ్యమాభ్యాం నమః - శిఖాయై వషట్
ఓం హైం శ్రీసూర్యనారాయణాయ - అనామికాభ్యాం నమః - కవచాయ హుం
ఓం హౌం కౌపీనమౌంజీధరాయ - కనిష్ఠికాభ్యాం నమః - నేత్రత్రయాయ వౌషట్
ఓం హ్రం సహస్రకిరణాయ      కరతలకరపృష్ఠాభ్యాం నమః - అస్త్రాయ ఫట్
భూర్భువస్స్వరోమితి దిగ్బంధః

ధ్యానం
సురగణపితృయక్షసేవితం హ్యసురనిశాచరసిద్ధవందితం
వరకనకహుతాశనప్రభం ప్రణిపతితోఽస్మి హితాయ భాస్కరం

     లమితి పంచపూజాం కృత్వా గురుధ్యానం కుర్యాత్
సూర్యోఽర్యమా భగస్త్వష్టా పూషార్కస్సవితా రవిః
     గభస్తిమానజః కాలో మృత్యుర్ధాతా ప్రజాపతిః

వైశంపాయన ఉవాచ
శృణుష్వావహితో రాజన్ శుచిర్భూత్వా సమాహితః
క్షణం చ కురు రాజేంద్ర గుహ్యం వక్ష్యామి తే హితం 1

ధౌమ్యేన తు యథా ప్రోక్తం పార్థాయ సుమహాత్మనే
నామ్నామష్టోత్తరం పుణ్యం శతం తచ్ఛృణు భూపతే 2

సూర్యోఽర్యమా భగస్త్వష్టా పూషార్కః సవితా రవిః
గభస్తిమానజః కాలో మృత్యుర్ధాతా ప్రభాకరః 3

పృథివ్యాపశ్చ తేజశ్చ ఖం వాయుశ్చ పరాయణం
సోమో బృహస్పతిః శుక్రో బుధోఽఙ్గారక ఏవ చ 4

ఇంద్రో వివస్వాందీప్తాంశుః శుచిః శౌరిః శనైశ్చరః
బ్రహ్మా విష్ణుశ్చ రుద్రశ్చ స్కందో వైశ్రవణో యమః 5

వైద్యుతో జాఠరశ్చాగ్నిరైంధనస్తేజసాం పతిః
ధర్మధ్వజో వేదకర్తా వేదాంగో వేదవాహనః 6

కృతం త్రేతా ద్వాపరశ్చ కలిః సర్వామరాశ్రయః
కలా కాష్ఠా ముహుర్తాశ్చ పక్షా మాసా ఋతుస్తథా 7

సంవత్సరకరోఽశ్వత్థః కాలచక్రో విభావసుః
పురుషః శాశ్వతో యోగీ వ్యక్తావ్యక్తః సనాతనః 8

లోకాధ్యక్షః ప్రజాధ్యక్షో విశ్వకర్మా తమోనుదః కాలాధ్యక్షః
వరుణః సాగరోంఽశుశ్చ జీమూతో జీవనోఽరిహా 9

భూతాశ్రయో భూతపతిః సర్వలోకనమస్కృతః
స్రష్టా సంవర్తకో వహ్నిః సర్వస్యాదిరలోలుపః 10

అనంతః కపిలో భానుః కామదః సర్వతోముఖః
జయో విశాలో వరదః సర్వభూతనిషేవితః  11 

మనః సుపర్ణో భూతాదిః శీఘ్రగః ప్రాణధారణః
ధన్వంతరిర్ధూమకేతురాదిదేవోఽదితేః సుతః 12

ద్వాదశాత్మారవిందాక్షః పితా మాతా పితామహః
స్వర్గద్వారం ప్రజాద్వారం మోక్షద్వారం త్రివిష్టపం 13

దేహకర్తా ప్రశాంతాత్మా విశ్వాత్మా విశ్వతోముఖః
చరాచరాత్మా సూక్ష్మాత్మా మైత్రేణ వపుషాన్వితః 14

ఏతద్వై కీర్తనీయస్య సూర్యస్యైవ మహాత్మనః 【సూర్యస్యామితతేజసః】
నామ్నామష్టశతం పుణ్యం శక్రేణోక్తం మహాత్మనా 15

ప్రోక్తమేతత్స్వ్యంభువా
శక్రాచ్చ నారదః ప్రాప్తో ధౌమ్యశ్చ తదనంతరం
ధౌమ్యాద్యుధిష్ఠిరః ప్రాప్య సర్వాన్కామానవాప్తవాన్ 16

సురపితృగణయక్షసేవితం హ్యసురనిశాచరసిద్ధవందితం
వరకనకహుతాశనప్రభం త్వమపి మనస్యభిధేహి భాస్కరం 17

సూర్యోదయే యస్తు సమాహితః పఠేత్స పుత్రలాభం ధనరత్నసంచయాన్
లభేత జాతిస్మరతాం సదా నరః స్మృతిం చ మేధాం చ స విందతే పరాం 18

ఇమం స్తవం దేవవరస్య యో నరః ప్రకీర్తయేచ్ఛుచిసుమనాః సమాహితః
విముచ్యతే శోకదవాగ్నిసాగరాల్లభేత కామాన్మనసా యథేప్సితాన్  19

స్వర్భువర్భూరోమితి దిగ్విమోకః
హరిః ఓం తత్సత్
శ్రీసూర్యనారాయణపరబ్రహ్మార్పణమస్తు

 ఇతి శ్రీమహాభారతే యుధిష్ఠిరధౌమ్యసంవాదే
అరణ్యపర్వణే శ్రీసూర్య అష్టోత్తరశతనామస్తోత్రం సంపూర్ణం


All copyrights reserved 2012 digital media act