శ్రీవీరబధ్ర సహస్రనామస్తోత్రం shri veera bhadra sahasranama stotram in telugu lyrics

శ్రీవీరబధ్ర సహస్రనామస్తోత్రం

ఓం శ్రీగణేశాయ నమః ।
శ్రీఉమామహేశ్వరాభ్యాం నమః ।
శ్రీవీరభద్రాయ నమః ।
శ్రీభద్రకాల్యై నమః ।
 శ్రీవీరభద్రసహస్రనామస్తోత్రమ్
పూర్వభాగమ్ ।
ఓం అస్య శ్రీవీరభద్రసహస్రనామస్తోత్రమహామ
న్త్రస్య
నారాయణఋషిః । అనుష్టుప్ఛన్దః । శ్రీవీరభద్రోదేవతా ।
శ్రీం బీజమ్ । వీం శక్తిః । రం కీలకమ్ ॥
మమోపాత్త సమస్తదురితక్షయార్థం చిన్తితఫలావాప్త్యర్థం
ధర్మార్థకామమోక్ష చతుర్విధఫలపురుషచతుర్విధఫలపురుషార్ద సిద్ద్యర్దం
శ్రీవీరభద్రసహస్రనామస్తోత్రపాఠే వినియోగః
అథ ధ్యానమ్ ।
రౌద్రం రుద్రావతారం హుతవహనయనం చోర్ధ్వకేశం సుదంష్ట్రం
భీమాఙ్గం భీమరూపం కిణికిణిరభసం జ్వాలమాలాఽఽవృతాఙ్గమ్ ।
భూతప్రేతాదినాథం కరకమలమహాఖడ్గపాత్రే వహన్తం
వన్దే లోకైకవీరం త్రిభువననమితం శ్యామలం వీరభద్రమ్ ॥
అథ సహస్రనామస్తోత్రమ్ ।
శమ్భుః శివో మహాదేవో శితికణ్ఠో వృషధ్వజః ।
దక్షాధ్వరకరో దక్షః క్రూరదానవభఞ్జనః ॥ ౧॥

కపర్దీ కాలవిధ్వంసీ కపాలీ కరుణార్ణవః ।
శరణాగతరక్షైకనిపుణో నీలలోహితః ॥ ౨॥

నిరీశో నిర్భయో నిత్యో నిత్యతృప్తో నిరామయః ।
గమ్భీరనినదో భీమో భయఙ్కరస్వరూపధృత్ ॥ ౩॥

పురన్దరాది గీర్వాణవన్ద్యమానపదామ్బుజః ।
సంసారవైద్యః సర్వజ్ఞః సర్వభేషజభేషజః ॥ ౪॥

మృత్యుఞ్జయః కృత్తివాసస్త్ర్
యమ్బకస్త్రిపురాన్తకః ।
వృన్దారవృన్దమన్దారో మన్దారాచలమణ్డనః ॥ ౫॥

కున్దేన్దుహారనీహారహారగౌరసమప్రభః ।
రాజరాజసఖః శ్రీమాన్ రాజీవాయతలోచనః ॥ ౬॥

మహానటో మహాకాలో మహాసత్యో మహేశ్వరః ।
ఉత్పత్తిస్థితిసంహారకారణానన్దకర్మకః ॥ ౭॥

సారః శూరో మహాధీరో వారిజాసనపూజితః ।
వీరసింహాసనారూఢో వీరమౌలిశిఖామణిః ॥ ౮॥

వీరప్రియో వీరరసో వీరభాషణతత్పరః ।
వీరసఙ్గ్రామవిజయీ వీరారాధనతోషితః ॥ ౯॥

వీరవ్రతో విరాడ్రూపో విశ్వచైతన్యరక్షకః ।
వీరఖడ్గో భారశరో మేరుకోదణ్డమణ్డితః ॥ ౧౦॥

వీరోత్తమాఙ్గః శృఙ్గారఫలకో వివిధాయుధః ।
నానాసనో నతారాతిమణ్డలో నాగభూషణః ॥ ౧౧॥

నారదస్తుతిసన్తుష్టో నాగలోకపితామహః ।
సుదర్శనః సుధాకాయో సురారాతివిమర్దనః ॥ ౧౨॥

అసహాయః పరః సర్వసహాయః సామ్ప్రదాయకః ।
కామదో విషభుగ్యోగీ భోగీన్ద్రాఞ్చితకుణ్డలః ॥ ౧౩॥

ఉపాధ్యాయో దక్షరిపుః కైవల్యనిధిరచ్యుతః ।
సత్త్వం రజస్తమః స్థూలః సూక్ష్మోఽన్తర్బ
హిరవ్యయః ॥ ౧౪॥

భూరాపో జ్వలనో వాయుర్గగనం త్రిజగద్గురుః ।
నిరాధారో నిరాలమ్బః సర్వాధారః సదాశివః ॥ ౧౫॥

భాస్వరో భగవాన్ భాలనేత్రో భావజసంహరః ।
వ్యాలబద్ధజటాజూటో బాలచన్ద్రశిఖామణిః ॥ ౧౬॥

అక్షయ్యైకాక్షరో దుష్టశిక్షకః శిష్టరక్షితః ।
దక్షపక్షేషుబాహుల్యవనలీలాగజో ఋజుః ॥ ౧౭॥

యజ్ఞాఙ్గో యజ్ఞభుగ్యజ్ఞో యజ్ఞేశో యజనేశ్వరః ।
మహాయజ్ఞధరో దక్షసమ్పూర్ణాహూతికౌశలః ॥ ౧౮॥

మాయామయో మహాకాయో మాయాతీతో మనోహరః ।
మారదర్పహరో మఞ్జుర్మహీసుతదినప్రియః ॥ ౧౯॥

సౌమ్యః సమోఽసమోఽనన్తః సమానరహితో హరః ।
సోమోఽనేకకలాధామా వ్యోమకేశో నిరఞ్జనః ॥ ౨౦॥

గురుః సురగురుర్గూఢో గుహారాధనతోషితః ।
గురుమన్త్రాక్షరగురుః పరః పరమకారణమ్ ॥ ౨౧॥

కలిః కలాఢ్యో నీతిజ్ఞః కరాలాసురసేవితః ।
కమనీయరవిచ్ఛాయో నన్దనానన్దవర్ధనః ॥ ౨౨॥

స్వభక్తపక్షః ప్రబలః స్వభక్తబలవర్ధనః ।
స్వభక్తప్రతివాదీన్ద్రముఖచన్ద్రవితున్తుదః ॥ ౨౩॥

శేషభూషో విశేషజ్ఞస్తోషితః సుమనాః సుధీః ।
దూషకాభిజనోద్ధూతధూమకేతుస్సనాతనః ॥ ౨౪॥

దూరీకృతాఘపటలశ్చోరీకృతసుఖప్రజః ।
పూరీకృతేషుకోదణ్డో నిర్వైరీకృతసఙ్గరః ॥ ౨౫॥

బ్రహ్మవిద్బ్రాహ్మణో బ్రహ్మ బ్రహ్మచారీ జగత్పతిః ।
బ్రహ్మేశ్వరో బ్రహ్మమయః పరబ్రహ్మాత్మకః ప్రభుః ॥ ౨౬॥

నాదప్రియో నాదమయో నాదబిన్దుర్నగేశ్వరః ।
ఆదిమధ్యాన్తరహితో వాదో వాదవిదాం వరః ॥ ౨౭॥

ఇష్టో విశిష్టస్తుష్టఘ్నః పుష్టిదః పుష్టివర్ధనః ।
కష్టదారిద్ర్యనిర్నాశో దుష్టవ్యాధిహరో హరః ॥ ౨౮॥

పద్మాసనః పద్మకరో నవపద్మాసనార్చితః ।
నీలామ్బుజదలశ్యామో నిర్మలో భక్తవత్సలః ॥ ౨౯॥

నీలజీమూతసఙ్కాశః కాలకన్ధరబన్ధురః ।
జపాకుసుమసన్తుష్టో జపహోమార్చ్చనప్రియః ౩౦॥

జగదాదిరనాదీశోఽజగవన్ధరకౌతుకః ।
పురన్దరస్తుతానన్దః పులిన్దః పుణ్యపఞ్జరః ॥ ౩౧॥

పౌలస్త్యచలితోల్లోలపర్వతః ప్రమదాకరః ।
కరణం కారణం కర్మ కరణీయాగ్రణీర్దృఢః ॥ ౩౨॥

కరిదైత్యేన్ద్రవసనః కరుణాపూరవారిధిః ।
కోలాహలప్రియః ప్రీతః శూలీ వ్యాలకపాలభృత్ ॥ ౩౩॥

కాలకూటగలః క్రీడాలీలాకృతజగత్త్రయః ।
దిగమ్బరో దినేశేశో ధీమాన్ధీరో ధురన్ధరః ॥ ౩౪॥

దిక్కాలాద్యనవచ్ఛిన్నో ధూర్జటిర్ధూతదుర్గతిః ।
కమనీయః కరాలాస్యః కలికల్మషసూదనః ॥ ౩౫॥

కరవీరోఽరుణామ్భోజకల్హారకుసుమార్పితః ।
ఖరో మణ్డితదోర్దణ్డః ఖరూపః కాలభఞ్జనః ॥ ౩౬॥

ఖరాంశుమణ్డలముఖః ఖణ్డితారామతిణ్డలః ।
గణేశగణితోఽగణ్యః పుణ్యరాశీ సుఖోదయః ॥ ౩౭॥

గణాధిపకుమారాదిగణకైరవబాన్ధవః ।
ఘనఘోషబృహన్నాదఘనీకృతసునూపురః ॥ ౩౮॥

ఘనచర్చితసిన్దూరో ఘణ్టాభీషణభైరవః ।
పరాపరో బలోఽనన్తశ్చతురశ్చక్రబన్ధకః ॥ ౩౯॥

చతుర్ముఖముఖామ్భోజచతురస్తుతితోషణః ।
ఛలవాదీ ఛలశ్శాన్తశ్ఛాన్దసశ్ఛాన్దసప్రియః ॥ ౪౦॥

ఛిన్నచ్ఛలాదిదుర్వాదచ్ఛిన్నషట్తన్త్రతాన్త్రికః ।
జడీకృతమహావజ్రజమ్భారాతిర్నతోన్నతః ॥ ౪౧॥

జగదాధారభూతేశో జగదన్తో నిరఞ్జనః ।
ఝర్ఝరధ్వనిసమ్యుక్తో ఝఙ్కారరవభూషణః ॥ ౪౨॥

ఝటీవిపక్షవృక్షౌఘఝఞ్ఝామారుతసన్నిభః ।
ప్రవర్ణాఞ్చితపత్రాఙ్కః ప్రవర్ణాద్యక్షరవ్రజః ॥ ౪౩॥

ట వర్ణబిన్దుసమ్యుక్తష్టఙ్కారహృతదిగ్గజః ।
ఠ వర్ణపూరద్విదళష్టవర్ణాగ్రదళాక్షరః ॥ ౪౪॥

ఠ వర్ణయుతసద్యన్త్రష్ఠ జ చాక్షరపూరకః ।
డమరుధ్వనిసమ్రక్తో డమ్బరానన్దతాణ్డవః ॥ ౪౫॥

డణ్డణ్ఢఘోషప్రమదాఽఽడమ్బరో గణతాణ్డవః ।
ఢక్కాపటహసుప్రీతో ఢక్కారవవశానుగః ॥ ౪౬॥

ఢక్కాదితాళసన్తుష్టో టోడిబద్ధస్తుతిప్రియః ।
తపస్విరూపస్తపనస్తప్తకాఞ్చనసన్నిభః ॥ ౪౭॥

తపస్వివదనామ్భోజకారుణ్యస్తరణిద్యుతిః ।
ఢగాదివాదసౌహార్దస్థితః సమ్యమినాం వరః ॥ ౪౮॥

స్థాణుస్తణ్డునుతిప్రీతః స్థితిస్థావరజఙ్గమః ।
దరహాసాననామ్భోజదన్తహీరావళిద్యుతిః ॥ ౪౯॥

దర్వీకరాఙ్గతభుజో దుర్వారో దుఃఖదుర్గహా ।
ధనాధిపసఖో ధీరో ధర్మాధర్మపరాయణః ॥ ౫౦॥

ధర్మధ్వజో దానశౌణ్డో ధర్మకర్మఫలప్రదః ।
పశుపాశహారః శర్వః పరమాత్మా సదాశివః ॥ ౫౧॥

పరాపరః పరశుధృత్ పవిత్రః సర్వపావనః ।
ఫల్గునస్తుతిసన్తుష్టః ఫల్గునాగ్రజవత్సలః ॥ ౫౨॥

ఫల్గునార్జితసఙ్గ్రామఫలపాశుపతప్రదః ।
బలో బహువిలాసాఙ్గో బహులీలాధరో బహుః ॥ ౫౩॥

బర్హిర్ముఖో సురారాధ్యో బలిబన్ధనబాన్ధవః ।
భయఙ్కరో భవహరో భర్గో భయహరో భవః ॥ ౫౪॥

భాలానలో బహుభుజో భాస్వాన్ సద్భక్తవత్సలః ।
మన్త్రో మన్త్రగణో మన్త్రీ మన్త్రారాధనతోషితః ॥ ౫౫॥

మన్త్రయజ్ఞో మన్త్రవాదీ మన్త్రబీజో మహాన్మహః ।
యన్త్రో యన్త్రమయో యన్త్రీ యన్త్రజ్ఞో యన్త్రవత్సలః ॥ ౫౬॥

యన్త్రపాలో యన్త్రహరస్త్రిజగద్యన్త్రవాహకః ।
రజతాద్రిసదావాసో రవీన్దుశిఖిలోచనః ॥ ౫౭॥

రతిశ్రాన్తో జితశ్రాన్తో రజనీకరశేఖరః ।
లలితో లాస్యసన్తుష్టో లబ్ధోగ్రో లఘుసాహసః ॥ ౫౮॥

లక్ష్మీనిజకరో లక్ష్యలక్షణజ్ఞో లసన్మతిః ।
వరిష్ఠో వరదో వన్ద్యో వరదానపరో వశీ ॥ ౫౯॥

వైశ్వానరాఞ్చితభుజో వరేణ్యో విశ్వతోముఖః ।
శరణార్తిహరః శాన్తః శఙ్కరః శశిశేఖరః ॥ ౬౦॥

శరభః శమ్బరారాతిర్భస్మోద్ధూళితవిగ్రహః ।
షట్త్రింశత్తత్త్వవిద్రూపః షణ్ముఖస్తుతితోషణః ॥ ౬౧॥

షడక్షరః శక్తియుతః షట్పదాద్యర్థకోవిదః ।
సర్వజ్ఞః సర్వసర్వేశః సర్వదాఽఽనన్దకారకః ॥ ౬౨॥

సర్వవిత్సర్వకృత్సర్వః సర్వదః సర్వతోముఖః ।
హరః పరమకల్యాణో హరిచర్మధరః పరః ॥ ౬౩॥

హరిణార్ధకరో హంసో హరికోటిసమప్రభః ।
దేవదేవో జగన్నాథో దేవేశో దేవవల్లభః ॥ ౬౪॥

దేవమౌలిశిఖారత్నం దేవాసురసుతోషితః ।
సురూపః సువ్రతః శుద్ధస్సుకర్మా సుస్థిరః సుధీః ॥ ౬౫॥

సురోత్తమః సుఫలదః సురచిన్తామణిః శుభః ।
కుశలీ విక్రమస్తర్క్కః కుణ్డలీకృతకుణ్డలీ ॥ ౬౬॥

ఖణ్డేన్దుకారకజటాజూటః కాలానలద్యుతిః ।
వ్యాఘ్రచర్మామ్బరధరో వ్యాఘ్రోగ్రబహుసాహసః ॥ ౬౭॥

వ్యాళోపవీతీ విలసచ్ఛోణతామరసామ్బకః ।
ద్యుమణిస్తరణిర్వాయుః సలిలం వ్యోమ పావకః ॥ ౬౮॥

సుధాకరో యజ్ఞపతిరష్టమూర్తిః కృపానిధిః ।
చిద్రూపశ్చిద్ఘనానన్దకన్దశ్చిన్మయనిష్కలః ॥ ౬౯॥

నిర్ద్వన్ద్వో నిష్ప్రభో నిత్యో నిర్గుణో నిర్గతామయః ।
వ్యోమకేశో విరూపాక్షో వామదేవో నిరఞ్జనః ॥ ౭౦॥

నామరూపః శమధురః కామచారీ కలాధరః ।
జామ్బూనదప్రభో జాగ్రజ్జన్మాదిరహితోజ్జ్వలః ॥ ౭౧॥

జనకః సర్వజన్తూనాం జన్మదుఃఖాపనోదనః ।
పినాకపాణిరక్రోధః పిఙ్గలాయతలోచనః ॥ ౭౨॥

పరమాత్మా పశూపతిః పావనః ప్రమథాధిపః ।
ప్రణవః కామదః కాన్తః శ్రీప్రదో దివ్యలోచనః ॥ ౭౩॥

ప్రణతార్తిహరః ప్రాణః పరఞ్జ్యోతిః పరాత్పరః ।
తుష్టస్తుహినశైలాధివాసః స్తోతృవరప్రదః ॥ ౭౪॥

ఇష్టకామ్యార్థఫలదః సృష్టికర్తా మరుత్పతిః ।
భృగ్వత్రికణ్వజాబాలి హృత్పద్మాహిమదీధితిః ॥ ౭౫॥

క్రతుధ్వంసీ క్రతుముఖః క్రతుకోటిఫలప్రదః।
క్రతుః క్రతుమయః క్రూరదర్పఘ్నో విక్రమో విభుః ॥ ౭౬॥

దధీచిహృదయానన్దో దధీచ్యాదిసుపాలకః ।
దధీచివాఞ్ఛితసఖో దధీచివరదోఽనఘః ॥ ౭౭॥

సత్పథక్రమవిన్యాసో జటామణ్డలమణ్డితః ।
సాక్షిత్రయీమయశ్చారుకలాధరకపర్దభృత్ ॥ ౭౮॥

మార్కణ్డేయమునిప్రీతో మృడో జితపరేతరాట్ ।
మహీరథో వేదహయః కమలాసనసారథిః ॥ ౭౯॥

కౌణ్డిన్యవత్సవాత్సల్యః కాశ్యపోదయదర్పణః ।
కణ్వకౌశికదుర్వాసాహృద్గుహాన్తర్నిధిర్నిజః ॥ ౮౦॥

కపిలారాధనప్రీతః కర్పూరధవలద్యుతిః ।
కరుణావరుణః కాళీనయనోత్సవసఙ్గరః ॥ ౮౧॥

ఘృణైకనిలయో గూఢతనుర్మురహరప్రియః ।
గణాధిపో గుణనిధిర్గమ్భీరాఞ్చిత వాక్పతిః ॥ ౮౨॥

విఘ్ననాశో విశాలాక్షో విఘ్నరాజో విశేషవిత్ ।
సప్తయజ్ఞయజః సప్తజిహ్వా జిహ్వాతిసంవరః ॥ ౮౩॥

అస్థిమాలాఽఽవిలశిరో విస్తారితజగద్భుజః ।
న్యస్తాఖిలస్రజస్తోకవిభవః ప్రభురీశ్వరః ॥ ౮౪॥

భూతేశో భువనాధారో భూతిదో భూతిభూషణః ।
భూతాత్మకాత్మకో భూర్భువాది క్షేమకరః శివః ॥ ౮౫॥

అణోరణీయాన్మహతో మహీయాన్ వాగగోచరః ।
అనేకవేదవేదాన్తతత్త్వబీజస్తపోనిధిః ॥ ౮౬॥

మహావనవిలాసోఽతిపుణ్యనామా సదాశుచిః ।
మహిషాసురమర్దిన్యా నయనోత్సవసఙ్గరః ॥ ౮౭॥

శితికణ్ఠః శిలాదాది మహర్షినతిభాజనః ।
గిరిశో గీష్పతిర్గీతవాద్యనృత్యస్తుతిప్రియః ॥ ౮౮॥

అఙ్గీకృతః సుకృతిభిః శృఙ్గారరసజన్మభూః ।
భృఙ్గీతాణ్డవసన్తుష్ఠో మఙ్గలో మఙ్గలప్రదః ॥ ౮౯॥

ముక్తేన్ద్రనీలతాటఙ్కో ముక్తాహారవిభూషితః ।
సక్తసజ్జనసద్భావో భుక్తిముక్తిఫలప్రదః ॥ ౯౦॥

సురూపః సున్దరః శుక్లధర్మః సుకృతవిగ్రహః ।
జితామరద్రుమః సర్వదేవరాడసమేక్షణః ॥ ౯౧॥

దివస్పతిసహస్రాక్షవీక్షణావళితోషకః ।
దివ్యనామామృతరసో దివాకరపతిః ప్రభుః ॥ ౯౨॥

పావకప్రాణసన్మిత్రం ప్రఖ్యాతోర్ధ్వజ్వలన్మహః ।
ప్రకృష్టభానుః పురుషః పురోడాశభుగీశ్వరః ॥ ౯౩॥

సమవర్తీ పితృపతిర్ధర్మరాట్శమనో యమీ ।
పితృకాననసన్తుష్టో భూతనాయకనాయకః ॥ ౯౪॥

నయాన్వితః సురపతిర్నానాపుణ్యజనాశ్రయః ।
నైరృత్యాది మహారాక్షసేన్ద్రస్తుతయశోఽమ్బుధిః ॥ ౯౫॥

ప్రచేతాజీవనపతిర్ధృతపాశో దిగీశ్వరః ।
ధీరోదారగుణామ్భోధికౌస్తుభో భువనేశ్వరః ॥ ౯౬॥

సదానుభోగసమ్పూర్ణసౌహార్దః సుమనోజ్జ్వలః ।
సదాగతిః సారరసః సజగత్ప్రాణజీవనః ॥ ౯౭॥

రాజరాజః కిన్నరేశః కైలాసస్థో ధనప్రదః ।
యక్షేశ్వరసఖః కుక్షినిక్షిప్తానేకవిస్మయః ॥ ౯౮॥

ఈశానః సర్వవిద్యానామీశ్వరో వృషలాఞ్ఛనః ।
ఇన్ద్రాదిదేవవిలసన్మౌలిరమ్యపదామ్బుజః ॥ ౯౯॥

విశ్వకర్మాఽఽశ్రయో విశ్వతోబాహుర్విశ్వతోముఖః ।
విశ్వతః ప్రమదో విశ్వనేత్రో విశ్వేశ్వరో విభుః ॥ ౧౦౦॥

సిద్ధాన్తః సిద్ధసఙ్కల్పః సిద్ధగన్ధర్వసేవితః ।
సిద్ధితః శుద్ధహృదయః సద్యోజాతాననశ్శివః ॥ ౧౦౧॥

శ్రీమయః శ్రీకటాక్షాఙ్గః శ్రినామా శ్రీగణేశ్వరః ।
శ్రీదః శ్రీవామదేవాస్యః శ్రీకణ్ఠః శ్రీప్రియఙ్కరః ॥ ౧౦౨॥

ఘోరాఘధ్వాన్తమార్తాణ్డో ఘోరేతరఫలప్రదః ।
ఘోరఘోరమహాయన్త్రరాజో ఘోరముఖామ్బుజః ॥ ౧౦౩॥

తతః సుషిర సుప్రీత తత్త్వాద్యాగమజన్మభూః ।
తత్త్వమస్యాది వాక్యార్థస్తత్పూర్వముఖమణ్డితః ॥ ౧౦౪॥

ఆశాపాశవినిర్ముక్తః శేషభూషణభూషితః ।
దోషాకరలసన్మౌలిరీశానముఖనిర్మలః ॥ ౧౦౫॥

పఞ్చవక్త్రో దశభుజః పఞ్చాశద్వర్ణనాయకః ।
పఞ్చాక్షరయుతః పఞ్చః పఞ్చ పఞ్చ సులోచనః ॥ ౧౦౬॥

వర్ణాశ్రమగురుః సర్వవర్ణాధారః ప్రియఙ్కరః ।
కర్ణికారార్క దుత్తూర పూర్ణపూజాఫలప్రదః ॥ ౧౦౭॥

యోగీన్ద్రహృదయానన్దో యోగీ యోగవిదాం వరః ।
యోగధ్యానాదిసన్తుష్టో రాగాదిరహితో రమః ॥ ౧౦౮॥

భవామ్భోధిప్లవో బన్ధమోచకో భద్రదాయకః ।
భక్తానురక్తో భవ్యః సద్భక్తిదో భక్తిభావనః ॥ ౧౦౯॥

అనాదినిధనోఽభీష్టో భీమకాన్తోఽర్జునో బలః ।
అనిరుద్ధః సత్యవాదీ సదానన్దాశ్రయోఽనఘః ॥ ౧౧౦॥

ఆలయః సర్వవిద్యానామాధారః సర్వకర్మణామ్ ।
ఆలోకః సర్వలోకానామావిర్భావో మహాత్మనామ్ ॥ ౧౧౧॥

ఇజ్యాపూర్తేష్టఫలదః ఇచ్ఛాశక్త్యాది సంశ్రయః ।
ఇనః సర్వామరారాధ్య ఈశ్వరో జగదీశ్వరః ॥ ౧౧౨॥

రుణ్డపిఙ్గలమధ్యస్థో రుద్రాక్షాఞ్చితకన్ధరః ।
రుణ్డితాధారభక్త్యాదిరీడితః సవనాశనః ॥ ౧౧౩॥

ఉరువిక్రమబాహుల్య ఉర్వ్యాధారో ధురన్ధరః ।
ఉత్తరోత్తరకల్యాణ ఉత్తమోత్తమనాయకః ॥ ౧౧౪॥

ఊరుజానుతడిద్వృన్ద ఊర్ధ్వరేతా మనోహరః ।
ఊహితానేకవిభవ ఊహితామ్నాయమణ్డలః ॥ ౧౧౫॥

ఋషీశ్వరస్తుతిప్రీతో ఋషివాక్యప్రతిష్ఠితః ।
ౠగాది నిగమాధారో ఋజుకర్మా మనోజవః ॥ ౧౧౬॥

రూపాది విషయాధారో రూపాతీతో ఋషీశ్వరః ।
రూపలావణ్యసమ్యుక్తో రూపానన్దస్వరూపధృత్ ॥ ౧౧౭॥

లులితానేకసఙ్గ్రామో లుప్యమానరిపువ్రజః ।
లుప్తక్రూరాన్ధకో వారో లూకారాఞ్చితయన్త్రధృత్ ॥ ౧౧౮॥

లూకారాది వ్యాధిహరో లూస్వరాఞ్చితయన్త్రయుక్ ।
లూశాది గిరిశః పక్షః ఖలవాచామగోచరః ॥ ౧౧౯॥

ఏష్యమాణో నతజన ఏకచ్చితో దృఢవ్రతః ।
ఏకాక్షరమహాబీజ ఏకరుద్రోఽద్వితీయకః ॥ ౧౨౦॥

ఐశ్వర్యవర్ణనామాఙ్గ ఐశ్వర్యప్రకరోజ్జ్వలః ।
ఐరావణాది లక్ష్మీశ ఐహికాముష్మికప్రదః ॥ ౧౨౧॥

ఓషధీశశిఖారత్న ఓఙ్కారాక్షరసమ్యుతః ।
ఓకః సకలదేవానామోజోరాశిరజాద్యజః ॥ ౧౨౨॥

ఔదార్యజీవనపర ఔచిత్యమణిజన్మభూః ।
ఉదాసీనైకగిరిశ ఉత్సవోత్సవకారణౌ ॥ ౧౨౩॥

అఙ్గీకృతషడఙ్గాఙ్గ అఙ్గహారమహానటః ।
అఙ్గజాఙ్గజభస్మాఙ్గో మఙ్గలాయతవిగ్రహః ॥ ౧౨౪॥

కః కిం త్వదను దేవేశః కః కిన్ను వరదప్రదః ।
కః కిన్ను భక్తసన్తాపహరః కారుణ్యసాగరః ॥ ౧౨౫॥

స్తోతవ్యః స్తోతుమిచ్ఛూనాం మన్తవ్యః శరణార్థినామ్ ।
ధ్యేయో ధ్యానైకనిష్ఠానాం ధామ్నః పరమపూరకః ॥ ౧౨౬॥

భగనేత్రహరః పూతః సాధుదూషకభూషణః ।
భద్రకాళిమనోరాజో హంసః సత్కర్మసారథిః ॥ ౧౨౭॥

సభ్యః సాధుః సభారత్నం సౌన్దర్యగిరిశేఖరః ।
సుకుమారః సౌఖ్యకరః సహిష్ణుః సాధ్యసాధనమ్ ॥ ౧౨౮॥

నిర్మత్సరో నిష్ప్రపఞ్చో నిర్లోభో నిర్గుణో నయః ।
వీతాభిమానో నిర్జాతో నిరాతఙ్కో నిరఞ్జనః ॥ ౧౨౯॥

కాలత్రయః కలిహరో నేత్రత్రయవిరాజితః ।
అగ్నిత్రయనిభాఙ్గశ్చ భస్మీకృతపురత్రయః ॥ ౧౩౦॥

కృతకార్యో వ్రతధరో వ్రతనాశః ప్రతాపవాన్ ।
నిరస్తదుర్విధిర్నిర్గతాశో నిర్వాణనీరధిః ॥ ౧౩౧॥

నిధానం సర్వహేతూనాం నిశ్చితార్థేశ్వరేశ్వరః ।
అద్వైతశామ్భవమహో సనిర్వ్యాజోర్ధ్వలోచనః ॥ ౧౩౨॥

అపూర్వపూర్వః పరమః సపూర్వః పూర్వపూర్వదిక్ ।
అతీన్ద్రియః సత్యనిధిరఖణ్డానన్దవిగ్రహః ॥ ౧౩౩॥

ఆదిదేవః ప్రసన్నాత్మా ఆరాధకజనేష్టదః ।
సర్వదేవమయః సర్వః జగద్వ్యాసః సులక్షణః ॥ ౧౩౪॥

సర్వాన్తరాత్మా సదృశః సర్వలోకైకపూజితః ।
పురాణపురుషః పుణ్యః పుణ్యశ్లోకః సుధామయః ॥ ౧౩౫॥

పూర్వాపరజ్ఞః పురజిత్ పూర్వదేవామరార్చితః ।
ప్రసన్నదర్శితముఖః పన్నగావళిభూషణః ॥ ౧౩౬॥

ప్రసిద్ధః ప్రణతాధారః ప్రలయోద్భూతకారణమ్ ।
జ్యోతిర్మయో జ్వలద్దంష్ట్రో జ్యోతిర్మాలావళీ
వృతః ॥ ౧౩౭॥

జాజ్జ్వల్యమానో జ్వలననేత్రో జలధరద్యుతిః ।
కృపామ్భోరాశీరమ్లానో వాక్యపుష్టోఽపరాజితః ॥ ౧౩౮॥

క్షపాకరార్కకోటిప్రభాకరః కరుణాకరః ।
ఏకమూర్తిస్త్రిధామూర్తిర్దివ్యమ
ూర్తిరనాకులః ॥ ౧౩౯॥

అనన్తమూర్తిరక్షోభ్యః కృపామూర్తిః సుకీర్తిధృత్ ।
అకల్పితామరతరురకామితసుకామధుక్ ॥ ౧౪౦॥

అచిన్తితమహాచిన్తామణిర్దేవశిఖామణిః ।
అతీన్ద్రియోఽజితః ప్రాంశుర్బ్రహ్మవిష్ణ్వాదివన్ది
తః ॥ ౧౪౧॥

హంసో మరీచిర్భీమశ్చ రత్నసానుశరాసనః ।
సమ్భవోఽతీన్ద్రియో వైద్యో విశ్వరూపీ నిరఞ్జనః ॥ ౧౪౨॥

వసుదః సుభుజో నైకమాయోఽవ్యయః ప్రమాదనః ।
అగదో రోగహర్తా చ శరాసనవిశారదః ॥ ౧౪౩॥

మాయావిశ్వాదనో వ్యాపీ పినాకకరసమ్భవః ।
మనోవేగో మనోరుపీ పూర్ణః పురుషపుఙ్గవః ॥ ౧౪౪॥

శబ్దాదిగో గభీరాత్మా కోమలాఙ్గః ప్రజాగరః ।
త్రికాలజ్ఞో మునిః సాక్షీ పాపారిః సేవకప్రియః ॥ ౧౪౫॥

ఉత్తమః సాత్త్వికః సత్యః సత్యసన్ధో నిరాకులః ।
రసో రసజ్ఞో సారజ్ఞో లోకసారో రసాత్మకః ॥ ౧౪౬॥

పూషాదన్తభిదవ్యగ్రో దక్షయజ్ఞనిషూదనః ।
దేవాగ్రణీః శివధ్యానతత్పరః పరమః శుభః ॥ ౧౪౭॥

జయో జయాదిః సర్వాఘశమనో భవభఞ్జనః ।
అలఙ్కరిష్ణురచలో రోచిష్ణుర్విక్రమోత్తమః ॥ ౧౪౮॥

శబ్దగః ప్రణవో వాయురంశుమాననిలతాపహృత్ । వాయురంశుమాననల
నిరీశో నిర్వికల్పశ్చ చిద్రూపో జితసాధ్వసః ॥ ౧౪౯॥

ఉత్తారణో దుష్కృతిహా దుర్ధర్షో దుస్సహోఽభయః ।
నక్షత్రమాలీ నాకేశః స్వాధిష్ఠానషడాశ్రయః ॥ ౧౫౦॥

అకాయో భక్తకాయస్థః కాలజ్ఞానీ మహానటః ।
అంశుః శబ్దపతిర్యోగీ పవనః శిఖిసారథిః ॥ ౧౫౧॥

వసన్తో మాధవో గ్రీష్మః పవనః పావనోఽమలః ।
వారుర్విశల్యచతురః శివచత్వరసంస్థితః ॥ ౧౫౨॥

ఆత్మయోగః సమామ్నాయతీర్థదేహః శివాలయః ।
ముణ్డో విరూపో వికృతిర్దణ్డో దాన్తో గుణోత్తమః ॥ ౧౫౩॥

దేవాసురగురుర్దేవో దేవాసురనమస్కృతః ।
దేవాసురమహామన్త్రో దేవాసురమహాశ్రయః ॥ ౧౫౪॥

దివోఽచిన్త్యో దేవతాఽఽత్మా ఈశోఽనీశో నగాగ్రగః ।
నన్దీశ్వరో నన్దిసఖో నన్దిస్తుతపరాక్రమః ॥ ౧౫౫॥

నగ్నో నగవ్రతధరః ప్రలయాకారరూపధృత్ ।
సేశ్వరః స్వర్గదః స్వర్గః స్వరః సర్వమయః స్వనః ॥ ౧౫౬॥

బీజాధ్యక్షో బీజకర్తా ధర్మకృద్ధర్మవర్ధనః ।
దక్షయజ్ఞమహాద్వేషీ విష్ణుకన్ధరపాతనః ॥ ౧౫౭॥

ధూర్జటిః ఖణ్డపరశుః సకలో నిష్కలోఽసమః ।
మృడో నటః పూరయితా పుణ్యక్రూరో మనోజవః ॥ ౧౫౮॥

సద్భూతః సత్కృతః శాన్తః కాలకూటో మహానఘః ।
అర్థానర్థో మహాకాయో నైకకర్మసమఞ్జసః ॥ ౧౫౯॥

భూశయో భూషణో భూతిర్భూషణో భూతవాహనః ।
శిఖణ్డీ కవచీ శూలీ జటీ ముణ్డీ చ కుణ్డలీ ॥ ౧౬౦॥

మేఖలీ ముసలీ ఖడ్గీ కఙ్కణీకృతవాసుకిః ॥ ౧౬౧॥

ఉత్తరభాగమ్ ।
ఏతత్సహస్రనామాఙ్కం వీరభద్రస్య కీర్తనమ్ ।
ఏకైకాక్షరమాహాత్మ్యం మహాపాతకనాశనమ్ ॥ ౧౬౨॥

మహావ్యాధిహరం మృత్యుదారిద్ర్య
తిమిరాఞ్జనమ్ ।
మహాసంసారజలధిమగ్నోత్తారణనావికః ॥ ౧౬౩||

ధర్మార్థకామమోక్షాణాం నిజగేహం నిరర్గలమ్ ।
కర్మభక్తిచిదానన్దం కన్దకారణకన్దకమ్ ॥ ౧౬౪॥

రసం రసాయనం దివ్యం నామామృతరసం నరః ।
శృణుయాద్యః స్మరన్యోఽపి సర్వపాపైః ప్రముచ్యతే ॥ ౧౬౫॥

అగ్నిష్టోమస్య యజ్ఞస్య వాజపేయశతస్య చ ।
కన్యాదానసహస్రస్య యత్ఫలం లభతే నరః ॥ ౧౬౬॥

తత్ఫలఙ్కోటిగుణితం నామైకస్య సకృజ్జపాత్ ।
ఆయురారోగ్యసౌభాగ్యం పుత్రపౌత్రప్రవర్ధనమ్ ॥ ౧౬౭॥

ఐహికాముష్మికభయచ్ఛేదనం సుఖసాధనమ్ ।
కుష్ఠాపస్మారపైశాచచేష్టాదిరుజనాశకమ్ ॥ ౧౬౮॥

అశ్మరీం వాతశీతోష్ణం జ్వరం మాహేశ్వరీజ్వరమ్ ।
త్రిదోషజం సన్నిపాతం కుక్షినేత్రశిరోవ్యథామ్ ॥ ౧౬౯॥

మృత్యుదారిద్ర్యజన్మాది తీవ్రదుఃఖనివారణమ్ ।
మారణం మోహనం చైవ స్తమ్భనోచ్చాటనం తథా ॥ ౧౭౦॥

విద్వేషణం కర్షణం చ కుటిలం వైరిచేష్టితమ్ ।
విషశస్త్రోరగవ్యాఘ్రభయం చోరాగ్నిశత్రుజమ్ ॥ ౧౭౧॥

భూతవేతాలయక్షాది బ్రహ్మరాక్షసజం భయమ్ ।
శాకిన్యాది భయం భైరవోద్భవం బహుద్విట్భయమ్ ॥ ౧౭౨॥

త్యజన్త్యేవ సకృత్ స్తోత్రం యః స్మరేద్భీతమానసః ।
యః స్మరేత్ వీరభద్రేతి లభేత్ సత్యం శ్రియం జయమ్ ॥ ౧౭౩॥

వీరభద్రస్య నామ్నాం యత్ సహస్రం సర్వసిద్ధిదమ్ ।
వజ్రపఞ్జరమిత్యుక్తం విష్ణునా ప్రభవిష్ణునా ॥ ౧౭౪॥

కరచిన్తామణినిభం స్వైరకామదగోసమమ్ ।
స్వాఙ్గణస్థామరతరుసమానమసమోపమమ్ ॥ ౧౭౫॥

ఏకకాలం ద్వికాలం వా త్రికాలం నిత్యమేవ వా ।
యః పఠేద్వీరభద్రస్య స్తోత్రం మన్త్రమిదం నరః ॥ ౧౭౬॥

ఇహ భుక్త్వాఖిలాన్భోగానన్తే శివపదం వ్రజేత్ ॥ ౧౭౭॥

ఇతి శ్రీమత్పద్మపురాణే ఉపరిభాగే దక్షాధ్వరే శ్రీమహాశరభ-నృసింహయుద్ధే నరహరిరూపనారాయణప్రోక్తం శ్రీవీరభద్ర-
సహస్రనామస్తోత్రం సమ్పూర్ణమ్


All copyrights reserved 2012 digital media act