విశ్వకర్మకృత సూర్య అష్టోత్తరశతనామ స్తోత్రం (నృసింహ పురాణాంతర్గతం) Surya ashtottara satanama stotram in telugu lyrics

విశ్వకర్మకృత సూర్య అష్టోత్తరశతనామ స్తోత్రం (నృసింహ పురాణాంతర్గతం)

భరద్వాజ ఉవాచ
యైః స్తుతో నామభిస్తేన సవితా విశ్వకర్మణా
తాన్యహం శ్రోతుమిచ్ఛామి వద సూత వివస్వతః ౧

సూత ఉవాచ
తాని మే శృణు నామాని యైః స్తుతో విశ్వకర్మణా
సవితా తాని వక్ష్యామి సర్వపాపహరాణి తే ౨

ఆదిత్యః సవితా సూర్యః ఖగః పూషా గభస్తిమాన్
తిమిరోన్మథనః శంభుస్త్వష్టా మార్తండ ఆశుగః ౩

హిరణ్యగర్భః కపిలస్తపనో భాస్కరో రవిః
అగ్నిగర్భోఽదితేః పుత్రః శంభుస్తిమిరనాశనః ౪

అంశుమానంశుమాలీ చ తమోఘ్నస్తేజసాం నిధిః
ఆతపీ మండలీ మృత్యుః కపిలః సర్వతాపనః ౫

హరిర్విశ్వో మహాతేజాః సర్వరత్నప్రభాకరః
అంశుమాలీ తిమిరహా ఋగ్యజుస్సామభావితః ౬

ప్రాణావిష్కరణో మిత్రః సుప్రదీపో మనోజవః
యజ్ఞేశో గోపతిః శ్రీమాన్ భూతజ్ఞః క్లేశనాశనః ౭

అమిత్రహా శివో హంసో నాయకః ప్రియదర్శనః
శుద్ధో విరోచనః కేశీ సహస్రాంశుః ప్రతర్దనః ౮

ధర్మరశ్మిః పతంగశ్చ విశాలో విశ్వసంస్తుతః
దుర్విజ్ఞేయగతిః శూరస్తేజోరాశిర్మహాయశాః ౯

భ్రాజిష్ణుర్జ్యోతిషామీశో విజిష్ణుర్విశ్వభావనః
ప్రభవిష్ణుః ప్రకాశాత్మా జ్ఞానరాశిః ప్రభాకరః ౧౦

ఆదిత్యో విశ్వదృగ్ యజ్ఞకర్తా నేతా యశస్కరః
విమలో వీర్యవానీశో యోగజ్ఞో యోగభావనః ౧౧

అమృతాత్మా శివో నిత్యో వరేణ్యో వరదః ప్రభుః
ధనదః ప్రాణదః శ్రేష్ఠః కామదః కామరూపధృక్ ౧౨

తరణిః శాశ్వతః శాస్తా శాస్త్రజ్ఞస్తపనః శయః
వేదగర్భో విభుర్వీరః శాంతః సావిత్రివల్లభః ౧౩

ధ్యేయో విశ్వేశ్వరో భర్తా లోకనాథో మహేశ్వరః
మహేంద్రో వరుణో ధాతా విష్ణురగ్నిర్దివాకరః ౧౪

ఏతైస్తు నామభిః సూర్యః స్తుతస్తేన మహాత్మనా
ఉవాచ విశ్వకర్మాణం ప్రసన్నో భగవాన్ రవిః ౧౫

భ్రమిమారోప్య మామత్ర మండలం మమ శాతయ
త్వత్బుద్ధిస్థం మయా జ్ఞాతమేవమౌష్ణ్యం శమం వ్రజేత్ ౧౬

ఇత్యుక్తో విశ్వకర్మా చ తథా స కృతవాన్ ద్విజ
శాంతోష్ణః సవితా తస్య దుహితుర్విశ్వకర్మణః ౧౭

సంజ్ఞాయాశ్చాభవద్విప్ర భానుస్త్వష్టారమబ్రవీత్
త్వయా యస్మాత్ స్తుతోఽహం వై నామ్నామష్టశతేన చ ౧౮

వరం వృణీష్వ తస్మాత్ త్వం వరదోఽహం తవానఘ
ఇత్యుక్తో భానునా సోఽథ విశ్వకర్మాబ్రవీదిదం ౧౯

వరదో యది మే దేవ వరమేతం ప్రయచ్ఛ మే
ఏతైస్తు నామభిర్యస్త్వాం నరః స్తోష్యతి నిత్యశః ౨౦

తస్య పాపక్షయం దేవ కురు భక్తస్య భాస్కర ౨౧

తేనైవముక్తో దినకృత్ తథేతి
త్వష్టారముక్త్వా విరరామ భాస్కరః
సంజ్ఞాం విశంకాం రవిమండలస్థితాం
కృత్వా జగామాథ రవిం ప్రసాద్య ౨౨

All copyrights reserved 2012 digital media act