సూర్య పంజర స్తోత్రం అథవా వజ్రపంజరాఖ్య సూర్య కవచం surya panjara stotram or vajra panjarakya surya kavacham in telugu lyrics

 సూర్యకవచం అథవా వజ్రపంజరాఖ్య సూర్యకవచం

     శ్రీభైరవ ఉవాచ
యో దేవదేవో భగవాన్ భాస్కరో మహసాం నిధిః
గయత్రీనాయకో భాస్వాన్ సవితేతి ప్రగీయతే 1

తస్యాహం కవచం దివ్యం వజ్రపంజరకాభిధం
సర్వమంత్రమయం గుహ్యం మూలవిద్యారహస్యకం 2

సర్వపాపాపహం దేవి దుఃఖదారిద్ర్యనాశనం
మహాకుష్ఠహరం పుణ్యం సర్వరోగనివర్హణం 3

సర్వశత్రుసమూహఘ్నం సమ్గ్రామే విజయప్రదం
సర్వతేజోమయం సర్వదేవదానవపూజితం 4

రణే రాజభయే ఘోరే సర్వోపద్రవనాశనం
మాతృకావేష్టితం వర్మ భైరవానననిర్గతం 5

గ్రహపీడాహరం దేవి సర్వసంకటనాశనం
ధారణాదస్య దేవేశి బ్రహ్మా లోకపితామహః 6

విష్ణుర్నారాయణో దేవి రణే దైత్యాంజిఓష్యతి
శంకరః సర్వలోకేశో వాసవోఽపి దివస్పతిః 7

ఓషధీశః శశీ దేవి శివోఽహం భైరవేశ్వరః
మంత్రాత్మకం పరం వర్మ సవితుః సారముత్తమం 8

యో ధారయేద్ భుజే మూర్ధ్ని రవివారే మహేశ్వరి
స రాజవల్లభో లోకే తేజస్వీ వైరిమర్దనః 9

బహునోక్తేన కిం దేవి కవచస్యాస్య ధారణాత్
ఇహ లక్ష్మీధనారోగ్య-వృద్ధిర్భవతి నాన్యథా 10

పరత్ర పరమా ముక్తిర్దేవానామపి దుర్లభా
కవచస్యాస్య దేవేశి మూలవిద్యామయస్య చ 11

వజ్రపంజరకాఖ్యస్య మునిర్బ్రహ్మా సమీరితః
గాయత్ర్యం ఛంద ఇత్యుక్తం దేవతా సవితా స్మృతః 12

మాయా బీజం శరత్ శక్తిర్నమః కీలకమీశ్వరి
సర్వార్థసాధనే దేవి వినియోగః ప్రకీర్తితః 13

ఓం అం ఆం ఇం ఈం శిరః పాతు ఓం సూర్యో మంత్రవిగ్రహః
ఉం ఊం ఋం ౠం లలాటం మే హ్రాం రవిః పాతు చిన్మయః 14

ఌం ౡం ఏం ఐం పాతు నేత్రే హ్రీం మమారుణసారథిః
ఓం ఔం అం అః శ్రుతీ పాతు సః సర్వజగదీశ్వరః 15

కం ఖం గం ఘం పాతు గండౌ సూం సూరః సురపూజితః.
చం ఛం జం ఝం చ నాసాం మే పాతు యా^ర్ం అర్యమా ప్రభుః 16

టం ఠం డం ఢం ముఖం పాయాద్ యం యోగీశ్వరపూజితః.
తం థం దం ధం గలం పాతు నం నారాయణవల్లభః 17

పం ఫం బం భం మమ స్కంధౌ పాతు మం మహసాం నిధిః.
యం రం లం వం భుజౌ పాతు మూలం సకనాయకః 18

శం షం సం హం పాతు వక్షో మూలమంత్రమయోఇ ధ్రువః
ళం క్షః కుక్ష్సిం సదా పాతు గ్రహాథో దినేశ్వరః

ఙం ఞం ణం నం మం మే పాతు పృష్ఠం దివసనాయకః
అం ఆం ఇం ఈం ఉం ఊం ఋం ౠం నాభిం పాతు తమోపహః  20

ఌం ౡం ఏం ఐం ఓం ఔం అం అః లింగం మేఽవ్యాద్ గ్రహేశ్వరః
కం ఖం గం ఘం చం ఛం జం ఝం కటిం భానుర్మమావతు 21

టం ఠం డం ఢం తం థం దం ధం జానూ భాస్వాన్ మమావతు
పం ఫం బం భం యం రం లం వం జంఘే మే.ఆవ్యాద్ విభాకరః 22

శం షం సం హం ళం క్షః పాతు మూలం పాదౌ త్రయితనుః
ఙం ఞం ణం నం మం మే పాతు సవితా సకలం వపుః 23

సోమః పూర్వే చ మాం పాతు భౌమోఽగ్నౌ మాం సదావతు
బుధో మాం దక్షిణే పాతు నైఋత్యా గురరేవ మాం 24

పశ్చిమే మాం సితః పాతు వాయవ్యాం మాం శనైశ్చరః
ఉత్తరే మాం తమః పాయాదైశాన్యాం మాం శిఖీ తథా 25

ఊర్ధ్వం మాం పాతు మిహిరో మామధస్తాంజగత్పతిః
ప్రభాతే భాస్కరః పాతు మధ్యాహ్నే మాం దినేశ్వరః 26

సాయం వేదప్రియః పాతు నిశీథే విస్ఫురాపతిః
సర్వత్ర సర్వదా సూర్యః పాతు మాం చక్రనాయకః 27

రణే రాజకులే ద్యూతే విదాదే శత్రుసంకటే.
సంగామే చ జ్వరే రోగే పాతు మాం సవితా ప్రభుః 28

ఓం ఓం ఓం ఉత ఓంఉఓం హ స మ యః సూరోఽవతాన్మాం భయాద్
హ్రాం హ్రీం హ్రుం హహహా హసౌః హసహసౌః హంసోఽవతాత్ సర్వతః
సః సః సః సససా నృపాద్వనచరాచ్చౌరాద్రణాత్ సంకటాత్.
పాయాన్మాం కులనాయకోఽపి సవితా ఓం హ్రీం హ సౌః సర్వదా 29

ద్రాం ద్రీం ద్రూం దధనం తథా చ తరణిర్భాంభైర్భయాద్ భాస్కరో
రాం రీం రూం రురురూం రవిర్జ్వరభయాత్ కుష్ఠాచ్చ శూలామయాత్
అం అం ఆం వివివీం మహామయభయం మాం పాతు మార్తండకో
మూలవ్యాప్తతనుః సదావతు పరం హంసః సహస్రాంశుమాన్ 30

ఇతి శ్రీకవచ్చం దివ్యం వజ్రపంజరకాభిధం
సర్వదేవరహస్యం చ మాతృకామంత్రవేష్టితం 31

మహారోగభయఘ్నం చ పాపఘ్నం మన్ముఖోదితం
గుహ్యం యశస్కరం పుణ్యం సర్వశ్రేయస్కరం శివే 32

లిఖిత్వా రవివారే తు తిష్యే వా జన్మభే ప్రియే
అష్టగంధేన దివ్యేన సుధాక్షీరేణ పార్వతి 33

అర్కక్షీరేణ పుణ్యేన భూర్జత్వచి మహేశ్వరి
కనకీకాష్ఠలేఖన్యా కవచం భాస్కరోదయే 34

శ్వేతసూత్రేణ రక్తేన శ్యామేనావేష్టయేద్ గుటీం
సౌవర్ణేనాథ సంవేష్ఠ్య ధారయేన్మూర్ధ్ని వా భుజే 35

రణే రిపూంజయేద్ దేవి వాదే సదసి జేష్యతి
రాజమాన్యో భవేన్నిత్యం సర్వతేజోమయో భవేత్ 36

కంఠస్థా పుత్రదా దేవి కుక్షిస్థా రోగనాశినీ
శిరఃస్థా గుటికా దివ్యా రాకలోకవశంకరీ 37

భుజస్థా ధనదా నిత్యం తేజోబుద్ధివివర్ధినీ
వంధ్యా వా కాకవంధ్యా వా మృతవత్సా చ యాంగనా 38

కంఠే సా ధారయేన్నిత్యం బహుపుత్రా ప్రజాయయే
యస్య దేహే భవేన్నిత్యం గుటికైషా మహేశ్వరి 39

మహాస్త్రాణీంద్రముక్తాని బ్రహ్మాస్త్రాదీని పార్వతి
తద్దేహం ప్రాప్య వ్యర్థాని భవిష్యంతి న సంశయః 40

త్రికాలం యః పఠేన్నిత్యం కవచం వజ్రపంజరం
తస్య సద్యో మహాదేవి సవితా వరదో భవేత్  41

అజ్ఞాత్వా కవచం దేవి పూజయేద్ యస్త్రయీతనుం
తస్య పూజార్జితం పుణ్యం జన్మకోటిషు నిష్ఫలం  42

శతావర్తం పఠేద్వర్మ సప్తమ్యాం రవివాసరే
మహాకుష్ఠార్దితో దేవి ముచ్యతే నాత్ర సంశయః  43

నిరోగో యః పఠేద్వర్మ దరిద్రో వజ్రపంజరం
లక్ష్మీవాంజాయతే దేవి సద్యః సూర్యప్రసాదతః 44

భక్త్యా యః ప్రపఠేద్ దేవి కవచం ప్రత్యహం ప్రియే
ఇహ లోకే శ్రియం భుక్త్వా దేహాంతే ముక్తిమాప్నుయాత్  45

ఇతి శ్రీరుద్రయామలే తంత్రే శ్రీదేవిరహస్యే
వజ్రపంజరాఖ్యసూర్యకవచనిరూపణం త్రయస్త్రింశః పటలః


All copyrights reserved 2012 digital media act